რეგიონი
ანაკლიის პორტის გარემოზე ზემოქმედების ანგარიში განიხილეს (ვიდეო)
ზუგდიდში ანაკლიის ღრმაწყლოვანი პორტის გარემოზე ზემოქმედების შეფასების ანგარიშის საჯარო განხილვა გაიმართა. "ანაკლიის განვითარების კონსორციუმის" წარმომადგენლებმა დაინტერესებულ პირებს ანაკლიის პორტის მშენებლობისას შესაძლო ზემოქმედებისა და მათი შემარბილებელი მექანიზმების გატარების შესახებ ინფორმაცია მიაწოდეს. კვლევებში ქართველ სპეციალისტებთან ერთად საერთაშორისო კომპანიები მონაწილეობდნენ. ის გარემოს ფონური მონაცემების შეგროვების სამუშაო პროცესს, მიწისქვეშა წყლების დაბინძურების დადგენას, წყლის სინჯების ფლორის, ფაუნის, თევზის , ძუძუმწოვრებისა და მიმდებარე ტერიტორიაზე არსებული ენდემების შესახებ ინფორმაციას მოიცავდა.

მომხსენებელმა სოფიო ბერიშვილმა აღნიშნა, რომ თითოეულ მათგანზე შემარბილებელი ზემოქმედების გეგმა შემუშავდება.

კონსორციუმის წარმომადგენლებმა დამსწრეთა მიერ დასმულ კითხვებსაც უპასუხეს. შეხვედრის მონაწილეები სხვადასხვა საკითხით, მათ შორის, პორტის მშენებლობისას ადგილობრივების დასაქმებითა და მშენებლობისათვის საჭირო ინერტული მასალის მოპოვებით დაინტერესდნენ. გარდა ამისა, დაისვა კითხვები, იყო თუ არა შესწავლილი სეისმიკა, როდის დაიწყება მშენებლობა და იქნება თუ არა შრომითი უფლებები. აღნიშნულ საკითხებზე 'ანაკლიის განვითარების კონსორციუმის" გენერალური დირექტორის მოადგილემ გიორგი მირცხულავამ უპასუხა.

„ეს კვლევები ემსახურება იმას, რომ პორტის მშენებლობამ არ გამოიწვიოს პრობლემები. ყურადღების მიღმა არ დარჩენილა არც სეისმური საკითხები, ინერტულ მასალებს საქართველოში მოვიპოვებთ. მშენებლობისას დასაქმდებიან ადგილობრივები და მათი შრომითი უფლებები იქნება დაცული, ხოლო მშენებლობის დაწყება დამოკიდებულია რიგ პროცესებზე და ჩვენ იმედი გვაქვს, რომ მომავალი წლის მეორე კვარტალში აქტიური სამუშაო პროცესი დაიწყება“, - აღნიშნა მირცხულავამ.

ანგარიშის წარდგენას, რომელიც მერიის სააქტო დარბაზში გაიმართა, ადგილობრივი თვითთმართველობის წარმომადგენლები, მოსახლეობა და ანაკლიის ბუფერულ ზონაში მცხოვრებლებიც ესწრებოდნენ. მსგავსი შეხვედრა ხვალ ანაკლიაში ჩატარდება.

ანაკლიის ნავსადგურის მშენებლობა ცხრა ფაზად წარიმართება და ის წელიწადში 100 მილიონ ტონა ტვირთს გაატარებს. პროექტის განხორციელება 2016 წელს დაიწყო და ის ანაკლიის მიმდებარედ, 340 ჰექტარ ფართობის ტერიტორიაზე აშენდება. პორტის მშენებლობისა და განვითარების ღირებულება 2.5 მილიარდ აშშ დოლარს შეადგენს.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების განსახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 17 °C
img
ფოთი 17 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.