ახალი ამბები
სარალიძის მხარდასაჭერად დაღუპული ბესიკ ჯგუშიასა და ზვიად ლაგვილავას ოჯახები გაემგზავრნენ
ხორავას ქუჩაზე მოკლული დავით სარალიძის ოჯახის მხარდასაჭერად ზუგდიდიდან თბილისში ბესიკ ჯგუშიასა და ზვიად ლაგვილავას ოჯახის წევრები გაემგზავრნენ.

ჯგუშიას მეუღლის სოფო კვარაცხელიას ინფორმაციით, თბილისში ბესიკ ჯგუშიას დედა წავიდა.

„აბსოლუტურად ვუჭერთ მხარს სარალიძეს და მის მოთხოვნებს. ამასთან, ჩემი მეუღლის საქმეში არაფერია გამოძიებული. ობიეტურობას და სიმართლის დადგენას ვითხოვთ“, - უთხრა რადიო „ათინათს“ კვარაცხელიამ.

მხარდაჭერას უცხადებს სარალიძეს ზვიად ლაგვილავას ოჯახიც. მისმა მეუღლემ ცირა მალანიამ გვითხრა, რომ მათ სარალიძეების ახლა ყველაზე კარგად ესმით.

„თბილისში გაემგზავრა ზვიადის დედა და და. სინდისი არ გვაძლევს უფლებას შორიდან ვუყუროთ ამ ამბებს. ჩვენც შვილმკვდარი ოჯახის ვართ და გვესმის მათი ტკივილი. ზვიადის შემთხვევაშიც სამართლიანობა აღსადგენია“, - თქვა მალანიამ.

აქციაზე არ მიემგზავრებიან, თუმცა თანაუგრძნობენ და გვერდში უდგანან ზაზა სარალიძეს გიგა ოთხოზორიას ოჯახის წევრები.

„გარკვეული მიზეზების გამო ახლა ვერ წავალთ, თუმცა, ნამდვილად გვერდში ვუდგავართ და სრულ თანადგომას ვუცხადებთ ზაზა სარალიძეს“, - აღნიშნა გიგა ოთხოზორიას ცოლმა ნინო მატკავამ.

ზაზა სარალიძის მხარდამჭერ სოლიდარობის აქციაზე, რომელიც დღეს 16 საათზე თბილისში, ყუფილი პარლამენტის შენობის წინ გაიმართება, ზუგდიდიდან დღეს დილით გაემგზავრნენ. აქციის მონაწილეები, რომლებიც ენმ-ის ზუგდიდის ოფისთან შეიკრიბნენ, 15-მდე სამარშუტო ტაქსითა და რამდენიმე მსუბუქი ავტომობილით მიემგზავრებიან.

ზუგდიდში, დგებუაძის ქუჩაზე საწყობში აფეთქების შედეგად ბესიკ ჯგუშია გასული წლის მაისში დაიღუპა. რაც შეეხება ზვიად ლაგვიალავას, ის საკუთარ კაბინეტში სუს-ის აფხაზეთის ავტონომიური რესპუბლიკის განყოფილების შენობაში მომხდარი აფეთებისას ადგილზე გარდაიცვალა.  ოჯახებს გამოძიების ვერსიის არ სჯერათ. გიგა ოთხოზორია კი 2016 წლის 19 მაიის ხურჩა-ნაბაკევის საზღვარზე, საოკუპაციო ხაზთან მოკლეს. მკვლელობაში მსჯავრდებული ამ დრომდე დაკავებული არ არის.

ამავე თემაზე:

შვილმკვდარი დედები ზაზა სარალიძის მხარდამჭერ აქციაზე (ფოტო)

თენგიზ ჯგუშია: ბესიკ ჯგუშია კონტრაბანდული სქემის გაშიფვრას შეეწირა (ვიდეო)

სუს-ის გარდაცვლილი თანამშრომლის და: ჩემი ძმა გუბერნატორის დავალებით მოკლეს (ვიდეო)

გიგა ოთხოზორიას დედა: პოლიტიკური ნების არარსებობამ დამნაშავის დასჯის პროცესი შეაფერხა

ზაზა სარალიძის სოლიდარობის აქციაზე ზუგდიდიდან მხარდამჭერთა კოლონა გაემგზავრა (ვიდეო)

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 15 °C
img
სოხუმი 11 °C
img
ფოთი 13 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.