ახალი ამბები
ვლაქერნობა 2018 ზუგდიდში (ფოტო, ვიდეო)
ზუგდიდში ვლაქერნობის დღესასწაულის აღნიშვნა დღეს დილით 9 საათზე დაიწყო. სასულიერი პირებმა კვართი და წმინდანთა ნაწილები დადიანების მუზეუმის საცავიდან გამოაბრძანეს და მსვლელობითა და გალობით მშენებარე საკათედრო ტაძრისკენ გაიმართნენ.



მრევლს დღესასწაული მიულოცა ზუგდიდისა და ცაიში მიტროპოლიტმა მეუფე გერასიმემ.

„გილოცავთ ყველას დღეს, როდესაც დედა ღვთისმშობელი ტაძარში დაიდებს ბინას და გვაქვს საშუალება ამ სიწმინდის მოლოცვისა, მსოფლიო რელიგიის საგანძურის მიახლებისა. ვმადლობთ უფალს, რომ გვაქვს ამის საშუალება. ღვთისმშობელმა დაგვიცვას და დაგვიფაროს ჩვენ და სრულიად საქართველო“, - აღნიშნა მეუფემ.



მსვლელობაში მონაწილეობდა ქალაქის მაჟორიტარი დეპუტატი მერაბ ქვარაია.

„მინდა მივულოცო მორწმუნე საზოგადოებას დღევანდელი დღე, რომელიც არის საერთო სახალხო დღესასწაული. ბევრი ადამიანი მოდის და ზეიმობს, მიეახლება განსაკუთრებულ სიწმინდეს, რომელიც ზუგდიდშია დავანებული. საქართველოს კი ძლიერებას, მხნეობასა და გამთლიანებას ვუსურვებ“, - თქვა ზუგდიდის მაჟორიტარმა.

სამხარეო ადმინისტრაციასთან შეუერთდნენ მსვლელობას ადგილობრივი ხელისუფლების წარმომადგენლები. სამეგრელო-ზემო სვანეთის გუბერნატორმა ლევან შონიამ ქვეყანას გამთლიანება უსურვა.

„მართლმადიდებელ სამყაროს და ქართველ ერს ვულოცავ ამ დიდ და უმნიშვნელოვანეს დღესასწაულს. თითოეულ მათგანს მინდა წარმატება, ბედნიერება და გამთლიანებულ საქართველოში ცხოვრება ვუსურვო“, - აღნიშნა გუბერნატორმა.





საზეიმო წირვა ივერიის ღვთისმშობლის ტაძარში 10 საათზე დაიწყო, რომელსაც მალევე პატრიარქის თანამოსაყდრე, სენაკისა და ჩხოროწყუს მიტროპოლიტი მეუფე შიო შეუერთდა. მან წირვა-ლოცვა მეუფე გერასიმესთან ერთად აღავლინა. მოგვიანებით კი მრევლს პატრიარქის მილოცვა გადასცა და აღნიშნა, რომ ზუგდიდში წმინდა სამოსლის ყოფნა ღვთისმშობლის წილხვდომობის ნიშანია.



ვლაქერნობის დღესასწაულზე დასასწრებად საქართველოს სხვადასხვა რეგიონიდან ჩამოვიდნენ. ტაძარში დილიდან მიდის ადგილობრივი მოსახლეობაც.

„მთელ საქართველოს და განსაკუთრებით, ზუგდიდს, ვულოცავ ამ უდიდეს დღესასწაულს. დიდი მადლობა, რომ ღვთისმშობლის კვართი აქ გვიბრძანდება და ასეთი სიხარულის დღეა ყველა მორწმუნესთვის“, - თქვა ერთ-ერთმა მათგანმა იანა ტორჩინავამ.



ზუგდიდში დღესასწაულზე დასაწრებად „ევროპული საქართვველოს“ ერთ- ერთი ლიდერი დავით ბაქრაძე და „ლეიბორისტული პარტიის“ ლიდერი შალვა ნათელაშვილიც იმყოფებოდნენ.



საზეიმო წირვას დაესწრნენ პრემიერ-მინისტრი მამუკა ბახტაძე, თავდაცვისა და შინაგან საქმეთა მინისტრები ლევან იზორია და გიორგი გახარია. მათთან ერთად ტაძარში იყო დევნილთა ყოფილი მინისტრი სოზარ სუბარი და პარლამენტის თვითმმართველობის და რეგიონული კომიტეტის თავმდჯომარე ზაზა გაბუნია.



პრემიერმა მრევლს დღევანდელი დღეს ტაძრიდან მიულოცა. მინისტრებს ჟურნალისტებთან კომენტარი არ გაუკეთებიათ.

საზეიმო წირვა საკათედრო ტაძარში უკვე დასრულდა.


ამ წუთებში მრევლს საშუალება აქვს ღვთისმშობლის კვართი, წმინდა დიდმოწამე მარინეს მკლავი, წმინდა მოწამე კვირიკეს ხელის მტევანი, წმინდა გიორგისა და იოანე ნათლისმცემლის ძვლის ნაწილები მოილოცონ.

ამავე თემაზე:

მეუფე გერასიმემ პრემიერსა და მინისტრებს ხატები აჩუქა


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 16 °C
img
ფოთი 14 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.