ახალი ამბები
ზუგდიდში ყინულის სახლი საზეიმოდ გაიხსნა (ფოტო, ვიდეო)
ზუგდიდის სკეიტ პარკში ყინულის სასახლე დღეს საზეიმოდ გაიხსნა. ცერემონიაში, რომელსაც ადგილობრივი ხელისუფლების წარმომადგენლები და საზოგადოების სხვა წევრები დაესწრნენ, ანსამბლმა „ოდოიამ“, ბათუმის ყინულის სახლის სპორტსმენებმა, ბათუმის მოცეკვავეთა დასმა და ქუთაისის ყინულის სახლის ჰოკეისტთა გუნდმა მიიღო მონაწილეობა.

მანამდე შეკრებილებს ყინულის სახლის გახსნა სამეგრელო-ზემო სვანეთის გუბერნატორმა ალექსანდრე მოწერელიამ, ზუგდიდის ვიცე-მერმა გიორგი შენგელიამ და ფიგურული ციგურაობის ფედერაციის პრეზიდენტმა მარიამ გიორგობიანმა მიულოცეს. სწორედ მათ გახსნეს ლენტი საციგურაო მოედანზე.

სახელმწიფო რწმუნებულის თქმით, მუნიციპალიტეტი მუშაობს, რომ ყინულის სახლის ფუნქციონირება უფრო საინტერესო და მომგებიანი იყოს ზუგდიდელებისთვის. მან ასევე აღნიშნა, რომ ყინულის სახლის ტენტს ექსპლუატაციის ვადა ორ წელიწადში გასდის.

„დიდი ხნის ლოდინის შემდეგ, როგორც იქნა, შევიდა ექსპლუატაციაში ყინულის სახლი, რითაც ძალიან გაიხარეს თანამოქალაქეებმა. მინდა აღვნიშნო, რომ ყინულის სახლის ტენტს ორ წელიწადში ექსპლუატაციის ვადა ეწურება და სამწუხაროდ, დიდი თანხა დაუჯდება ბიუჯეტს. შესაბამისად, ვაწარმოებთ მოლაპარაკებას, რომ ინვესტორის მეშვეობით გადავიტანოთ ისეთ შენობაში, სადაც ექსპლუატაციის ვადა ხანგრძლივი იქნება და კომფორტულადაც მოეწყობა.ასევე, გვსურს, დაემატოს სხვა სპორტული სახეობები და სპორტული სექტორი ყინულის სახლის მიმდებარედ. მუნიციპალიტეტი მუშაობს იმისთვის, რომ ყინულის სახლი ქალაქისა და მოქალაქეებისთვის მეტად საინტერესო და მომგებიანი იყოს“, - თქვა მოწერელიამ.

ყინულის სახლში ამ ეტაპზე ინდივიდუალური სრიალი არ იქნება. ამის შესახებ ჟურნალისტებს ზუგდიდის მერის პირველმა მოადგილემ გიორგი შენგელიამ უთხრა. მისივე თქმით, სპორტული წრეების ტარიფები უკვე განსაზღვრულია და ერთი ბავშვისთვის საფასური - 40, ოჯახის ორი წევრისთვის - 60, სამი წევრისთვის - 80 ლარი, სოციალურად დაუცველებისთვის კი უფასო იქნება.

„ამ ეტაპზე იფუნქციონირებს ფიგურული სრიალის წრე. სპეციალისტებს მოვიწვევთ ფედერაციიდან და ხვალიდან დაიწყება მიღება. ამ ეტაპზე სხვა წრეების დამატება არ იგეგმება. ინდივიდუალური სრიალი კი, სანამ ელექტრონული გადახდის სისტემა არ მოწესრიგდება, არ იქნება“, - აღნიშნა შენგელიამ.

ფიგურული ციგურაობის ფედერაციის პრეზიდენტმა კი ზუგდიდელი ახალგაზრდებისთვის ყინულის სახლის მნიშვნელობას ხაზი გაუსვა.

„მნიშვნელოვანია, რომ ახალგაზრდებს ექნებათ საშუალება, ეზიარონ სპორტის ამ ულამაზეს სახეობას. რაც შეეხება გადატანას, მუნიციპალიტეტის გადასაწყვეტია, თუმცა, ჩვენი გვსურს, არ შეწყდეს სამწვრთნელო პროცესი და უწყვეტად ივარჯიშონ ბავშვებმა“, - თქვა გიორგობიანმა.

დემოკრატიული ჩართულობის ცენტრში გამართულ შეხვედრაზე გიორგი შენგელიამ აღნიშნა, რომ თუკი სასტუმროს მშენებლობა ყინულის სახლის ტერიტორიაზე გადაწყდა, ობიექტი დროებით ტექნიკური სამუშაოების გამო დაიხურება. სასტუმროს მშენებლობის შემთხვევაში კი ყინულის სახლს კომკავშირის ტერიტორიაზე გადაიტანენ.

ზუგდიდის ყინულის სახლი ექვსი წელი არ ფუნქციონირებდა. მისი რეაბილიტაციის პროცესი 2018 წლის ბოლოსთვის დასრულდა. ბოლოს ზუგდიდის მუნიციპალიტეტის მერიას მიერ ყინულის სახლის რეაბილიტაცია 407 830 ლარი დაუჯდა. ყინულის მოედნის გახსნა 2014 წლის შემდეგ რამდენჯერმე დაანონსდა, თუმცა ეს დღემდე ვერ მოხერხდა. მოედნის მშენებლობა 2012 წელს დაიწყო, რისთვისაც 5 მილიონ ლარზე მეტი დაიხარჯა.


ამავე თემაზე:

მერია: ყინულის სახლში შესვლა რამდენიმე დღე უფასო იქნება



Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერმა გიორგი შენგელიამ, მის პირველ მოადგილე გიგა ფარულავასთან ერთად, ყულიშკარის სკოლაში მიმდინარე სამუშაოები დაათვალიერა.
ზუგდიდში ,,სამოქალაქო ბიუჯეტის“ ფარგლებში, მოქალაქეების მიერ შერჩეული სხვადასხვა პროექტი ხორციელდება.
ზუგდიდის მუნიციპალიტეტში საგზაო ინფრასტრუქტურის მოწყობის სამუშაოები ინტენსიურად მიმდინარეობს. ჭყონდიდელის ქუჩაზე მიმდინარე გზის სარეაბილიტაციო სამუშაოებს ზუგდიდის მუნიციპალიტეტის მერი გიორგი შენგელია,
კორონავირუსი
უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ ბერდია სიჭინავამ მთავრობის ადმინისტრაციაში გამართულ ბრიფინგზე
გასული დღე-ღამის განმავლობაში სამეგრელო-ზემო სვანეთის მასშტაბით კორონავირუსით ინფიცირებული კიდევ ორი პირი გარდაიცვალა.
სამეგრელო-ზემო სვანეთში კოვიდმიმღები კლინიკების რაოდენობა გაიზარდა. რუხის, ფოთისა და სენაკის კლინიკების გარდა, ინფიცირებულ პაციენტებს უკვე ზუგდიდის რეფერალურ ჰოსპიტალსა და აბაშის საავადმყოფოშიც მკურნალობენ.
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
დღის სიახლეები
05 / დეკემბერი 2020
ქვესადგურში სოხუმი-1 მომხდარი ავარიის გამო სოხუმის ნაწილს და სოფელ იაშტუხას ელექტროენერგია არ მიეწოდება. ინფორმაციას კომპანია "ჩერნომორენერგო" ავრცელებს.
05 / დეკემბერი 2020
აფხაზეთში ბოლო 24 საათში კორონავირუსის 87 ახალი შემთხვევა გამოვლინდა და 2 ადამიანი გარდაიცვალა, ინფორმაციას  Covid 19 - სგან მოსახლეობის დაცვის ოპერატიული შტაბი ავრცელებს.
05 / დეკემბერი 2020
უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ ბერდია სიჭინავამ მთავრობის ადმინისტრაციაში გამართულ ბრიფინგზე
მთავარი საინფორმაციო გამოშვება
ჩვენი თვითმმართველობა
არქივი
«« დეკემბერი 2020 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 3 °C
img
სოხუმი 7 °C
img
ფოთი 9 °C
img
მესტია -4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.