ახალი ამბები
მეუფე გერასიმე მრევლს ვლაქერნობას ულოცავს
ზუგდიდისა და ცაიშის მიტროპოლიტი მეუფე გერასიმე მრევლს ვლაქერნობის დღესასწაულს ულოცავს. რადიო „ათინათი“ ტექსტს უცვლელად გთავაზობთ: „ყოვლადწმიდა ღმრთისმშობელს ელეონის მთაზე ლოცვის დროს, გამოეცხადა წმიდა მთავარანგელოზი გაბრიელი და წინასწარ აუწყა ამქვეყნიდან გასვლის ჟამი. ღმრთისმშობელი სიხარულით აღივსო, მადლი შესწირა უფალს და წმიდა იოანე ღმრთისმეტყველს ამცნო მოახლოებული აღსასრულის შესახებ, იმ ორ პატიოსან ქვრივს კი, რომლებიც ყველგან თან ახლდნენ განხორციელებული ღმერთკაცის დედას, თავისი შესამოსელი დაუტოვა, რომელიც დროთა განმავლობაში მორწმუნე ადამიანების დიდი მონდომებით ვლაქერნაში, საგანგებოდ მისთვის აგებულ ტაძარში დაბრძანდა. ამ უდიდესი სიწმიდის ვლაქერნას დაბრძანების დღე, საეკლესიო დღესასწაულად დადგინდა და მართლმადიდებელი ეკლესია, დიდი ზეიმით აღნიშნავს მას, ყოველი წლის 15 ივლისს. ეს დღე განსაკუთრებულია ჩვენი ქალაქისათვის, სადაც ღვთის განგებამ და ყოვლადწმიდა დედის ნებამ თავისი პატიოსანი სამოსელი დააბრძანა. ეს დღე არამარტო საეკლესიო, არამედ სახალხო დღესასწაულად იქცა. აქვე უნდა აღვნიშნოთ, რომ დიდ სიწმიდეს დიდი გაფრთხილება უნდა. არ გვაქვს უფლება, არ გვახსოვდეს, თუ რაოდენ დიდი პასუხისმგებლობა გვეკისრება. წმიდა მამები გვასწავლიან, რომ ღმერთი, როგორც ყოვლადსახიერი მამა, მადლს უბოძებს ადამიანს, მაგრამ აძლევს განსაცდელსაც.

რამდენად მეტად ეძლევა მადლი, იმდენად ემატება განსაცდელიც. წმიდა იოანე ოქროპირი ბრძანებს: ,,მიწა არაფერს აღმოაცენებს წვიმის გარეშე და მიწის გარეშე, წვიმაც უსარგებლოა; სწორედ ასევე მადლი არ მოქმედებს თავად ადამიანის თანამოქმედების გარეშე, არც ადამიანის ნება – მადლის თანამონაწილეობის გარეშე”. უდავოდ დიდი მადლი გადმოვიდა ჩვენზე და რაში გამოიხატება ჩვენი თანამონაწილეობა, თუ არა ღმრთის მცნებების ერთგულებასა და ყოვლადწმიდა ღმრთისმშობლისადმი დაუღალავ ლოცვაში. ნუ დაგვავიწყდება უწმიდესისა და უნეტარესის, სრულიად საქართველოს კათოლიკოს­პატრიარქის ლოცვა­კურთხევა: დღის განმავლობაში რამდენჯერმე წარმოვთქვათ ლოცვის სიტყვები: ,,მოწყალებისა კარი განგვიღე, კურთხეულო ღვთისმშობელო, რათა რომელნი ესე შენ გესავთ, არა დავეცნეთ, არამედ განვერნეთ წინააღმდგომთა მტერთაგან, რამეთუ შენ ხარ ცხოვრება ნათესავისა ქრისტიანეთასა. ამინ! „ აქვე მინდა გავუსვა ხაზი ერთ გარემოებას – როგორც წმიდა მამები აღნიშნავენ, ყოვლაწმიდა ღმრთისმშობელი, ავლენდა არაამქვეყნიურ მადლმოსილებას, უდრტვინველად იტანდა დევნას, მაჭირვებელთაგან შეურვებული კი არ მრისხანებდა მათზე, არამედ სწყალობდა მათ, შეეწეოდა უპოვართ... თავად სიმდაბლით აღვსილს უპირატესად უყვარდა თურმე მდაბალი ადამიანები. ჩვენც გვმართებს სიმდაბლით, მორჩილებით, სიყვარულით და ურთიერთას სიმძიმის ტვირთვით ავიტანოთ ყოველგვარი განსაცდელი, რომელიც მრავლად არის ჩვენს ეპოქაში და ყოვლადწმიდა ღმრთისმშობლის მეოხებით, მდაბლად შევუდგეთ თითოეული ჩვენს ჯვარს.

ფარავდეს ყოვლადწმიდა ღმრთისმშობლის პატიოსანი სამოსელი ჩვენს ქალაქს, სრულიად საქართველოსა და მთელ საქრისტიანოს. ღმერთმა დაგლოცოთ და გაგახაროთ“, -ნათქვამია მილოცვის ტექსტში.


ამავე თემაზე:

ვლაქერნობის დღესასწაულზე დაგეგმილი ღონისძიებების განრიგი
Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
21 / მაისი 2024
ზუგდიდის რაიონული სასამართლოს გადაწყვეტილებით, აღკვეთის ღონისძიების სახით პატიმრობა შეეფარდა სენაკში, გორის ქუჩაზე მომხდარი მკვლელობისთვის დაკავებულ 21 წლის მამაკაცს.
21 / მაისი 2024
გარემოსდაცვითი ზედამხედველობის დეპარტამენტის ინფორმაციით, ხობის მუნიციპალიტეტის სოფელ ქვალონში 1 უკანონო სახერხი საამქრო გამოავლინეს.
21 / მაისი 2024
სამეგრელო-ზემო სვანეთის სამხარეო ადმინისტრაციამ, 26 მაისს, საქართველოს დამოუკიდებლობის დღეს გასამართი ღონისძიებების განრიგი გამოაქვეყნა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 21 °C
img
სოხუმი 20 °C
img
ფოთი 19 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.