რეგიონი
რეგისტრაცია დასწრებაზე - რა სირთულეებზე საუბრობენ პირველკლასელთა მშობლები
8 მაისს, დილის 9 საათზე საქართველოს მასშტაბით პირველკლასელთა საყოველთაო ელექტრონული რეგისტრაცია იწყება. იმისათვის, რომ ბავშვი სასურველ სკოლაში მოხვდეს, WWW.EMIS.GE-ზე მომავალი მოსწავლის შესაბამისი მონაცემები უნდა შეავსონ და ონლაინ დაარეგისტრირონ. ერთი შეხედვით, ამ მარტივი პროცედურის სირთულეებსა და უარყოფით მხარეებზე საუბრობენ ჩვენი რესპოდენტები - მომავალი პირველკლასელების მშობლები. არასაკმარისი ვაკანტური ადგილი ტერიტორიულად ახლოს მყოფ სკოლაში - ეს ის ძირითადი პრობლემაა, რომელიც მათ რეგისტრაციის დროს აქვთ.

მომავალი პირველკლასელის დედაა სალომე ახალაია. ის ამბობს, რომ შვილის დარეგისტრირება პირველ საჯარო სკოლაში სურს, რადგან ტერიტორიულად მათ საცხოვრებელ სახლთან ყველაზე ახლოს მდებარეობს.

„პრობლემა არის ის, რომ ონლაინ რეგიტრაციის დროს ყველაფერი წამებზეა დამოკიდებული და შესაძლოა, ვერ მოვასწროთ დარეგისტრირება. ჩვენს შემთხვევაში, თუკი სასურველ სკოლაში ვერ მოხვდა ბავშვი, მის სასწავლებელში წასაყვანად მძღოლის დაქირავება გახდება აუცილებელი, რაც, პირველ რიგში, ფინანსურ მხარესთანაა დაკავშირებული“, - უთხრა რადიო „ათინათს“ ახალაიამ.

სასურველი სკოლა აქვს არჩეული ტერიტორიული სიახლოვის მიხედვით კოსტავას ქუჩაზე მცხოვრებ ლედი ქირიასაც, თუმცა, გამომდინარე იქიდან, რომ მეორე საჯარო სკოლაში ადგილების მცირე რაოდენობაა დარჩენილი, ამბობს, რომ რეგისტრაციის ცდასაც კი აზრი არ აქვს, ამიტომაც ეცდება, მოასწროს და შვილი პირველ სკოლაში დაარეგისტრიროს.

ძალიან ბევრი ადამიანის შეწუხება მიწევს, რომ როგორმე მოვასწროთ და ბავშვი პირველ სკოლაში მაინც მოხვდეს. თუ ამ შემთხვევაშიც არ გაგვიმართლა, ალბათ, კერძო სკოლაზე ვიფიქრებ“, - გვითხრა ქირიამ.

პირველსა და მეორე სკოლას შორის აკეთებს არჩევანს დავით ლოგუაც. ამ შემთხვევაშიც მთავარი მიზეზი ტერიტორიული სიახლოვეა.

„მიუხედავად იმისა, რომ მეორე სკოლასთან ახლოს ვცხოვრობთ, ეს არანაირ უპირატესობას არ გვაძლევს და შესაძლოა, საცხოვრებელი სახლიდან შორს მოვხვდეთ. წესით, სამინისტრომ უნდა გაითვალისწინოს სამომავლოდ. თუ არ მოხვდა სასურველ სკოლაში, რომელიმე სხვაში შევიყვან, რომ წელი არ გაუცდეს და შემდეგ გადმოვიყვან, თუმცა, სხვა სკოლაში გადაყვანაც ბავშვისთვის გარკვეულ ფსიქოლოგიურ სირთულეებს უკავშირდება“, - აღნიშნა დავით ლოგუამ.

მეორე და მეოთხე სკოლებიდან ხათუნა ნადარეიშვილის სახლამდე 50-100 მეტრია. იმ შემთხვევაში, თუკი მეორე ან მეოთხე სკოლაში ვერ დარეგისტრირდა, ისშვილის ნებისმიერ სკოლაში შეყვანას გეგმავს, გამოსავალს კი მოგვიანებით სასურველ სკოლაში საბუთების გადმოტანაში ხედავს.

შესაძლოა, ვინმემ დამასწროს და იმ სკოლაში ვერ დავარეგისტრირო ბავშვი, რომელიც ჩემს სახლთან ყველაზე ახლოსაა და ოჯახური პირობების გათვალისწინებით, ყველაზე ხელსაყრელია. ამასთან, ყველაზე უსაფრთხო. მე და ჩემი მეუღლე ვმუშაობთ და სკოლიდან მის გამოყვანას სულ ვერ მოვახერხებთ. აქ ყველაფერი სისწრაფეზეა დამოკიდებული. არ შეიძლება ასე ხდებოდეს“, - თქვა ნადარეიშვილმა.

აღნიშნული სკოლის დირექტორები ამბობენ, რომ სკოლის დირექციას ელექტრონულ რეგისტრაციაში მონაწილეობის მიღება და მით უფრო, მისი კონტროლი არ შეუძლია. მათივე განმარტებით, კანონი სკოლებში ბავშვების ჩარიცხვას ტერიტორიული სიახლოვის მიხედვით არ ითვალისწინებს.

საყოველთაო ელექტრონული რეგისტრაცია არის ყველაზე კარგი მეთოდი, რომ არ იყოს პრეტენზია და თუ მაინც არის, ალბათ სწორად ვერ გაიგეს მისი არსი“, - ასე პასუხობს მშობლების პრეტენზიებს მეოთხე საჯარო სკოლის დირექტორი ნანა ხუფაცარია. მისივე თქმით, თუკი განსაკუთრებული გამონაკლისი ტერიტორიული სიახლოვის გამო იქნა, სამინისტროს თანხმობით მათ რაოდენობის მცირე გაზრდაც შეუძლიათ.

ჩვენ გავითვალისწინეთ მშობლების ინტერესი და მეორე სკოლაში 25 ადგილი დავამატეთ“, - განაცხადა რადიო „ათინათთან“ ზუგდიდის საგანმანათლებლო რესურსცენტრის ხელმძღვანელმა კახა ფარცვანიამ. მისივე თქმით, ტერიტორიულ სიახლოვეს ამ შემთხვევაში მნიშვნელობა არ აქვს და მსგავსი დაყოფა ბავშვებისა და მშობლების უფლებების შელახვა იქნებოდა, რადგან ყველას აქვს უფლება ისწავლოს იქ, სადაც საჭიროდ თვლის.

ამ დროის მონაცემებით, მერაბ კოსტავას სახელობის მეორე საჯარო სკოლაში - 30, აკაკი წერეთლის სახელობის ნომერ პირველ საჯარო სკოლაში - 56, მეოთხე საჯარო სკოლაში კი 51 პირველკლასელის ადგილია ვაკანტური. დაახლოებით, ამდენივე მოსწავლეა მისაღები ზუგდიდის სხვა სკოლებში, თუმცა, რეგისტრაციისას პრობლემას ზუგდიდის ცენტრში მდებარე სკოლებში ჩარიცხვაზე განსაკუთრებულად დიდი მოთხოვნა ქმნის.

უკვე შევსებულ ადგილებზე კი რეგისტრაციის პირველ ეტაპზე, კანონის შესაბამისად, ის მოსწავლეები დარეგისტრირდნენ, რომლის და-ძმაც სწავლობს ამ სკოლაში, რომლის მშობელიც სკოლის თანამშრომელია, რომლის ოჯახიდანაც ერთდროულად ორი ან მეტი ბავშვი შედის პირველ კლასში.

პირველკლასელთა რეგისტრაციის სამეტაპიანი სისტემა 2012 წლიდან განათლებისა და მეცნიერების იმჟამინდელი მინისტრის დიმიტრი შაშკინის ბრძანების შესაბამისად მოქმედებს.



Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
სოხუმმა კორონავირუსით ინფიცირების 122 ახალი შემთხვევა დაადასტურა. ინფორმაციას დე ფაქტო რესპუბლიკაში Covid 19-სგან მოსახლეობისდაცვის მიზნით შექმნილი ოპერატიული შტაბი ავრცელებს.
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 228 ადამიანი მკურნალობს, მათგან 7 პაციენტის ჯანმრთელობის მდგომარეობა მძიმეა.
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე 17 398​ ადამიანი გამოკვლიეს და გამოვლინდა ინფიცირების 1 550 ახალი შემთხვევა.
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
დღის სიახლეები
19 / იანვარი 2021
სოხუმმა კორონავირუსით ინფიცირების 122 ახალი შემთხვევა დაადასტურა. ინფორმაციას დე ფაქტო რესპუბლიკაში Covid 19-სგან მოსახლეობისდაცვის მიზნით შექმნილი ოპერატიული შტაბი ავრცელებს.
19 / იანვარი 2021
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 228 ადამიანი მკურნალობს, მათგან 7 პაციენტის ჯანმრთელობის მდგომარეობა მძიმეა.
19 / იანვარი 2021
სამეგრელო-ზემო სვანეთისა და შიდა ქართლის პოლიციის დეპარტამენტების თანამშრომლებმა, ერთობლივად ჩატარებული კომპლექსური საგამოძიებო და ოპერატიული ღონისძიებების შედეგად, 2020 წელს ფოთში მომხდარი მკვლელობისთვის ძებნილი პირი 1983 წელს დაბადებული ზ.ო. ქარელის მუნიციპალიტეტში დააკავეს.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 0 °C
img
სოხუმი 0 °C
img
ფოთი 1 °C
img
მესტია -13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.