ზუგდიდის მუნიციპალიტეტის მერიის სხდომათა დარბაზში, ახალგაზრდა ფსიქოლოგთა და ექიმთა ასოციაცია ,,ქსენონის“ ხელმძღვანელმა ნინო ჯანაშიამ, ორგანიზაციის ერთი წლის საქმიანობის შედეგები შეაჯამა. მან ასევე ისაუბრა,  ზიანის შემცირების პროგრამის როლზე აივ-ინფექციის და C ჰეპატიტის გავრცელების პრევენციაში.

„ეს არის ძალიან მნიშვნელოვანი პროექტები. C ჰეპატიტის სახელმწიფო პროგრამის ამოქმედდება.  რაც იმას ნიშნავს, რომ ორგანიზაცია ადგილზე  ღვიძლის მსუბუქი დაზიანების მქონე პაციენტებს მკურნალობის პროგრამას სთავაზობს. ამ პროგრამის ფარგლებში ორგანიზაცია  მოემსახურება სამეგრელო-ზემო სვანეთის რეგიონში მცხოვრებ ყველა მოქალაქეს და ასევე ითვალისწინებს მოწყვლადი ჯგუფებისთვის დიაგნოსტიკის დაფინანსებასა და თანადაფინანსებას, რაც შეეხება  მკურნალობას, ის უფასოა“, - აღნიშნა ჯანშიამ.

შედეგების წარდგენას მერიის სოციალური და ჯანდაცვის სამსახურისა და სამედიცინო სფეროს წარმომადგენლები ესწრებოდნენ.

მერიის სოციალური და ჯანდაცვის სამსახურის უფროსმა ნინო სხულუხიამ პროექტის განხორციელებაში ორგანიზაციას წარმატებები უსურვა და აღნიშნა, რომ C ჰეპატიტთან ბრძოლის პრაქტიკა მუნიციპალიტეტის პრიორიტეტია, ამიტომ მთელი ძალისხმევა მოსახლეობის ცნობიერების ამაღლებისკენ უნდა იყოს მიმართული.