სარეკლამო მასალა
ზუგდიდში პირველადი ჯანდაცვის სფეროში მომუშავეებს ონკოსკრინინგთან დაკავშირებული ტრენინგი ჩაუტარდათ (ფოტო/ვიდეო)
დღეს, ზუგდიდის სკრინინგ ცენტრში ონკოლოგიური დაავადებების სკრინინგის თემაზე, სოფლად ოჯახის ექიმებისთვის ტრენინგი ჩატარდა. 

ტრენინგები მიმდინარეობს ჩეხეთის რესპუბლიკის კარიტასის ახალი პროექტის ფარგლებში "ონკოგინეკოლოგიური სერვისების ხარისხის გაუმჯობესება დასავლეთ საქართველოში", რომლის მიზანია ონკო-გინეკოლოგიური სერვისების ხარისხის განვითარების ხელშეწყობა რეგიონში.
ექსპერტმა საოჯახო მედიცინაში მარინა შიხაშვილმა აღნიშნა, რომ ოჯახის ექიმის ინსტიტუტის განვითარება აუცილებელია მოსახლეობის ჯანმრთელობის გაუმჯობესებისთვის და ხაზი გაუსვა, რომ სკრინინგ ცენტრის არსებობა მნიშვნელოვანია სამეგრელოში მცხოვრები ადამიანებისთვის.

"პირველადი ჯანდაცვა, საოჯახო მედიცინა - ეს არის ჯანდაცვის სისტემის საფუძველი და იმ ქვეყნებში, სადაც პირველადი ჯანდაცვა არის კარგად განვითარებული, ზოგადად ჯანდაცვის მაჩვენებლები ძალიან კარგია. მოსახლეობის ჯანმრთელობის დონეც დამაკმაყოფილებელია. სოფლად ოჯახის ექიმებს ამ პრევენციულ ნაწილში მნიშვნელოვანი როლი და ადგილი უკავიათ. დიდი მიღწევაა, როცა სახელმწიფოს შეუძლია ისეთი ონკოლოგიური დაავადებების სკრინინგი ანუ პრევენცია, როგორიც არის სარძევე ჯირკვლის, საშვილოსნოს ყელის და სხვადასხვა დაავადების სკრინინგის ჩატარება მოსახლეობისთვის, ეს ყველაფერი რომ იყოს ხელმისაწვდომი, როგორც ტერიტორიულად, ასევე ფინანსურად - ეს არის ძალიან დიდი ბედნიერება და ამიტომ ამ შესაძლებლობების არგამოყენება არ არის სწორი. ოჯახის ექიმები არიან ზუსტად ის ადამიანები, რომლებთანაც პირველი კონტაქტი უხდება პაციენტს, დღევანდელი შეხვედრა ამიტომაც ამ საკითხს ეძღვნება", - აღნიშნა მან.

ზუგდიდის სკრინინგ ცენტრის დირექტორი ირინე ფოჩხუა მიიჩნევს, რომ ყველა სამედიცინო დაწესებულებაში მედიცინის მუშაკები პაციენტებს უნდა ესაუბრებოდნენ სკრინინგის მნიშვნელობაზე და საჭიროებებზე. ის ამბობს, რომ საქართველოში და მათ შორის ზუგდიდშიც სკრინინგული მომართვიანობა დაბალია.

"პირველადი ჯანდაცვის როლი სკრინინგული პროგრამების გატარებაში არის ძალიან მნიშვნელოვანი, პაციენტს, რა თქმა უნდა, პირველი ურთიერთობა აქვს ოჯახის ექიმთან, ოჯახის ექიმმა უნდა მიაწოდოს ინფორმაცია პაციენტს, მაგალითად, ის, რომ არის ძალიან მნიშვნელოვანი სკრინინგის ჩატარება დროულად, მაშინ, როცა ისინი ჯანმრთელები არიან, რათა მერე არ გამოვლინდეს დაგვიანებული შემთხვევები ავთვისებიანი დაავადების. აქედან გამომდინარე, პირველად ჯანდაცვას ძალიან დიდი როლი ეკისრება ამ პროცესში. სკრინინგული მომართვიანობა დაბალია ზუგდიდის რაიონში, ისევე, როგორც მთელს საქართველოში. 2019 წლიდან ფუნქციონირებს ზუგდიდის სკრინინგ ცენტრი და სამწუხაროდ, პაციენტები დაგვიანებით მოდიან. ადრე რომ მოსულიყვნენ ჩვენთან, შეიძლებოდა ამ დაავადებების ადრეულ სტატიაზე დიაგნოსტირება. როცა ადრეულ სტადიაზე არის გამოვლენილი დაავადება, ისინი ჯანმრთელები უბრუნდებიან მკურნალობის შემდეგ საზოგადოებას", - თქვა ირინე ფოჩხუამ.

ტრენინგის ერთ-ერთმა მონაწილემ ცირა ქაძანაიამ ზუგდიდის სკრინინგ ცენტრის მიერ გაწეულ დახმარებაზე ისაუბრა. მან აღნიშნა, რომ მისთვის ეს სასწავლო კურსი საინტერესო იყო და მიღებულ ცოდნას პაციენტების სასარგებლოდ გამოიყენებს.

"ძალიან მნშვნელოვანია დღევანდელი შეხვედრა ჩვენთვის, ოჯახის ექიმებისთვის, ვინაიდან კიბო არის ერთ-ერთი ყველაზე გავრცელებული და სიკვდილიანობის მაღალი მაჩვენებლების მქონე დაავადება, მით უმეტეს, ჩვენი რეგიონისთვისაც არის სპეციფიური პრობლემები. ძალიან მადლობელი ვარ ზუგდიდის სკრინინგ ცენტრის და ჩეხური ორგანიზაცია კარიტასის, რომელიც ყოველთვის ჩვენს გვერდით არის, ზრუნავს ექიმების განათლებაზე და ძალიან მნიშვნელოვანია დღევანდელი დღე, იმდენად რამდენადაც პრევენცია, დაავადების ადრეულ სტადიაზე აღმოჩენა და სკრინინგის დროული ჩატარება ხარისხიანი ცხოვრების წლებს მატებს პაციენტს და მეტი შანსი აქვს იცოცხლოს, ჩვენც ყველანაირად ვეცდებით დღეს დახვალ მიღებული ცოდნა ჩვენი პაციენტების სასარგებლოდ გამოვიყენოთ", - გვითხრა ოჯახის ექიმმა.

სამომავლოდ პროექტის ფარგლებში დაგეგმილია სამეგრელო - ზემო სვანეთში მცხოვრები 170-მდე სოფლად ოჯახის ექიმის გადამზადება.

პროექტი ხორციელდება საქართველოს სამედიცინო ჰოლდინგთან თანამშრომლობით და ერთ-ერთ ამოცანას შეადგენს რუხის ჰოსპიტლისთვის სამედიცინო აპარატურის შეძენა გინეკოლოგიური სერვისების განვითარების მიზნით. ასევე დაგეგმილია რუხის ჰოსპიტლის პერსონალის პროფესიული გადამზადება როგორც ქართველ, ასევე ჩეხ კოლეგებთან თანამშრომლობით.

პროექტის ფინანსურ მხარდაჭერას უზრუნველყოფს ჩეხეთის საგარეო საქმეთა სამინისტროს "მედევაკის" პროგრამა.



Print Email
FaceBook Twitter
რ ე კ ლ ა მ ა
ანაკლიაში, სასტუმრო "პალმ ბიჩში", კავკასიის მეოთხე საერთაშორისო ლიტერატურულ-ფოლკლორული ფესტივალი "ანაკლია 2022" გაიმართება.
ა(ა)იპ ,,ხელოვნებისა და კულტურის განვითარების ცენტრის“ ინიციატივითა და ზუგდიდის მუნიციპალიტეტის მერიის მხარდაჭერით, დადიანების სასახლეთა ისტორიულ-არქიტექტურული მუზეუმის ეზოში, ზუგდიდის პირველი კლასიკური მუსიკის ფესტივალი და საპატიო ზუგდიდელის დაჯილდოების ცერემონია გაიმართა.
ზუგდიდის მუნიციპალიტეტის მერიის ინიციატივით, საქართველოს კულტურისა და სპორტის სამინისტროსა და კულტურის პალატის გადაწყვეტილებით, სკეიტ პარკის მიმდებარე ტერიტორიაზე,
კორონავირუსი
14 აგვისტოდან 21 აგვისტოს ჩათვლით საქართველოში კორონავირუსი 12 595 ადამიანს დაუდასტურდა, მათგან სამეგრელო-ზემო სვანეთში 1158-ს. Covid 19-ით გარდაიცვალა კიდევ 6 პაციენტი.
ბოლო სტატისტიკის თანახმად, 7 აგვისტოდან 14 აგვისტოს ჩათვლით საქართველოში კორონავირუსი 12 338 ადამიანს დაუდასტურდა, მათგან 1 094 სამეგრელო-ზემო სვანეთში მცხოვრებია. გარდაიცვალა ვირუსით ინფიცირებული 6 პაციენტი.
დე ფაქტო აფხაზეთის ჯანდაცვის სამინისტროს პრესსამსახურის ინფორმაციით, ბოლო ორი დღის განმავლობაში კორონავირუსით ორი ადამიანი 87 და 37 წლის მამაკაცი გარდაიცვალა.
საზოგადოება
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
დილის ჩართვა
მთავარი საინფორმაციო გამოშვება
არქივი
«« ოქტომბერი 2022 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 17 °C
img
სოხუმი 19 °C
img
ფოთი 19 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.