ახალი ამბები
ზუგდიდის საკრებულოში, შესაძლოა, მერიის რამდენიმე სამსახურის წარმომადგენლები დაიბარონ
ზუგდიდში, საკრებულოს დეპუტატები ჩივიან, რომ უხარისხოდ შესრულებულ სამუშაოებზე პასუხისმგებელი პირი არავინაა და სხვადასხვა ინფრასტრუქტურულ პროექტზე ზედამხედველობის საშუალებას ითხოვენ. 

დეპუტატების ნაწილი ამბობს, რომ მათ მიერ დასმულ კითხვებს აღნიშნულთან დაკავშირებით არავინ პასუხობს. 

სოფელ ყულიშკარის მაჟორიტარმა „ქართული ოცნებიდან“ ზაზა პროკოპენკომ აღნიშნა, რომ მის სოფელში წყალმომარაგების სამუშაოები დასრულებულია, თუმცა სოფელს წყალი არ მიეწოდება.

„ვერ ვიპოვე ადამიანი, რომელიც პასუხისმგებელი იქნება იმაზე, რომ წყალი ჩართოს. არავინ არ იღებს ამაზე პასუხიმგებლობას და ჩვენ თუ არ შეგვიძლია, რომ ამ ყველაფერზე კონტროლი გავწიოთ, არ ვიცი“, - აღნიშნა პროკოპენკომ. 

ამავე აზრზეა კიდევ ერთი დეპუტატი ედიტა კოდუა. ის ამბობს, რომ მის სოფელში გზის სარეაბილიტაციო სამუშოაოები უხარისხოდ შესრულდა და ამაზე პასუხისმგებლობას არავინ იღებს. კოდუა მიიჩნევს, რომ გარკვეული კონტროლის მექანიზმი საკრებულოს დეპუტატებისთვის უნდა არსებობდეს.

ფრაქცია „ენმ“-ის თავმჯდომარე ანა წითლიძე კი ამბობს, რომ აღნიშნულ პროექტებზე პასუხიმგებლობა საკრებულოს დეპუტატებსაც ეკისრებათ, ამიტომაც აუცილებელია, რომ რამე სახით მათ ჰქონდეთ შესაძლებლობა ჩატარებულ სამუშაოებს ზედამხედველობა ჩაუტარონ. 

„ქვაფენილებზე, ჭაბურღილებზე, წყალმომარაგებაზე და სხვა უხარისხოდ შესრულებულ სამუშაოებზე არავინაა პასუხისმგებელი. ყოველთვის ისე ხდება, რომ ზედამხედველობის სამსახური ან თვალს ხუჭავს, ან ეპარება რაღაც... დასაქმებულ მუშებს არ უხდიან ხელფასებს და ამაზე პასუხს ვერავინ სცემს, სოციალური სახლების მაგალითზე, თუნდაც“, -თქვა წითლიძემ. 

მათ საპასუხოდ საკრებულოს თავმჯდომარის მოადგილემ ბესიკ ჭეჟიამ აღნიშნა, რომ, შესაძლოა, საკრებულოზე მერიის ზედამხედველობის სამსახურისა და შესყიდვების სამსახურის წარმომადგენლები მოიწვიონ და აღნიშნული პრობლემების შესახებ პასუხები მათგან მოისმინონ. 

„პირველ ეტაპზე, ალბათ, უნდა მოვუსმინოთ კომპეტენტურ პირებს და შემდეგ უკვე დავიგეგმოთ, როგორ შეიძლება ამ კუთხით ვიმუშაოთ“, - უთხრა დეპუტატებს ჭეჟიამ. 

დეპუტატებმა ასევე ითხოვეს სატენდერო კომისიაში მონაწილეობის საშუალება ჰქონდეთ, თუმცა, როგორც საკრებულოს წევრმა სანდრო სორდიამ მათ განუმარტა, აღნიშნული კომისიის შემადგენლობა კანონმდებლობითაა განსაზღვრული და დეპუტატებს მასში მონაწილეობა მხოლოდ როგორც ექსპერტებს შეუძლიათ.

Print Email
FaceBook Twitter
რ ე კ ლ ა მ ა
ზუგდიდის მერია ერთადერთი მუნიციპალიტეტია ქვეყნის მასშტაბით, რომელიც ქვეყნის ფარგლებს გარეთ სასწავლებელში ჩარიცხული სტუდენტების ფინანსურ მხარდაჭერას ახორციელებს.
საქართველოს მთავრობა სამეგრელო-ზემო სვანეთის რეგიონში მიმდინარე და განხორციელებული ინფრასტრუქტურული პროექტების შესახებ ვიდეორგოლს ავრცელებს.
საქართველოს მთავრობა სამეგრელო-ზემო სვანეთის რეგიონში მიმდინარე და განხორციელებული ინფრასტრუქტურული პროექტების შესახებ ვიდეორგოლს ავრცელებს.
საზოგადოება
საქართველოს სტატისტიკის ეროვნული სამსახურის მიერ გამოქვეყნებული წინასწარი შედეგების თანახმად, 2023 წლის იანვარ-ივლისში საქართველოდან განხორციელებული საქონლის ექსპორტის მოცულობამ (არადეკლარირებული
სტატისტიკის ეროვნულმა სამსახურმა 2023 წლის მეორე კვარტალში სამუშაო ძალის მაჩვენებლები გამოაქვეყნა.
საქართველოს კონკურენციის ეროვნულმა სააგენტომ გასული წლის მარტ-აგვისტოში საავტომობილო საწვავის საცალო ბაზარზე მაღალი ფასების შენარჩუნების მიზეზით ხუთი უმსხვილესი ეკონომიკური აგენტი დააჯარიმა. ამის შესახებ
დღის სიახლეები
30 / ნოემბერი 2023
"საერთაშორისო გამჭვირვალობა - საქართველოს" მიერ შესწავლილი დოკუმენტაციით, სამეგრელო-ზემო სვანეთში 26 თანამდებობის პირის დეკლარაცია ხარვეზიანი აღმოჩნდა.
30 / ნოემბერი 2023
დევნილთა საკითხების შემსწავლელი კომისიის გადაწყვეტილებით, იძულებით გადაადგილებულ 1 335 ოჯახს სააგენტო სოფლად სახლს შეუსყიდის.
30 / ნოემბერი 2023
ავტობუსში ქმრის მიერ მოკლული ზუგდიდელი ქალის საქმეზე თბილისის სააპელაციო სასამართლოში სხდომა გაიმართება და საქმეს მოსამართლე გიორგი კურატიშვილი განიხილავს.
დილის ჩართვა
ოდაბადეშ კინოხონი
23 / ნოემბერი 2023
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 11 °C
img
სოხუმი 13 °C
img
ფოთი 11 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.