რეგიონი
ზუგდიდში ევროპის დღის აღნიშვნა მარათონით დაიწყება
ევროკავშირის სადამკვირვებლო მისია ზუგდიდში შუმანის დეკლარაციის 68-ე წლისთავის აღნიშვნას სხვადასხვა ღონისძიებებით გეგმავს. დღეს ქალაქის მთავარი ხეივნის გასწვრივ 12-დან 14 საათამდე მარათონი გაიმართება, რის გამოც, უსაფრთხოების მიზნით, გზის აღნიშნულ მონაკვეთზე ავტომობილების მოძრაობა აიკრძალება.

ზუგდიდის საველე ოფისის ცნობით, წელს განსაკუთრებული ყურადღება დაეთმობა ადმინისტრაციული სასაზღვრო ზოლის სოფლებს. აქ მცხოვრები სკოლის მოსწავლეების ნახატების გამოფენა სახელწოდებით "ევროკავშირის სადამკვირვებლო მისიის დამკვირვებლები მუშაობის პროცესში" ზუგდიდის სამხატვრო გალერეაში 9 მაისს გაიმართება, სადაც კონკურსის გამარჯვებულიც გამოვლინდება.

გარდა ამისა, 9 მაისს პირველი საჯარო სკოლის ეზოში მოეწყობა ფრენბურთის ტურნირი, ვიქტორინა და ასევე სხვადასხვა წარმოდგენები.

"წლების განმავლობაში ტრადიციად იქცა ევროკავშირის სადამკვირვებლო მისიის ზუგდიდის საველე ოფისის მიერ 9 მაისის ზუგდიდში აღნიშვნა და სამეგრელო-ზემო სვანეთის რეგიონის მოსახლეობის მოწვევა ღონისძიებებში მონაწილეობისთვის შუმანის დეკლარაციის ერთობლივად აღნიშვნის მიზნით. გვინდა კიდევ ერთხელ აღვნიშნოთ ეს დღე და ხელი შევუწყოთ ევროკავშირის შესახებ ზუგდიდის მოსახლეობის ცნობიერების ამაღლებას. სხვადასხვა ღონისძიებებთან ერთად, ზუგდიდის საველე ოფისი გეგმავს მოაწყოს მარათონი ზუგდიდის ბულვარის ირგვლივ, სადაც მონაწილეობას მიიღებენ ადგილობრივი არასამთავრობო ორგანიზაციები, ზუგდიდის მცხოვრებლები, სკოლის მოსწავლეები ზუგდიდის საველე ოფისის მონიტორებთან ერთად", - ამბობს ზუგდიდის საველე ოფისის ხელმძღვანელი ჰაკან რაპი.

68 წლის წინ, 1950 წლის 9 მაისს, მაშინდელმა საფრანგეთის საგარეო საქმეთა მინისტრმა, რობერტ შუმანმა, გადადგა პირველი ნაბიჯი იმ ორგანიზაციის შექმნისკენ, რასაც დღეს ევროკავშირს ვუწოდებთ. 9 მაისს, შუმანის დეკლარაციის პრინციპების გათვალისწინებით, ევროკავშირის სადამკვირვებლო მისია აღნიშნავს ევროპის დღეს.

ფოტო: ზუგდიდის საველე ოფისის არქივიდან

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 9 °C
img
სოხუმი 11 °C
img
ფოთი 12 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.