რეგიონი
დევნილთა საარსებო წყაროებით უზრუნველყოფის სააგენტო მოხალისეებს ეძებს
დევნილთა საარსებო წყაროებით უზრუნველყოფის სააგენტო, პროექტის "ZRDA" ფარგლებში, რომელიც USAID -ის მხარდაჭერით ხორციელდება, საინფორმაციო კამპანიას იწყებს. ის დევნილთათვის განკუთვნილი სახელმწიფო პროგრამების შესახებ ინფორმაციის გავრცელებას გულისხმობს და სამეგრელო-ზემო სვანეთის, შიდა ქართლისა და ქვემო ქართლის რეგიონებში ჩატარდება.

სააგენტოს დირექტორის ირაკლი უჯმაჯურიძის განმარტებით, კამპანია მოხალისეთა აქტიური ჩართულობის საშუალებით განხორციელდება. მისივე თქმით, შერჩეული მოხალისეები ზემოაღნიშნულ ინფორმაციას, დევნილთა ჩასახლებებში კარდაკარის პრინციპით გაავრცელებენ.

"სამეგრელო-ზემო სვანეთის რეგიონში 90 მოხალისე გვჭირდება. შერჩევის კრიტერიუმებია: 18-29 წლამდე ასაკის ახალგაზრდები, სტუდენტები ან კურსდამთავრებულები, უპირატესობა  დევნილისა და სოციალურად დაუცველის სტატუსების მქონე აპლიკანტებს მიენიჭება. მოხალისეები სიმბოლურ ანაზღაურებას - დღეში 15 ლარს მიიღებენ. ასევე მინდა აღვნიშნო, რომ საინფორმაციო კამპანიის დასრულების შემდეგ, მოხალისეებს კამპანიაში მონაწილის სერტიფიკატები გადაეცემათ, ხოლო გამორჩეულ მოხალისეებს დევნილთა სამმართველოებში სტაჟირების გავლის შანსი მიეცემათ", - აღნიშნა რადიო "ათინათთან" საუბარისას ირაკლი უჯმაჯურიძემ.

დაინტერესების შემთხვევაში, მსურველებს განაცხადის შეავსება შემდეგ ბმულზე, არაუგვიანეს ა.წ. 7 აგვისტომდე შეეძლებათ. 

ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული პროექტი "ZRDA" არის ხუთწლიანი პროგრამა, რომელიც მიზნად ისახავს მდგრადი ეკონომიკური განვითარების ხელშეწყობას საქართველოს ხუთი რეგიონის 70 თემში.

ამ მიზნით, პროექტი განახორციელებს შემდეგ ინიციატივებს: მიკრო, მცირე და საშუალო საწარმოების განვითარება; სოფლის მოსახლეობის შემოსავლების ზრდის ხელშეწყობა; მეწარმეებსა და მყიდველებს შორის საბაზრო ურთიერთობების ჩამოყალიბება და განვითარება; ადგილობრივი ეკონომიკური განვითარების ხელშეწყობა ბიზნესკავშირების დამყარებისა და გაძლიერების მეშვეობით.

პროექტი ადმინისტრაციულ საზღვრისპირა და ეთნიკური უმცირესობებით დასახლებულ თემებს მოიცავს. მისი განხორციელების შედეგად, სამიზნე თემებში 2000 სამუშაო ადგილი შეიქმნება, ხოლო 11 000 ოჯახს შემოსავლები გაზრდება.

Print Email
FaceBook Twitter
დაფინანსებული
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
სტატია
დღის სიახლეები
11 / ივლისი 2025
ტრადიციულ ქართულ ჩაცმულობაში თავსაბურავს ყოველთვის დიდი მნიშვნელობა ეძლეოდა, ბუნებრივია ასე იყო სამეგრელოშიც. რაც უნდა ღარიბი ყოფილიყო ქალი და იმისი საგარეო ჩაცმულობა, ერთი კარგი თავშალი აუცილებლად ექნებოდა.რაც შეეხება ფეხსაცმელებს,არსებობდა სხვადასხვა ტიპის .დღევანდელ გადაცემაში საუბარია თავსაბურავების და ფეხსაცმელების ნაირსახეობაზე, რომლის მასობრივი გამოყენება ხდებოდა სამეგრელოში.
08 / ივლისი 2025
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
03 / ივლისი 2025
ტანსაცმელის დამზადებას და მის მოვლა-პატრონობას სამეგრელოში დიდი ყურადღება ეთმობოდა. ტანსაცმელს ზანდუკ-კიდობნებში ინახავდნენ.ავი თვალის დასაცავად ტანსაცმლის მარცხენა მხარეს, შიგნით "ანგაროზის"(ავგაროზი) დაკერებაც იცოდნენ მას ნათოლეშ წამალს" უწოდებდნენ. ავგაროზი მზადდებოდა ბავშვებისთვის და თვალდაკრული ადამიანებისთვისაც.დღევანდელ გადაცემაში საუბარია როგორ მზადდებოდა ავგაროზი და როგორი იყო მასთან დაკავშირებული რიტუალები.
ოდაბადეშ კინოხონი
დადიანების სასახლეთა საგანძური
ჩვენი თვითმმართველობა
არქივი
«« ივლისი 2025 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.