რეგიონი
„სირცხვილია“ - გახარიას გადადგომისა და სხვა მოთხოვნებით აქცია ზუგდიდშიც გაიმართება
24 ივნისს, 18:00 საათზე, ზუგდიდის ცენტრალურ ბულვარში აქცია სახელწოდებით „სირცხვილია“ გაიმართება. მისი ორგანიზატორები სამოქალაქო აქტივისტები არიან და ზუგდიდელებს აქციაზე მისვლისკენ მოუწოდებენ.

„მოდი, თუ შენთვის სულერთი არაა ქვეყნის ბედი და მიმდინარე მოვლენები. ძალაუფლების მქონე პირები უნდა მიხვდნენ, რომ ადამიანთა უფლების დარღვევის ხარჯზე ვერავინ შეძლებს ამ ძალაუფლების დიდხანს შენარჩუნებას. ძალაუფლება რეალურად ეკუთვნის ხალხს!

ჩვენი მოთხოვნაა:
- გადადგეს შინაგან საქმეთა მინისტრი, გიორგი გახარია. მინისტრი, რომელიც პასუხისმგებელია ბოლო დროს განვითარებულ მოვლენებზე.
- მოხდეს დროული გამოძიება და დაისაჯონ აქციის დამრბევები, ყველა, ვინც ძალას გადაამეტა!
- გათავისუფლდნენ უდანაშაულოდ დაპატიმრებული პროტესტანტები!
- დაიწყოს პროპორციულ საარჩევნო სისტემაზე გადასვლის პროცესი, რომელიც მოახდენს ძალაუფლების ერთი პოლიტიკური ძალის ხელში ჩაგდების პრევენციას.
ბოლო დროს აღინიშნება ტენდენცია, რომ უსამართლობის წინააღმდეგ ხმის ამოღების შემთხვევაში ცდილობენ გაგაჩუმონ, რომელიმე პოლიტიკური პარტიისადმი მიკუთვნებულობა დაგაბრალონ, დაგცინონ და ასე დაგაკარგვინონ თანამოაზრეები.

გახსოვდეს, შენი ხმა მნიშვნელოვანია, სწორედ ამიტომ ცდილობენ მის ჩახშობას. გახსოვდეს, შენ იქ გამოხვალ საკუთარი თავისთვის, საკუთარი ოჯახის წევრებისთვის, საკუთარი ქვეყნისთვის. ჩვენ ვიმსახურებთ სამართლიან და დემოკრატიულ სახელმწიფოში ცხოვრებას!“, - აღნიშნულია აქციის საორგანიზაციო განცხადებაში.

თბილისში რუსთაველის გამზირზე, უკვე მეოთხე დღეა, აღნიშნული მოთხოვნებით რამდენიმე ათასი ადამიანი ხელისუფლებას მიმართავს. მათი პროტესტი 20 ივნისს საქართველოს პარლამენტში რუსი დეპუტატების მისვლამ და ღამით, ანტისაოკუპაცო აქციის დარბევამ გამოიწვია.

20 და 21 ივნისს თბილისის მოვლენები ზუგდიდშიც გააპროტესტეს.
Print Email
FaceBook Twitter
დაფინანსებული
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ გალა კონცერტით დასრულდა.
მერის სტიპენდიაზე განცხადებების მიღება დაიწყო.
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ ჯიხაშკარში, მის მშობლიურ სოფელში გაიმართა, რომელშიც საქართველოს სხვადასხვა რეგიონიდან ჩამოსული ფოლკლორული ანსამბლები მონაწილეობდნენ.
დღის სიახლეები
18 / ივლისი 2024
შეფასებისა და გამოცდების ეროვნული ცენტრის ინფორმაციით, ზუგდიდში სახვითი და გამოყენებითი ხელოვნების გამოცდაზე
18 / ივლისი 2024
სვანეთში, სოფელ ეცერის მიმდებარე ტერიტორიაზე მიწა ჩამოიშალა, რის გამოც გზა რამდენიმე საათი ჩაკეტილი იყო.
17 / ივლისი 2024
მომავალ ლიდერთა გაცვლითი პროგრამა (FLEX), 30 წელზე მეტია, რაც ამერიკის მთავრობის მხარდაჭერით ხორციელდება საქართველოში.
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 28 °C
img
სოხუმი 26 °C
img
ფოთი 25 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.