აშშ-ს ელჩი სამეგრელოზე - მოხიბლული ვარ ამ რეგიონის ეკონომიკური შესაძლებლობებით (ვიდეო)
10:47 / 09.06.2016
ამერიკის შეერთებული შტატების ელჩი იან კელი სამეგრელო-ზემო სვანეთის
გუბერნატორ ლევან შონიას შეხვდა.
სამხარეო ადმინისტრაციის პრესსამსახურის ცნობით, შონიამ ელჩს
რეგიონში განხორციელებული და მიმდინარე ინფრასტრუქტურლი პროექტები
გააცნო. მან ასევე დიპლომატს აფხაზეთის ადმინისტრაციულ საზღვართან
არსებული მდგომარეობის შესახებაც მიაწოდა ინფორმაცია.
იან კელის განცხადებით, რეგიონში ეკონომიკის და განათლების სფეროს
განვითარებისთვის სხვადასხვა პროექტების განხორციელებას გეგმავენ.
"ეს გახლავთ ჩემი მეორე ვიზიტი სამეგრელოს რეგიონში. მოხიბლული ვარ იმ
ეკონომიკური შესაძლებლობებით, რაც ამ რეგიონს გააჩნია. ადგილობრივი
ხელისუფლების წარმომადგენლებთან ვისაუბრე რეგიონში არსებულ
გამოწვევებზე. დავსახეთ სამომავლო გეგმები და თანამშრომლობის
პერსპექტივები. ვისაუბრეთ ხელოვნური საზღვრის გასწვრივ არსებულ
სიტუაციაზე და იმ სამწუხარო ფაქტებზე, რომელსაც ადგილი ჰქონდა,
საუბარია ნაბაკევის ინციდენტზე. იმედს გამოვთქვამ, რომ ჩვენი
თანამშრომლობა მომავალშიც გაგრძელდება", - განაცხადა გუბერნატორთან
გამართული შეხვედრის შემდეგ დიპლომატმა.
მხარის გუბერნატორის ინფორმაციით, კელი განსაკუთრებით რუხი მოლით და
ამავე სოფელში მშენებარე საავადმყოფოთი დაინტერესდა.
" ამერიკის საელჩო მზად არის დაეხმაროს რეგიონს სოფლის მეურნეობისა და
განათლების კუთხით, ამ სფეროებში გადაამზადოს რეგიონის ახალგაზრდები",
- განაცხადა შონიამ შეხვედრის დასრულების შემდეგ.
გუბერნატორისა და ელჩის შეხვედრას, აშშ-ის ელჩის პოლიტიკური მრჩეველი
ლორა ჰოჩლა, სამეგრელო-ზემო სვანეთის რეგიონული პროექტების
კოორდინირების სამსახურის უფროსი დათო კოდუა და ზუგდიდის ვიცე-მერი
გია გულორდავა ესწრებოდნენ.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ოკუპირებული აფხაზეთის ე.წ. პრეზიდენტმა განაცხადა, რომ ბიჭვინთის „სახელმწიფო აგარაკის“ რუსეთის ხელისუფლებისთვის გადაცემის საკითხს „წერტილი დაესვა“. ამის შესახებ ასლან ბჟანიამ აფხაზურ ტელევიზიას უთხრა.
ზუგდიდში ე.წ აგენტების კანონთან დაკავშირებით "ერთიანი ნაციონალური მოძრაობის" ლიდერი ლევან ხაბეიშვილი, ასევე "სტრატეგია აღმაშენებლის" თავმჯდომარე გიორგი ვაშაძე, საზოგადოების სხვადასხვა წარმომადგენელთან ერთად,
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები