სოფელ ხაბუმეში მე-3 საჯარო სკოლის მშენებლობა აქტიურად მიმდინარეობს. ზოგადსაგანმანათლებლო სასწავლო დაწესებულების მშენებლობის პროცესს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი ადგილზე გაეცნენ.
![](/images/temp/2020/09/24/fec87a37cdeec1c6ecf8181c0aa2d3bf.jpg)
პროექტის ფარგლებში განხორციელდა ავარიული შენობის დემონტაჟი და მშენებლობის პერიოდში სასწავლო პროცესი დროებით ალტერნატიულ შენობაში მიმდინარეობს. 2021 წლიდან მოსწავლეები სრულიად ახალ, თანამედროვე სტანდარტების სკოლაში გააგრძელებენ სწავლას.
![](/images/temp/2020/09/24/0d27688c61c5a172e8e45956cd70cba2.jpg)
შენობა აღიჭურვება ახალი ინვენტარითა და ტექნიკით. დაწესებულება ადაპტირებული იქნება სპეციალური საგანმანათლებლო საჭიროების მქონე ბავშვებისთვის.
![](/images/temp/2020/09/24/2668a7105966cae6e23901495176b8f9.jpg)
სკოლა გათვლილია 60 მოსწავლეზე. პროექტის ფარგლებში მოეწყობა სკოლის ეზო, მინი მოედანი და ავტოსადგომი. სამუშაოებს მუნიციპალური განვითარების ფონდი აფინანსებს. პროექტის ბიუჯეტი 1 214 000 ლარს შეადგენს.
მასალის გამოყენების პირობები