ახალი ამბები
თენგიზ ჯგუშია გზების მოწესრიგების მოთხოვნით მათ გადაკეტვას აპირებს (ვიდეო)
მოძრაობა „სამეგრელოს ხმის“ ლიდერი და სავარაუდოდ, ზუგდიდის მერობის კანდიდატი თენგიზ ჯგუშია ამბობს, რომ ხელისუფლებას ზუგდიდის რამდენიმე უბანში ქუჩების მოსაწესრიგებლად ვადას აძლევს, წინააღმდეგ შემთხვევაში კი გზების გადაკეტვით იმუქრება.  ამის შესახებ მან ჟურნალისტებს თამარ მეფის ქუჩაზე განუცხადა, სადაც არსებულ ვითარება გააპროტესტა და ადგილობრივი მთავრობა კორუფციაში დაადანაშაულა.
ჯგუშიამ დაზიანებულ გზის მონაკვეთზე სიმბოლურად ნარცისები დადო და აღნიშნა, რომ ამ მიმართულებით ბიუჯეტს სწავლობს.

„ვაგრძელებ ნარცისების რევოლუციას. თენგიზ ჯგუშიას, როგორც ზუგდიდის მომავალი მერის ნომერ პირველი პრიორიტეტი იქნება გზები, ტრანსპორტი და ეს ინფრასტრუქტურა. გაწამებულია მოსახლეობა, განსაკუთრებული სიმწვავით დგას ეს პრობლემა და ამის მთავარი პრობლემა არის კორუფცია. მე ამ დღეებში შევისწავლე ბიუჯეტის ანალიზი და ცხადია, რომ იპარავენ და იპარავენ ამ გზების ხარჯზე. დეტალურად შევისწავლი, რამდენია "ატკატებისთვის" გადამისამართებული და რამდენს აპირებენ, რეალურად რამდენი სჭირდება გზებს. ყველაზე მაგრად ხალხს ატყავებენ გზების ხარჯზე. ზუგდიდს სჭირდება სწორი დაგეგმარება და მომჭირნეობა“, - აღნიშნა ჯგუშიამ.

თავის მხრივ, ზუგდიდის მერიაში აცხადებენ, რომ ამ ეტაპზე ტენდერი გამოცხადებულია ზუგდიდში, თამარ მეფისა და თაბუკაშვილის ქუჩებზე გზების რებილიტაციისთვის.

მერიაში ასევე ამბობენ, რომ ქალაქში სრული რეაბილიტაცია ჩაუტარდება კონსტანტინე გამსახურდიას, თამარ მეფის, თაბუკაშვილის, ჯანაშიას, ხელაიას, ზვიად გამსახურდიას, ლაზის, ჩიქობავას, ბარამიას და ქობულეთის ქუჩებს.

"გზების რეაბილიტაციისთვის წელს ზუგდიდის მუნიციპალიტეტში 36 მილიონი ლარია გამოყოფილი და ეს შეადგენს ძალიან მასშტაბურ სამუშაოებს", - უთხრეს რადიო "ათინათს" მერიის პრესსამსახურში.

რაც შეეხება კორუფციულ ნაწილს, ადგილობრივი ხელისუფლება ამბობს, რომ ეს ბრალდება არასერიოზულია და წარმოადგენს ცილისწამებას.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 11 °C
img
ფოთი 11 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.