სარეკლამო მასალა
ჩხოროწყუში არსებულ ეპიდემიოლოგიურ მდგომარეობაზე შეხვედრა გაიმართა
ჩხოროწყუს მუნიციპალიტეტის მერი დათო გოგუა, საკრებულოს თავმჯდომარე კობა ჯიქია და საქართველოს პარლამენტის წევრი ჯუმბერ იზორია მუნიციპალიტეტში შექმნილი ეპიდემიოლოგიური სიტუაციისა და კორონავირუსთან დაკავშირებით გასატარებელი ღონისძიებების განხილვის მიზნით, საზოგადოებრივი ჯანდაცვის ცენტრის, გადაუდებელი სამედიცინო დახმარების სამსახურის, შსს სამეგრელო-ზემო სვანეთის პოლიციის დეპარტამენტის ჩხოროწყუს რაიონული სამმართველოს, ბაზრის, საგანმანათლებლო რესურსცენტრისა და სკოლამდელი აღზრდის გაერთიანების ხელმძღვანელ პირებს შეხვდნენ. შეხვედრას ასევე ესწრებოდნენ მერის პირველი მოადგილე გოჩა ჩიქოვანი, მერის მოადგილე ვალერი თოდუა და მერიის სტრუქტურული ერთეულების ხელმძღვანელები. საზოგადოებრივი ჯანდაცვის ცენტრის დირექტორმა ნინო ჯომიდავამ მუნიციპალიტეტში არსებულ ეპიდემიოლოგიურ მდგომარეობაზე ისაუბრა. მისი განცხადებით, ჩხოროწყუში COVID 19- ის 8 დადასტურებული შემთხვევა დაფიქსირდა, თუმცა, მიუხედავად მომატებული შემთხვევებისა, სიტუაცია კონტროლს ექვემდებარება და პანიკის საფუძველი არ არსებობს. შეხვედრაზე განიხილეს შესაბამისი ეკიპირებისა და სადეზინფექციო საშუალებების მარაგის, ასევე კორონავირუსის საპრევენციო სადეზინფექციო ღონისძიებების მიმდინარეობის საკითხები, აქცენტი გაკეთდა სამედიცინო სერვისებისა და პირველადი ჯანდაცვის სამსახურების მზაობაზე.

მუნიციპალიტეტის მერმა და საქართველოს პარლამენტის წევრმა მოსახლეობას ჯანდაცვის სამინისტროს მიერ გაცემული რეკომენდაციების დაცვისკენ მოუწოდეს. გადაწყდა, რომ ვირუსის პრევენციის მიზნით დაგეგმილ ღონისძიებებში შესაბამისი სამსახურები სრული შემადგენლობით ჩაერთვებიან.

"მაღალი სამოქალაქო პასუხისმგებლობა, რომელიც ჩვენმა საზოგადოებამ ვირუსის პირველი შემოტევის დროს გამოიჩინა, ახლა კიდევ უფრო მეტად გვჭირდება. ჩვენ ვალდებული ვართ დავიცვათ საბაზისო რეკომენდაციები, - ვატაროთ პირბადე, დავიცვათ დისტანცია და მაქსიმალურად მოვერიდოთ საზოგადოებრივი თავშეყრის ადგილებს, რითიც შევძლებთ შევაკავოთ ვირუსის გავრცელება. ასევე, ვირუსის გავრცელების საპრევენციოდ, მუნიციპალიტეტში გაგრძელდება ჯანდაცვის სამინისტროს მიერ შემუშავებული რეკომენდაციების შესაბამისი ღონისძიებები და კონტროლი", - განაცხადა მუნიციპალიტეტის მერმა დათო გოგუამ.
Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 26 °C
img
სოხუმი 25 °C
img
ფოთი 25 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.