ახალი ამბები
წითლიძე სკეიტ პარკში სასტუმროს მშენებლობაზე: ყველა მნიშვნელოვანი პრინციპი დარღვეულია
ზუგდიდის მუნიციპალიტეტის საკრებულოს ფრაქცია „ერთიანი ნაციონალური მოძრაობის“ თავმჯდომარის ანა წითლიძის თქმით, სკეიტ პარკში, ყინულის სახლის ადგილას სასტუმროს შესაძლო მშენებლობასთან დაკავშირებით ყველა პრინციპი დარღვეულია. მშენებლობის კონცეფციის საჯარო განხილვაზე წითლიძემ თქვა, რომ ინვესტიციები მნიშვნელოვანია, თუმცა ამ შემთხვევაში მათ სერიოზული ხარვეზები ახლავს.

„ყველა ის პრინციპი, რომელიც დემოკრატიულ ქვეყანაში არსებობს ინვესტიციისთვის, რომ იყოს კონკურენცია, ქალაქს უნდა ჰქონდეს განვითარების გენერალური გეგმა და ურბანული განვითარების გეგმა, ყველაფერი დარღვეულია. მაღალი საზოგადოებრივი ინტერესიდან გამომდინარე, უნდა გაგრძელდეს საჯარო განხილვები. ის, რომ დღეს თქვენ წარმოადგენთ პრეზენტაციას, უკვე ნიშნავს იმას, რომ სხვა კომპანიებს უკარგავთ შესაძლებლობას და სტიმულს, რომ მიიღონ მონაწილეობა მსგავს განხილვაში“, - აღნიშნა წითლიძემ.

გარდა ამისა, მან დასვა კითხვა, რატომ მიეცა აღნიშნულ კომპანიას უფლება რეკრეაციულ ზონაში სასტუმროს აშენების მაშინ, როცა ამავე ზონაში მშენებლობისთვის ბიზნესმენ ქარდავას წინააღმდეგ სისხლის სამართლის საქმეა აღძრული.

„თუ წინა ხელისუფლების პირობებში არ შეიძლებოდა აქ მშენებლობა, ახლა რატომ გახდა ეს კანონიერი? რა არაფორმალური მოლაპარაკებები მიმდინარეობს ხელისუფლებასა და კომპანიას შორის? ხომ არ იგეგმება მათთვის ე.წ. შონიას ტექნიკუმისა და მეორე სკოლის გვერდით ბაღის შენობის მიყიდვა? თან, თქვენ ბრძანდებით „ქართული ოცნების“ არაფორმალური შემომწირველი. ეჭვი გვაქვს, რომ საქმე ეხება გარკვეულად კორუფციულ გარიგებას", - თქვა წითლიძემ.

ოპოზიციონერმა დეპუტატმა ასევე დასვა კითხვა, რატომ არ ესწრებოდა შეხვედრას გუბერნატორი, რადგან კითხვები მის მიმართ ჰქონდა, რაზეც გუბერნატორის მოადგილემ კობა ქანთარიამ უპასუხა, რომ ის ცენტრალური ხელისუფლების უფლებამოსილებას ახორციელებს და შესაბამისად, სწორედ ამ უფლებამოსილების განხორციელებითაა დაკავებული.

„ყველა ინვესტორს, რომელიც შემოგვთავაზებს უკეთეს იდეას, ამდენს და უფრო მეტ ინვესტიციას და ყველა იდეას, რომელიც იქნება ქალაქის განვითარებისკენ მიმართული, დავუჭერთ მხარს და შევასხამთ ხორცს. რომელი ინვესტორი შევზღუდეთ?“, - აღნიშნა ქანთარიამ.

ზუგდიდის ვიცე-მერმა გიორგი შენგელიამ კი განმარტა, რომ ნებისმიერი ინვესტორის წინადადებებს მუნიციპალიტეტი განიხილავს და სიანტერესო იდეის შემთხვევაში, მათთან თანამსღომლობისთვის გზადაა.

"საინვესტიციო გარემოს ჩვენ არ ვზღუდავთ, პირიქით, ხელს ვუწყობთ, მზად ვართ ვითანამშრომლოთ თითოეულ მათგანთან, რათა დავამტკიცოთ ზუგდიდისთვის და ზუგდიდელებისთვის წარმატებული და მისაღები წინადადება", - თქვა შენგელიამ.

წითლიძეს უპასუხა საკრებულოს თავმჯდომარე მამუკა წოწერიამაც. მისი თქმით, ქარდავას მიერ სასტუმროს მშენებლობა უშუალოდ ეკატერინესა და ნიკოსეული სასახლის გვერდით იყო დაგეგმილი და ეს პარალელი არასწორია.

„სამწუხაროდ, ისტორიული ფუნქცია ამ ტერიტორიამ დაკარგა. წლების განმავლობაში რამდენჯერმე დაირღვა ის პრინციპი, რაც რეკრეაციულ ზონას ეხება. ამ შემთხვევაში კი საუბარია მცირე ტერიტორიაზე, დანარჩენ ადგილს კი სკეიტ პარკში ექნება რეკრეაციული ფუნქცია, ეს შეიძლება ერთგავარად იყო ბოტანიკური ბაღის გაგრძელებაც, სადაც დიდი საზოგადოებრივი სივრცე იქნება“, - თქვა წოწერიამ.


სამხარეო ადმინისტრაციის შენობაში სკეიტ პარკში, ყინულის სახლის ადგილზე სასტუმროს მშენებლობის საჯარო განხილვა გაიმართა.

ამავე თემაზე:

კობა ქანთარია: გუბერნია მხარს უჭერს ყინულის სახლის ადგილას სასტუმროს მშენებლობას


Print Email
FaceBook Twitter
დაფინანსებული
ზუგდიდი მოლი სამეგრელო-ზემო სვანეთის რეგიონში პირველი თანამედროვე საერთაშორისო სტანდარტების შესაბამისი სავაჭრო ცენტრია. მოლში წარმოდგენილია სხვადასხვა ადგილობრივი და საერთაშორისო ბრენდები.
თიბისის მხარდაჭერით, 20 ივლისს, 12:00 საათზე, აზროვნების აკადემიის სერიის - „შემეცნებითი ტურნე რეგიონებში“ შეხვედრა გაიმართება
19 ივლისს, თიბისის მხარდაჭერით, აზროვნების აკადემიის "შემეცნებითი ტურნე რეგიონების" ფარგლებში შემდეგი შეხვედრა გაიმართება
დღის სიახლეები
23 / ივლისი 2024
შეფასებისა და გამოცდების ეროვნული ცენტრის (Naec) მონაცემებით, ზუგდიდში, მე-4 სკოლის საგამოცდო ცენტრში დარეგისტრირებული 278
23 / ივლისი 2024
სტატისტიკის ეროვნული სამსახურის მონაცემებით, 2022-2023 წლებში 14 911-მა მოსწავლემ სწავლა შეწყვიტა. მათგან 8 502 ბიჭი, ხოლო 6 409
23 / ივლისი 2024
ზუგდიდში, ზვიად გამსახურდიას გამზირზე განთავსებული შადრევნის რეაბილიტაციისთვის გამოცხადებული 14 000 ლარის ღირებულების
დილის ჩართვა
ოდაბადეშ კინოხონი
18 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 22 °C
img
ფოთი 26 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.