ახალი ამბები
ბარამიას ქუჩაზე გაზის გაჟონვის შემდეგ ადგილზე სპეციალისტები მუშაობენ (ფოტო)
ზუგდიდში, ბარამიას ქუჩაზე ახალაშენებულ კორპუსში, სადაც დევნილები ცხოვრობენ, „სოკარ ჯორჯიას“ წარმომადგენლები გაზის მილებს ამოწმებენ. კომპანიის წარმომადგენლები შემოწმებებს მას შემდეგ აწარმოებენ, რაც ერთ-ერთი კორპუსიდან  გაზის გაჟონვის შესახებ შეტყობინება მიიღეს. ბარამიას ქუჩაზე მცხოვრებლებმა გვითხრეს, რომ ბუნებრივი აირის სუნი ღამის 12 საათზე იგრძნეს და ცხელ ხაზზე დარეკეს. 
alt
„ჩემს და კიდევ რამდენიმე მეზობლის ოთახში ყოფილა გაჟონვა. სუნი როგორც კი ვიგრძენი, ეგრევე დავრეკეთ. 20 წუთში მოვიდნენ. მთლიანად გადაკეტეს გაზი. იყვნენ ჩემთან სახლში შემოსული და გააკეთეს. გვითხრეს, როგორ შეგვემოწმებინა და თუ სუნს იგრძნობთ, დაგვირეკეთო“, - გვითხრა იზოლდა თარბაიამ.
alt
ადგილზე მყოფმა სპეციალისტებმა რადიო „ათინათს“ უთხრეს, რომ რამდენიმე ბინაში გაზის გაჟონვა დაფიქსირდა, თუმცა საავარიო ჯგუფის მიერ პრობლემა უკვე აღმოფხვრილია.

„ორი დღის წინ შემოვიდა  შეტყობინება აბონენტის მხრიდან. ეს იყო ღამის საათებში და აბონენტის უსაფრთხოების მიზნით, ორივე კორპუსს გაეთიშა გაზი. იყო მცირე გაჟონვა რამდენიმე აბონენტთან, რომელიც საავარიო ჯგუფის მიერ უკვე  აღმოფხვრილია“, - ამბობს კომპანიის წარმომადგენელი გიორგი მიქაძე.
alt
მისივე ინფორმაციით, გარდა სადარბაზოებისა, ისინი საცხოვრებელ სახლებსაც სპეციალური აპარატით და ემულსიის ქაფით ამოწმებენ. მიქაძის განმარტებით, ადგილზე სპეციალისტები უკვე, მეორე დღეა, მუშაობენ და ოჯახებს ინდივიდუალურად ამოწმებენ.  

„შევდივართ ბინებში და ვამოწმებთ, თუ როგორ აქვთ შეყვანილი შიგნით ბუნებრივი აირი, ხშირ შემთხვევაში მილები კუსტარულად არის შეერთებული გამათბობელთან, რაც შემდგომ იწვევს გაჟონვას. ამაზე, რა თქმა უნდა, ჩვენ ვახდენთ რეაგირებას და ვაძლევთ ასევე რეკომენდაციებს, რომ თვითნებურად არ დაამონტაჟონ არანაირი მოწყობილობა. 380 აბონენტიდან 150-მდე  ბინა დაკეტილია. ბინა, რომელიც დაკეტილია და ვერ გავდივართ მეპატრონესთან კონტაქტზე, ვუთიშავთ გაზს და მისი აღდგენა მხოლოდ შემოწმების შემდეგ მოხდება“, - თქვა მან.
alt
16 იანვარს თბილისში გაზის გაჟონვის შედეგად კორპუსში მომხდარი აფეთქების შემდეგ „სოკარში“ გამოძახებებმა იმატა. ამის შესახებ რადიო „ათინათს“ კომპანიაში უთხრეს. მათივე ინფორმაციით, გამოძახებაზე გასული ჯგუფები ყველაფერს ამოწმებენ, თუმცა, ჯერჯერობით, მათი თქმით, ხარვეზი ან რაიმე ინციდენტი არ დაფიქსირებულა. 





Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
17 / ივნისი 2024
სტატისტიკის ეროვნული სამსახურის მონაცემებით, 2023 წელს სამეგრელო-ზემო სვანეთში მუზეუმები 172 000-მა ვიზიტორმა დაათვალიერა. ეს რიცხვი კი 70 000-ით აღემატება წინა წლის მაჩვენებელს.
16 / ივნისი 2024
გუდაუთის რაიონის სოფელ კალდახვარასთა ავტოსაგზაო შემთხვევა მოხდა.
16 / ივნისი 2024
"იუვენტუსის" აკადემიის ფეხბურთელები საქართველოში დაბრუნდნენ და ქომაგებმა სპორტსმენებს წალენჯიხის მთავარ მოედანზე საზეიმო დახვედრა მოუწყვეს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« ივნისი 2024 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ამინდი
ზუგდიდი 26 °C
img
სოხუმი 24 °C
img
ფოთი 24 °C
img
მესტია 17 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.