პროექტის „დამოკიდებულებიდან თვითკმარობამდე - ინოვაციური და ეფექტური საარსებო წყაროების გადაწყვეტილებები საქართველოსთვის“ ფარგლებში ზუგდიდში 14 ჟურნალისტი ჩამოვიდა. ისინი იმ პრობლემებს გააშუქებენ, რომელიც დევნილთა დასახლებებში მცხოვრებლებს აქვთ.

პროექტის მონაწილე ჟურნალისტების თქმით, საკმაოდ სერიოზული პრობლემები გამოიკვეთა. ისინი ეცდებიან, აღნიშნული საკითხები ხელისუფლებამდე მიიტანონ.

ადგილობრივი მცხოვრებლების განცხადებით, მათი მთავარი პრობლემა უწყლობა, კანალიზაციის არ არსებობა, საბავშვო ბაღის არ ქონა და სხვა ინფრასტრუქტურული საკითხებია.

„თვეში ორჯერ მოდიან და გვპირდებიან მათ მოგვარებას, მაგრამ დაპირება დაპირებად რჩება“, - ამბობენ დევნილები.

პროექტი საქველმოქმედო ცენტრ „აფხაზეთისა“, ლტოლვილთა საბჭოს ორგანიზებითა და ევროკავშირის ფინანსური მხარდაჭერით ხორციელდება. ის ამ ეტაპზე ხუთ რეგიონს მოიცავს. პროექტის პარტნიორი ზუგდიდში, არასამთავრობო ორგანიზაცია „საუნჯეა“, რომელიც დევნილთა საკითხების ადვოკატირებას უწყობს კოორდინაციას.