მსოფლიო ხანდაზმულთა დღესთან დაკავშირებით ზუგდიდში, სოციალურ კაფე MEGO BAR-ში ღონისძიება გაიმართა.
პროექტს გაეროს მოსახლეობის ფონდის საქართველოს ოფისის ხელშეწყობით არასამთავრობო ორგანიზაცია „ახალგაზრდები სამეგრელოს განვითარებისთვის“ ახორციელებს.
„ჩვენი ორგანიზაციის მეშვეობით ხუთი თვის განმავლობაში ეს ადამიანები იკრიბებოდნენ MEGO BAR-ში, თვითონ გეგმავდნენ ღონისძიებებს, აქვთ ახალგაზრდებთან ურთიერთობა. გაიარეს კომპიუტერის კურსები. მომავალშიც ვგეგმავთ პროექტის განხორციელებას და ვიმედოვნებთ მეტი ჩაერთვება“, - თქვა ორგანიზაციის წარმომადგენელმა და სოციალური კაფის დამფუძნებელმა ნანა შედანიამ.
აქტიური დაბერების და ხანდაზმულთა რესოციალიზაციის ადვოკატირება UNFPA-ის ერთ-ერთი პროექტია. პილოტური პროექტის განხორციელება 2018 წელს დაიწყო.
“მიგვაჩნია, რომ ადამიანური კაპიტალი არის უმნიშვნელოვანესი და ამაზე ვერ ვისაუბრებთ ისე, თუ ხანდაზმულების პოტენციალი არ იქნება სრულად რეალიზებული. მოხარულები ვართ, რომ აქტიურად ჩაერთენ ხანდაზმულები და ახალგაზრდებმა შეუწყვეს ხელი რეინტაგრაციას“, - აღნიშნა გაეროს მოსახლეობის ფონდის კომუნიკაციის ანალიტიკოსმა სალომე ბენიძემ.
დღევანდელ ღონისძიებაზე ხანდაზმულებს სპეციალური სიგელები გადაეცათ. მათ პროექტის ორგანიზატორებსა და განმახორციელებლებს მადლობა გადაუხადეს და აღნიშნეს, რომ მსგავსი აქტივობები მათთვის მნიშვნელოვანია.
ხანდაზმულთათვის შეთავაზებული პროგრამა კომპიუტერის კურსებს, ფილმების ჩვენებას და დისკუსიებს, მუზეუმებში ვიზიტებს და სხვადასხვა კულტურულ და შემეცნებით აქტივობას მოიცავს.
სამეგრელოში ცხენი მხოლოდ გადაადგილების საშუალება არ იყო ის ღირსების, ტრადიციის და რწმენის სიმბოლო გახლდათ.ბიჭისთვის ცხენზე პირველად ჯდომა კაცად გახდომის საწყისად ითვლებოდა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები