ახალი ამბები
სოკარის რეკომენდაციები გაზის უსაფრთხოდ მოხმარებისთვის
16 იანვარს თბილისში გაზის გაჟონვის შედეგად კორპუსში მომხდარი აფეთქების შემდეგ „სოკარში“ გამოძახებებმა იმატა. ამის შესახებ რადიო „ათინათს“ კომპანიაში უთხრეს. მათივე ინფორმაციით, გამოძახებაზე გასული ჯგუფები ყველაფერს ამოწმებენ, თუმცა, ჯერჯერობით, მათი თქმით, ხარვეზი ან რაიმე ინციდენტი არ დაფიქსირებულა.

ამასთან, „სოკარში“ გვითხრეს, ისინი აბონენტებს აბონირების დროს "გაზის უსაფრთხო მოხმარების წესებს“ აცნობენ, რის შემდეგაც იგი ხელს აწერს ექსპლუატაციის აქტს, რითაც, როგორც კომპანიაში განმარტავენ, ამით ადასტურებს რომ გაეცნო გაზის მოხმარების უსაფრთხოების წესებს.

„2018 წლის მანძილზე, გურია-სამეგრელოში გაზის გაჟონვის შედეგად გამოწვეულ მოწამვლის, აფეთქების ან გარდაცვალების ფაქტს ადგილი არ ჰქონია“, - გვითხრეს „სოკარში“.

ზუგდიდში კომპანიას 24 800 აბონენტი ჰყავს.

რაც შეეხება რეკომენდაციებს, ქვემოთ შემოგთავაზებთ რჩევებს, როგორ უნდა მოიქცეს აბონენტი, თუ გაზის სუნს იგრძნობს.

შენობაში „გაზის" სუნის შეგრძნებისას:

1. იმ შემთხვევაში თუ გაზის სუნს სახლში შესვლამდე (კარის გაღებამდე) იგრძნობთ:
არ გააღოთ კარი და სასწრაფოდ დატოვეთ შენობა;
დარეკეთ შპს "სოკარ ჯორჯია გაზი"-ს / "საქროგგაზი"-ს საავარიო-საექსპლუატაციო სამსახურში -114 ან ცხელ ხაზზე - 16114.
2. იმ შემთხვევაში თუ იმყოფებით ოთახში და იგრძენით გაზის სუნი:
შესაძლებლობის შემთხვევაში დაკეტეთ გაზ დანადგარების ჩამკეტი ონკანები;
გააღეთ ფანჯარა და გაანიავეთ სივრცე:
არ ჩართოთ ან გამორთოთ ელექტრო მოწყობილობები (ნათურა, საკაბელო ტელეფონი და ა.შ) ამან შეიძლება გამოიწვიოს აფეთქება;
სასწრაფოდ დატოვეთ საცხოვრებელი ადგილი და დარეკეთ "სოკარ ჯორჯია გაზი"-ს / "საქროგგაზი"-ს საავარიო-საექსპლუატაციო სამსახურში- 114 ან ცხელ ხაზზე- 16114.
დაუშვებელია გაზის დანადგარების თვითნებური მონტაჟი!
გაზის დანადგარები (ცენტრალური ქვაბი, წყლის გამაცხელებელი, გამათბობელი და ა.შ.) სასურველია იყოს დახურული წვის კამერით, რაც გულისხმობს ჟანგბადის მიწოდებას შენობის გარედან და ნახშირორჟანგის გამოყოფას შენობის გარეთ.
ბუნებრივი გაზის წყვეტის დროს, სასწრაფოდ დაკეტეთ გაზის დანადგარების ჩამკეტი ონკანები;
ხანგრძლივი დროით საცხოვრებელი ადგილის დატოვების შემთხვევაში, მიმართეთ ადგილობრივ სერვისცენტრს, რათა მოხდეს ბუნებრივი გაზის დროებითი გამორთვა-დახშობა შესაბამისი აქტის გაფორმებით. საცხოვრებელ ადგილზე დაბრუნებისთანავე კი, გაზის ჩასართავად გამოიძახეთ შპს „სოკარ ჯორჯია გაზი"-ს / "საქორგგაზი"-ს საავარიო-საექსპლუატაციო სამსახურის ბრიგადა.
გაზის მიწოდების აღდგენის შემდეგ გაზქურის ანთებისას, სამზარეულოს ფანჯარა (სარკმელი), უნდა იყოს შეღებულ მდგომარეობაში.


Print Email
FaceBook Twitter
დაფინანსებული
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
ქალაქ ზუგდიდში, კოსტავას №58-ში პირველი, უმაღლესი სტანდარტების ყავის სახლი გაიხსნა.
ზუგდიდის მერის პირველმა მოადგილემ კონსტანტინე კაკავამ და მაიზერ ნანავამ, ნიკოსეულ სასახლეში მერის სტიპენდიანტებსა და ქვეყნის ფარგლებს გარეთ სასწავლებლებში ჩარიცხულ სტუდენტებს უმასპინძლეს.
დღის სიახლეები
22 / თებერვალი 2024
ზუგდიდის მუნიციპალიტეტის მასშტაბით “ერთიანი ნაციონალური მოძრაობის” აქტივის წევრების ნაწილი, მათ შორის, მხარდამჭერები და კოორდინატორები, პარტიის რიგებს ტოვებენ და ყოფილი თავმჯდომარის ნიკა მელიას გუნდს უერთდებიან.
22 / თებერვალი 2024
სოხუმი მოსკოვთან აწარმოებს მოლაპარაკებებს გაზიფიცირების საკითხზე. ამის შესახებ აფხაზეთის თვითაღიარებული რესპუბლიკის პრეზიდენტმა ასლან ბჟანიამ რუსულ „ტასს“ განუცხადა.
22 / თებერვალი 2024
Ада Гогилава имеет степени бакалавра гуманитарного факультета, магистра американистики и доктора западноевропейской и американской литературы. До этого, успела накопить разнообразный опыт и знания во многих странах.
ოდაბადეშ კინოხონი
15 / თებერვალი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 9 °C
img
ფოთი 10 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.