სამოქალაქო მოძრაობა „სამეგრელოს ხმის“ ლიდერმა თენგის ჯგუშიამ, შესაძლოა, ზუგდიდის მერობისთვის საკუთარი კანდიდატურა წარადგინოს. მისი თქმით,
ამ გადაწყვეტილებას მას შემდეგ მიიღებს, თუ ზუგდიდში „ქართულ ოცნებას" მერობის კანდიდატი ეყოლება. ამის შესახებ დემოკრატიული ჩართულობის ცენტრში მოსახლეობასთან შეხვედრის დროს განაცხადა, მისივე განმარტებით, მმართველ პარტიას არ აქვს უფლება, რომ ზუგდიდში მერობის კანდიდატი წარადგინოს.
„რამდენიმე თვის უკან "ქართულმა ოცნებამ" ჩაატარა კრიმინალური არჩევნები. შს მინისტრი კონკრეტულად იჯდა ზუგდიდში და მართავდა არჩევნებს კრიმინალურად. ახლა ხელს უშლის ივანიშვილი ანაკლიაში პორტის განვითარებას პირადი ამბიციების გამო. მე მოვუწოდებ "ქართულ ოცნებას", რომ მისცეს ხალხს არჩევანის შესაძლებლობა და არ წარადგინოს ზუგდიდში თავისი კანდიდატი. ივანიშვილი დაგვპირდა, რომ საპრეზიდენტო არჩევნებს გაემიჯნებოდა, მაგრამ მენ ვერ შეასრულა დაპირება, ზურაბიშვილი მაინც გაიყვანა. ზუგდიდში მაინც დათმეთ, რომ მოსახლეობამ თავისი კანდიდატი წარადგინოს, ოპოზიციამ ხელისუფლების ზეწოლის გარეშე ხალხთან ერთად შეძლოს ქალაქის ფორმაში მოყვანა. ვემზადებოდი საპარლამენტო არჩევნებისთვის, მზად ვარ, გეგმები შევცვალო“, - ამბობს ჯგუშია.
ზუგდიდის ყოფილმა მერმა ლაშა გოგიმ თანამდებობა გასული წლის სექტემბერში დატოვა. სახელმწიფო უსაფრთხოების სამსახური მას დიდი ოდენობით ქრთამის აღებას ედავება. მერის მოვალეობას ამ დრომდე მაიზერ ნანავა ასრულებს. მერის არჩევნები კი 2019 წლის მაისში გაიმართება.
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
სოფლის მეურნეობისა და გარემოს დაცვის მინისტრის ოთარ შამუგიას განცხადებით, მცირე ზომის სასოფლო-სამეურნეო ტექნიკის შეძენას მაღალმთიან დასახლებებში მცხოვრები პირები სახელმწიფოს 70 %-ის თანადაფინანსებით შეძლებენ.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები