ახალი ამბები
ტურიზმის კუთხით სამეგრელო-ზემო სვანეთში შექმნილი ააიპ ფუნქციონირებას ერთ თვეში დაიწყებს
სამეგრელო-ზემო სვანეთის დანიშნულების ადგილის მართვის ორგანიზაციამ ოთხ თანამდებობაზე ვაკანსია გამოაცხადა. HR.GE-ზე გამოქვეყნებული ინფორმაციის თანახმად, DMO აღმასრულებელ დირექტორს, ტურიზმის განვითარებისა და პროექტების, ფინანსურ, პიარისა და მარკეტინგის მენეჯერებს ეძებს. განცხადებები აღნიშნულ პოზიციებზე 14 მარტის ჩათვლით მიიღება.

სამეგრელო-ზემო სვანეთში სახელმწიფო რწმუნებულის აპარატის უფროსის ლევან წულაიას ინფორმაციით, სწორედ ამის შემდეგ, დაახლოებით, ერთ კვირაში კანდიდატებთან გასაუბრების ეტაპი ჩატარდება. ორგანიზაცია კი ფუნქციონირებას, სავარაუდოდ, ერთ თვეში დაიწყებს.

„შესაბამის კანდიდატებს შეარჩევს სამეთვალყურეო საბჭო, რომლის შემადგენლობაშიც არიან მუნიციპალიტეტების წარმომადგენლები. ასევე, ჟიურიში იქნება კერძო სექტორის წარმომადგენლებით დაკომპლექტებული საინიციატივო ჯგუფი. კონკურსანტებს განცხადებების მიღების დასრულებიდან ერთ კვირაში გასაუბრება ჩაუტარდებათ და შემდეგ შერჩეული კანდიდატები დაინიშნებიან“, - უთხრა რადიო „ათინათს“ წულაიამ.

მისივე თქმით, რეგიონის 9-ვე მუნიციპალიტეტს ადგილობრივი ბიუჯეტიდან თანხის, 30 ათასი ლარის გამოყოფის ვალდებულება უკვე აღებული აქვს. რაც შეეხება დაფინანსების სხვა წყაროებს, წულაიამ გვითხრა, რომ ალტერნატიული თანხების მოძიებაზე უკვე დანიშნული აღმასრულებელი დირექტორი და პროექტების მენეჯერი იზრუნებენ.

სამეგრელო-ზემო სვანეთში დანიშნულების ადგილის მართვის ორგანიზაცია (DMO) სახელმწიფო რწმუნებულის ადმინისტრაციის, ტურიზმის ეროვნული ადმინისტრაციის და USAID/Zrda-ს ინიციატივით, 2018 წლის 11 დეკემბერს დაფუძნდა. დამფუძნებლების ინფორმაციით, მისი მიზანი სამეგრელო-ზემო სვანეთის რეგიონის ტურიზმის განვითარების მოდელის შექმნის ხელშეწყობა და მისი პოპულარიზაციაა. DMO-ის ოფისი ზუგდიდში განთავსდება.



Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 13 °C
img
სოხუმი 15 °C
img
ფოთი 13 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.