ახალი ამბები
ბოტანიკური ბაღის რეაბილიტაციისთვის გათვალისწინებულზე 2 მილიონამდე ლარით მეტი დაიხარჯება
ქალაქ ზუგდიდის ბოტანიკური ბაღის რეაბილიტაციას სამშენებლო კომპანია „ჯავა“ განახორციელებს, რომელმაც მუნიციპალური განვითარების ფონდის მიერ გამოცხადებულ ტენდერში გაიმარჯვა. გამარჯვებულ კომპანიაში ი/მ „თემურ ალბექიონი“ და შპს „გზები & კეთილმოწყობა“ ერთიანდება.

ბოტანიკური ბაღის სრული რეაბილიტაციისთვის 11,974,436.72 ლარი დაიხარჯება, რაც გამოცხადებული ტენდერის შესყიდვის სავარაუდო ღირებულებაზე (9`994`513.00 ლარზე) 1 979 923 ლარით მეტია.

ტენდერი მუნიციპალური განვითარების ფონდმა მიმდინარე წლის ოქტომბერში გამოაცხადა და მასში სამმა კომპანიამ მიიღო მონაწილეობა. მათ შორის ყველაზე ნაკლები ფასი 8`819`684.00 ლარი შპს „დაგმა“ დააფიქსირა, თუმცა, სატენდერო დოკუმენტაციის მიხედვით, მას უარი სხვადასხვა საკვალიფიკაციო მოთხოვნის შეუსრულებლობის გამო ეთქვა. მათ შორის, სატენდერო დოკუმენტაციის კომპლექტი მცირე სამუშაოების შესყიდვისთვის ეროვნული საკონკურსო ვაჭრობა და ფინანსური რესურსების.

საქართველოს მუნიციპალური განვითარების ფონდში რადიო „ათინათს“ განუცხადეს, რომ სამუშაოები უახლოეს მომავალში დაიწყება.

„გამარჯვებული დღეს გამოვლინდა. შესაბამისად, კონტრაქტორი კომპანია ახალ წლამდე დაიწყებს მობილიზაციას“, - აღნიშნეს ფონდში.

კომპანიის მენეჯერის ცოტნე მიქელაძის თქმით, ტენდერი კომპანიებს საშუალებას აძლევდა, რომ შემსყიდველის მიერ დასახელებულ თანხაზე მეტი შეეთავაზებინათ.

„ჩვენ უფლება გვქონდა, რომ მეტი თანხა დაგვესახელებინა. ეს არის ზუსტად ის თანხა, რომელიც ასახავს სამუშაოების ღირებულებას რეალურად“, - უთხრა რადიო „ათინათს“ მიქელაძემ.

კონტრაქტის თანახმად, სამუშაოები დაწყებიდან 18 თვის განმავლობაში უნდა დასრულდეს.

ზუგდიდის ბოტანიკური ბაღი, რომელიც ქალაქის შუაგულში მდერბარეობს, 26 ჰექტარზეა გაშენებული. მისი გაშენება მეცხრამეტე საუკუნის დასაწყისი დაიწყეს. ბაღმა დეკორატიული სახე 1840 წელს მიიღო, როცა მასზე ზრუნვა სამეგრელოს უკანასკნელმა მთავრმა დავით დადიანმა და მისმა მეუღლემ ეკატერინე ჭავჭავაძემ დაიწყეს. მათ საჭირო ნერგები და თესლები საფრანგეთის მეფე ლუი ფილიპეს ვერსალის ბაღიდან ჩამოიტანეს. ეკატერინე ჭავჭავაძემ ბაღის მთავარ მშენებლად იტალიელი მებაღე ჟოზეფ ბაბინი მოიწვია, რომელმაც ბაღს მთლიანად შეუცვალა იერი.

ამავე თემაზე:


როგორი იქნება ზუგდიდის ბოტანიკური ბაღი რეაბილიტაციის შემდეგ
Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
22 / მაისი 2024
23 - летняя Марика Джалагония изучает архитектуру и урбанную регенерацию в университете Сапиенца, в Риме. После окончания бакалавриата она решила углубить свои знания, пройдя годичную стажировку в Грузии, после чего задумалась о необходимости получения международного опыта.
22 / მაისი 2024
მომავალ კვირაში ზუგდიდის საკრებულო ოპოზიციონერი თავმჯდომარის, მოადგილეებისა და თანამდებობის პირების გადაყენებას განიხილავს; ეკატერინე ბებია უვადო მოსამართლედ გაამწესეს - სასამართლოს გუშაგი; აფხაზეთში აბონენტების ჯერ მხოლოდ 10% - ია გამრიცხველიანებული - „ჩერნომორენერგო“,- ამ და სხვა ამბებს მოისმენთ მთავარ გამოშვებაში.
22 / მაისი 2024
2024 წლის 21 მაისს იუსტიციის უმაღლესმა საბჭომ უვადოდ დანიშნა 21 მოსამართლე, მათ შორისაა ზუგდიდის რაიონული და ფოთის საქალაქო სასამართლოს მოსამართლეები ეკატერინე ბებია და გიორგი თუნაური.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 14 °C
img
სოხუმი 15 °C
img
ფოთი 16 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.