ახალი ამბები
ლაშა გოგიას ადვოკატი: ყოფილი მერი ბევრ მნიშვნელოვან ინფორმაციას ფლობს და ბევრი რამის თქმას აპირებს
ზუგდიდის ყოფილი მერის  ადვოკატის ნიკოლოზ მჟავანაძის ინფორმაციით, ლაშა გოგია ბევრ მნიშვნელოვან ინფორმაციას ფლობს, რაზეც ის აუცილებლად ისაუბრებს. მისვე თქმით,  „ქართული ოცნებიდან“ ყოფილი მაღალჩინოსნის თანაგუნდელები, დღეს ხმას არ იღებენ და მათაც ეშინიათ, რომ ისინი გოგიას გვერდში არ მიუსვან. ადვოკატი ამბობს, რომ  ზუგდიდის ყოფილ მერს ქრთამი არ აუღია და ის მმართველი პარტიის წევრისა და მაჟორიტარ-დეპუტატ ედიშერ თოლორაიას მსხვერპლია, რომელსაც მისივე განმარტებით, ხელისუფლებაში ძლიერი დასაყრდენი ჰყავს.

„ლაშა გოგია საკმაოდ ბევრი ინფორმაციის მატარებელი პიროვნებაა, რადგან ეს ადამიანი ზუგდიდის მერობის გარდა, სახელმწიფო სამსახურში უამრავ პოზიციაზე მუშაობდა. ის ბევრი რამის თქმას აპირებს, ისაუბრებს ყველაფრის შესახებ, რადგან გოგია ქვეყანას უმწიკვლოდ ემსახურებოდა.  თოლორაიას შეიძლება, მიწის გარდა სხვა ინტერესიც ჰქონდა, მაგალითად, ლაშა გოგია მერობის თანამდებობიდან მოეხნა და შემდეგ გზა გახსნოდა ეკონომიკურ ინტერესებთან დაკავშირებით“, - განაცხადა მჟავანაძემ.

მისი ცნობით, საქმეში მტკიცებულებები არ არსებობს და ლაშა გოგია მხოლოდ ერთი პირის, ერთი ბიზნესმენის ჩვენების საფუძველზეა დაკავებული.

„ამ საქმეში არანაირი მტკიცებულება არ არსებობს, ერთი კაცის ჩვენებით, ეჟოვის და იაგოდას დროს არ იჭერდნენ ხალხს. არც ფულის გადაცემაა, არც ოპერატიული მასალაა. ჩანაწერშიც, საუბარია, რომ ფული ვიცე-მერმა აიღო, გოგია ეუბნება, თუ ვინმემ აიღო ფული, მოსთხოვეო. კვირკვიამ პირველი ჩვენებისას თქვა, რომ ფულის გადაცემას ადგილი არ ჰქონია, რამდენიმე დღეში ჩვენება შეცვალა. რომელ ჩვენებას დავუჯერო? ამ ადამიანს ორი პასპორტი აქვს, საქართველოში კვირკვიაა, რუსეთში ოგნევი, დაკითხვის ოქმში მითითებული მისი საიდენტიფიკაციო ნომერი არ არსებობს, შსს-მ ასეთი პიროვნება არ იძებნებაო. ჩანაწერი ხელისუფლებას თავიდანვე ჰქონდა, „რუსთავი2“-ზე გავიდა, ვიღაცას ამის დანაშაული რომ დაენახა, ზუგდიდში სალომე ზურაბიშვილის საარჩევნო შტაბის ხელმძღვანელად დანიშნავდენ? თოლორაია დანაშაულის შეუტყობინებლობაზე უნდა მიცემულიყო პასუხისგებაში, გამოძიება შერჩევით მართლმსაჯულებას ახორციელებს“, - აცხადებს მჟავანაზე.

ზუგდიდის ყოფილ მერს, ლაშა გოგიასა და ვიცე-მერს, გია გულორდავას განსაკუთრებით დიდი ოდენობით ქრთამის ჯგუფურად აღებას ედავებიან, თენგიზ ქობალიას განსაკუთრებით მძიმე დანაშაულის შეუტყობინებლობას, ხუტა ბაღათურიას კი ბრალი ცრუ ჩვენებისთვის აქვს წაყენებული.

ამავე თემაზე:

ლაშა გოგიას ადვოკატი: განსასჯელის სკამზე დეპუტატი ედიშერ თოლორაიაც უნდა იჯდეს











Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
19 / მარტი 2024
საქართველოს პრემიერ - მინისტრის განცხადებით, საპატრიარქოს საგანმანათლებლო პროექტების დაფინანსება 5 მილიონი ლარით გაიზარდა, რაც ჯამში 60 მილიონ ლარს გულისხმობს.
19 / მარტი 2024
რუსეთიდან ოკუპირებულ აფხაზეთში ელექტროენერგიის „სოციალური ნაკადის“ მიწოდება დასრულდა, ამის შესახებ კომპანია ჩერნომორენერგოს“ წარმომადგენელმა ალხას გაგულიამ განუცხადა ადგილობრივ მედიას. 
18 / მარტი 2024
საქართველოს პრეზიდენტის სალომე ზურაბიშვილის განცხადებით, ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება ყოვლად უკანონო და მიუღებელია.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 10 °C
img
სოხუმი 13 °C
img
ფოთი 11 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.