ახალი ამბები
გადააბრძანებენ თუ არა მარიამობას ღვთისმშობლის სამოსელს ხობში, კვლავ უცნობია (ვიდეო)
ზუგდიდის ივერიის ღვთისმშობლის ხატის სახელობის მამათა მონასტრის ეზოში მეუფისა და საპატრიარქოს სიწმინდეთა მოძიებისა და დაცვის განყოფილების თავმჯდომარეს მეუფე ვახტანგის შეხვედრა დასრულდა. მეუფე ვახტანგმა ღვთისმშობლის შესამოსლის ხობში მოსალოცად გადაბრძანებასთან დაკავშირებით ზუგდიდელების აზრი მოისმინა. მისი თქმით, ის ადგილზე წმინდა სინოდის დავალებით ჩამოვიდა.

„გადაწყვეტილების მისაღებად არ ჩამოვსულვარ, ჩამოვედი, რომ მოვისმინო ეპარქიისა და ხალხის აზრი. რაც შეეხება გადაწყვეტილებას, ეს ჩემზე არაა დამოკიდებული. რეზიუმეს მოვახსენებ უწმინდესსა და წმინდა სინოდს და შესაბამისად, გადაწყვეტილებას მიიღებენ“, - უთხრა ჟურნალისტებს მეუფე ვახტანგმა.



მეუფე გერასიმეს განმარტებით, აღნიშნულის შესახებ გადაწყვეტილება წმინდა სინოდმა უნდა მიიღოს, თუმცა, შეიკრიბება თუ არა სინოდი 28 აგვისტომდე, უცნობია.

„შარშანაც არ შეკრებილა წმინდა სინოდი, თუმცა საპატრიარქომ მიიღო გადაწყვეტილება, გაითვალისწინა მრევლის თხოვნა და სამოსელი ზუგდიდიდან არ გასულა“, - აღნიშნა მეუფე გერასიმემ.

მრევლის პოზიციას ითვალისწინებს ქალაქის მერი ირაკლი გოგოხიაც. მისი თქმით, ქალაქის მერია წმინდა სინოდისთვის გადასაცემ წერილს ამზადებს.

"მე მაშინაც ვბრძანე, რომ მაქვს უფლება ვილაპარაკო ხალხისა და მოსახლეობის სახელით, იმიტომ რომ ვარ ღვთისმშობლის ქალაქის მერი. ღვთისმშობლის კვართი უნდა იყოს ზუგდიდში და უნდა დამთავრდეს ეს სპეკულაცია", - თქვა გოგოხიამ.



შეხვედრას, სასულიერო პირებთან და მრევლთან ერთად, ადგილობრივი თვითმმართველობის წარმომადგენლები ესწრებოდნენ.

მეუფის რეზიდენციის შენობასთან მრევლმა შეკრება დღეს 16:00 საათიდან დაიწყო. ისინი, სასულიერო პირებთან ერთად, ღვთისმშობლის კვართის მარიამობას ხობში გადაბრძანებას აპროტესტებდნენ და აცხადებდნენ, რომ სამოსელი ზუგდიდიდან არ უნდა გავიდეს.



არსებული ინფორმაციით, საპატრიარქოში ხობისა და ფოთის მიტროპოლიტის მეუფე გრიგოლის წერილი შევიდა, სადაც ის კვართის მოსალოცად ხობის დედათა მონასტერში გადაბრძანებას ითხოვდა.

ისტორიული წყაროების მიხედვით, კვართი საქართველოში 1453 წელს, ბიზანტიის იმპერიის დაცემის შემდეგ, გადმოუტანიათ, იგი ჯერ ბედიის ტაძარში, შემდეგ ხობის ეკლესიაში დაუბრძანებიათ. 1923 წლიდან კი დადიანების სამთავროს სასახლეში გადაუსვენებიათ. ღვთიმშობლის წმინდა სამოსელი მას შემდეგ დადიანების სასახლეთა ისტორიულ–არქიტექტურულ მუზეუმში ინახება.


ამავე თემაზე:

ზუგდიდში მშენებარე ტაძრის ეზოში მრევლი ისევ შეიკრიბა

მეუფე გერასიმე: საპატრიარქოში შესულია წერილი, რომ ღვთისმშობლის სამოსელი „მარიამობას“ ხობში გადააბრძანონ (ვიდეო)

ზუგდიდში მშენებარე ტაძარში მრევლია შეკრებილი
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 17 °C
img
ფოთი 17 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.