ახალი ამბები
თბილისში პრაიდის საწინააღმდეგო აქციას ზუგდიდში, დაახლოებით, 5 ადამიანი შეუერთდა (ფოტო)
ზუგდიდის ცენტრალურ ბულვარში რამდენიმე ადამიანი შეუერთდა თბილისში, ვერის ბაღში მიმდინარე აქციას ლგბტქი პრაიდის გამართვის წინააღმდეგ. მათ ბულვარში ხეებზე გააკრეს ჰომოფობიური პლაკატები წარწერებით: „არა ლგბტ პროპაგანდას საქართველოში“, "არა მამათმავლობის პროპაგანდას და არა სოდომისტებს“.

როგორც ორგანიზატორმა ხატია ჯანაშიამ ჟურნალისტებს უთხრა, ადამიანების სიმცირე არ გაკვირვებია, რადგან მას აქცია ოფიციალურად არ დაუანონსებია. ჯანაშიას თქმით, მათ მხოლოდ პლაკატების გაკვრა და საკუთარი აზრის დაფიქსირება სურდათ.

„მხარს ვუჭერთ თბილისში გამართულ აქციას, ვემიჯნებით იმ ადამიანებს, ვინც ცდილობს დაამკვიდროს ლგბტ თემის პროპაგანდა. არ ყოფილა შემთხვევა, რომ საქართველოში მათ კერძო საკუთრებაში შევარდია ვინმე, ასე არ ვებრძვით მათ. არ ვღებულობთ და არც მივიღებთ ლგბტ პრაიდს. მოვუწოდებთ მათ, ვინც მათი მომხრეა და ცდილობს საზოგადოებას მოახვიოს მათი პროპაგანდა და ზეწრები, შეწყვიტონ ხალხის გამოწვევა და ნერვებზე თამაში“, - აღნიშნა ჯანაშიამ.

ჩვენს კითხვაზე, იზიარებს თუ არა თბილისში აქციის ორგანიზატორის ლევან ვასაძის იდეოლოგიას სექსუალური უმცირესობების მიმართ, ჯანაშიამ აღნიშნა, რომ ამ შემთხვევაში ლევან ვასაძე პრიორიტეტი არ არის და გაიზიარებს ნებისმიერი ადამიანის იდეოლოგიას, ვინც პრაიდის წინააღმდეგ იქნება.

მისივე თქმით, დღევანდელი შეკრება ექსპრომტად იყო დაანონსებული, მომავალში კი დარწმუნებულია, რომ ქუჩაში ბევრად მეტი ადამიანი გამოვა.

„ეს ასე იყო ჩაფიქრებილი, რადგან არ დაგვიანონსებია ოფიციალურად, თუმცა, თუ ეს მარაზმი გაგრძელდება და მათი პროპაგანდა არ შეწყდება, ბევრად მეტი გავხდებით“, -აღნიშნა „არტ-უნივერსალის“ დამფუძნებელმა ხატია ჯანაშიამ.

მან აქცია სოციალურ ქსელში, ფეისბუქის საკუთარ გვერდზე გუშინ დააანონსა და ზუგდიდელებს ბულვარში გამოსვლისკენ მოუწოდა.

ამ წუთებში კი ვერს ბაღში „თბილისი პრაიდის“ საწინააღმდეგო აქცია მიმდინარეობს, სადაც ბიზნესმენმა ლევან ვასაძემ მისვლა მხოლოდ მამაკაცებს თხოვა.

Print Email
FaceBook Twitter
რ ე კ ლ ა მ ა
ცქვიტიშვილების უბანში საავტომობილო გზის რეაბილიტაცია დაიწყო. პანდემიის მიუხედავად ჩხოროწყუს მუნიციპალიტეტში საგზაო ინფრასტრუქტურის მოწყობა არ შეჩერებულა.
ჩხოროწყუს მუნიციპალიტეტში კორონავირუსის გავრცელების პრევენციის მიზნით სადეზინფექციო სამუშაოები გრძელდება.
გადაცემის თემა - COVID-19 - ის პრევენცია და რეაგირება კონფლიქტით დაზარალებულ რეგიონებში.
კორონავირუსი
რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 223 ნიმუშებიდან 66-ზე დადებითი პასუხია.
დღეს ქუთაისის ინფექციურ საავადმყოფოში კორონავირუსით ინფიცირებული ორი პაციენტი გარდაიცვალა.
მოსწავლეებისა და მასწავლებლის დაინფიცირების გამო ზუგდიდის აკაკი წერეთლის სახელობის პირველი საჯარო სკოლა სწავლების ონლაინ რეჟიმზე გადავიდა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
22 / ოქტომბერი 2020
ხმაური იყო „ევროპული საქართველოს“ ზუგდიდის ოფისთან. ოპოზიციური პარტიის საარჩევნო შტაბთან „ქართული მარშის“ წარმომადგენლები იყვნენ მოისულები და გიგი უგულავასთან
22 / ოქტომბერი 2020
ცქვიტიშვილების უბანში საავტომობილო გზის რეაბილიტაცია დაიწყო. პანდემიის მიუხედავად ჩხოროწყუს მუნიციპალიტეტში საგზაო ინფრასტრუქტურის მოწყობა არ შეჩერებულა.
22 / ოქტომბერი 2020
შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს დასავლეთის განყოფილების თანამშრომლებმა ქალაქ ზუგდიდში 20 000 (100 ბლოკი)
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 21 °C
img
ფოთი 22 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.