ახალი ამბები
მადლობა თავისუფლებისთვის - ზუგდიდში 9 აპრილის გმირებს პატივი მიაგეს (ფოტო, ვიდეო)
ზუგდიდში ადგილობრივი ხელისუფლების წარმომადგენლებმა 9 აპრილის მემორიალი ყვავილებით შეამკეს. მოსწავლე - ახალგაზრდობის სასახლის აღსაზრდელებმა მემორიალთან სიმღერები შეასრულეს, ვლაქერნის ღვთისმშობლის ტაძრის წინამძღვარმა მამა მალხაზ ჭანტურიამ კი დაღუპულთა სულის მოსახსენებელი პანაშვიდი გადაიხადა.

ადგილზე იმყოფებოდა მმართველი გუნდის მერობის კანდიდატი გეგა შენგელიაც. მან დაღუპულ გმირებს თავისუფლებისა და საქართველოს ერთიანობისთვის მადლობა გადაუხადა.

„9 აპრილი არის უმძიმესი დღე ჩვენს უახლეს ისტორიაში, როცა დაიწყო საქართველოს დამოუკიდებლობისათვის ბრძოლა. ქართველმა ერმა მოიპოვა თავისუფლება რომელიც ძალიან ძვირფასია ჩვენთვის. მინდა ქედი მოვიხარო ჩვენი ღირსეული წინაპრების და იმ ადამიანების წინაშე, რომლებმაც ამ დღეს თავი გაწირეს საქართველოს ერთიანობისთვის, მადლობა თავისუფლებისთვის“, - თქვა მან.

საკრებულოს თავმჯდომარის მამუკა წოწერიას თქმით, 9 აპრილი მნიშვნელოვანი ისტორიული მოვლენაა, რომელიც მომავალ თაობებს გადაეცემა.

„ეროვნული ცნობიერების კულმინაციის დღე დღეს, დღე როდესაც გმირულად დაცემულმა ჩვენმა თანამემამულეებმა მოგვიტანეს ნანატრი თავისუფლება, რომელიც საფუძვლად დაედო 1991 წლის ჯერ საერთო სახალხო რეფერენდუმს, ხოლო შემდეგ ამავე წლის 9 აპრილის დამოუკიდებლობის აქტს, ქვეყნის დამოუკიდებლობის აღდგენას . 9 აპრილი დარჩება ჩვენი ქვეყნის ისტორიაში, როგორც სიმბოლო ერთად დგომის, მამაცობის, თავგანწირვის და ეროვნული პატრიოტების სულისკვეთების. ჩვენ ქედს ვიხრით დაღუპულ მამულიშვილთა ხსოვნის წინაშე, მათი სახელები არ იქნება დავიწყებული მომავალი თაობების მიერ“, - აღნიშნა მამუკა წოწერიამ.

ღონისძიების მონაწილეებმა ზვიად გამსახურდიას ძეგლთანაც გადაინაცვლეს და ყვავილებით შეამკეს. მემორიალის წინ საღებავებით გაკეთდა წარწერა „მადლობა თავისუფლებისთვის“.

„ყველა განსაკუთრებული სიამაყით და სიყვარულით აღნიშნავს 9 აპრილს. ეს დღე ჩვენ კიდევ ერთხელ გვახსენებს გმირებს, იმ ადამიანებს ვინც იბრძოლა საქართველოს დამოუკიდებლობისთვის, ეროვნული სულის აღორძინებისთვის. ამიტომაც უნდა გვახსოვდეს, განსაკუთრებით კი ჩვენს მომავალ თაობებს უნდა გავახსენოთ ჩვენი გმირული წარსულის ისტორია, რომ გვყავს ბევრი თავდადებული გმირი რომელთა ხსოვნას დღეს პატივს მივაგებთ“, - უთხრა ჟურნალისტებს ქალაქ ზუგდიდის მაჟორიტარმა მერაბ ქვარაიამ.

1989 წლის 9 აპრილს თბილისში, რუსთაველის გამზირზე მომხდარი ტრაგედიიდან 30 წელი შესრულდა.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების განსახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 17 °C
img
ფოთი 17 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.