ახალი ამბები
ზუგდიდში თბილისის დემონსტრაციების ანალოგიური მოთხოვნებით მესამე აქცია გაიმართა (ფოტო, ვიდეო)
ზუგდიდში 20 ივნისის მოვლენების გასაპროტესტებლად სამოქალაქო აქტივისტები, არასამთავრობო ორგანიზაციების წარმომადგენლები და სხვა მოქალაქეები დღეს მესამედ შეიკრიბნენ. მათ ჯერ ზუგდიდის ბულვარში დააფიქსირეს საკუთარი პოზიციები, შემდეგ კი სამხარეო ადმინისტრაციასთან მსვლელობით გადაინაცვლეს, სადაც კიდევ ერთხელ გააჟღერეს მოთხოვნები.

შეკრებილებმა კიდევ ერთხელ აღნიშნეს, რომ ეს აქციები სამოქალაქო პროტესტია და ისინი პოლიტიკურ პარტიებს ამ მანიფესტაციის სათავისოდ გამოყენების უფლებას არ მისცემენ.

„რაც შეეხება მოთხოვნებს, კარგია და მივესალმებით, რომ ხელისუფლება თანახმაა, 2020 წელს არჩევნები პროპორციული საარჩევნო სისტემით ჩატარდეს, თუმცა მთავარი მოთხოვნები, მათ შორის, შს მინისტრის გადადგომა ძალაშია, რადგან სწორედ მან უნდა აიღოს პასუხიმგებლობა იმაზე, რაც მოხდა“, - თქვა „საერთაშორისო გამჭვირვალობა-საქართველოს“ ზუგდიდის ოფისის კოორდინატორმა არჩილ თოდუამ.

აქციაზე სიტყვით მოქალაქეებიც გამოვიდნენ, მათ შორის აფხაზეთიდან დევნილები და 20 ივნისის აქციის მონაწილეები იყვნენ.

სამხარეო ადმინისტრაციასთან იმყოფებოდა საკრებულოს წევრი „ქართული ოცნებიდან“ ირაკლი ლაგვილავაც, რომელიც აქციას არ შეერთებია, თუმცა ჟურნალისტებთან საკუთარი პოზიცია დააფიქსირა.

„რუსეთის დუმის დეპუტატები არათუ პარლამენტში, არამედ არცერთ სახელმწიფო დაწესებულებაში არ უნდა იყვნენ. რაც შეეხება აქციაზე ღამით განვითარებულ მოვლენებს, ძალიან მძიმე სანახავი იყო ეს ყველაფერი, თუმცა, აქვე აღვნიშნავ, რომ თანამდებობა არ უნდა იყოს ინდულგენცია და ყველა, ვინც დანაშაული ჩაიდინა, უნდა დაისაჯოს. მე ძალიან მიკვირს, რომ ეს ადამიანები მხოლოდ გახარიას გადადგომას მოითხოვენ და არა იმ ოპოზიციონერი პოლიტიკოსების დასჯას, ვინც მოვლენების ასე განვითარების პროვოცირება მოახდინა და პარლამენტში შტურმის აღების მოწოდებით კონსტიტუციისთვის საფრთხის შექმნას შეუწყო ხელი“, - აღნიშნა ლაგვილავამ.

აქციის ორგანიზატორები ამბობენ, რომ მოვლენების განვითარებას დაელოდებიან და მოთხოვნების დაკმაყოფილებამდე შეკრებებს, მათ შორის, პერფორმანსის სახით, განაგრძობენ.

ზუგდიდელი დემონსტრანტები თბილისელი მანიფესტანტების მსგავსად სამივე მოთხოვნას უერთდებიან და გახარიას გადადგომას, აქციის დაშლის ღამეს დაკავებულების გათავისუფლებასა და პასუხიმგებელი პირების დასჯას მოითხოვენ. მეოთხე მოთხოვნაზე 2020-ში არჩევნების პროპორციული საარჩევნო სისტემით ჩატარების შესახებ „ქართული ოცნება“ თანახმაა.
Print Email
FaceBook Twitter
რ ე კ ლ ა მ ა
ჩეხეთის რესპუბლიკის კარიტასის ორგანიზებით, ზუგდიდში არსებული სკრინინგ ცენტრის 2 წლიანი საქმიანობის შედეგები შეაჯამეს.
ვაქცინაციისმხარდაჭერის მიზნით, სტუდენტური კამპანია - #ავიცრათერთმანეთისთვის იწყება.
ზუგდიდში, კოსტავას #7-ში სასწავლო ცენტრი "მესიაკონი" გაიხსნა, სადაც მე-6 კლასამდე მოსწავლეებს მიიღებენ. ცენტრის დირექტორის მაია რიგვავას თქმით,
კორონავირუსი
გასული დღე-ღამის განმავლობაში დე ფაქტო რესპუბლიკის მასშტაბით 611 ადამიანი გამოიკვლიეს, მათგან 143-ს კორონავირუსი დაუდასტურდა.
საქართველოში, გასული დღე-ღამის განმავლობაში გამოვლინდა ვირუსით ინფიცირების 4 459 ახალი დადასტურებული შემთხვევა, აქედან 358 სამეგრელო-ზემო სვანეთში.
ვაქცინირებული პირებისთვის მიმდინარე წამახალისებელ ლატარიაში 1 500-1 500 ლარი ზუგდიდში აცრილმა 2-მა ადამიანმა მოიგო.
საზოგადოება
მთავრობა სათამაშო ბიზნესს ახალ რეგულაციებს უწესებს. პრემიერ-მინისტრმა ირაკლი ღარიბაშვილმა მთავრობის სხდომაზე განმარტა,
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
საკოორდინაციო საბჭოს გადაწყვეტილებით, საბავშვო ბაღებსა და როგორც საჯარო, ისე კერძო სკოლებში, 4 ოქტომბერს სასწავლო პროცესი საკლასო ოთახებსა და აუდიტორიებში განახლდება,
დღის სიახლეები
02 / დეკემბერი 2021
"ბერტა ფონ ზუტნერის მშვიდობის პრემია 2021 – ადამიანის უფლებებისთვის" განაცხადების მიღება დასრულდა. პრემიაზე სულ 10 კანდიდატია წარდგენილი, მათ შორის,
02 / დეკემბერი 2021
ხვალ ახალი მოწვევის ზუგდიდის საკრებულო პირველად შეიკრიბება. მასში 3 პარტიის დეპუტატები იქნებიან წარმოდგენილი. ვინ გახდება საკრებულოს თავმჯდომარე და შეჯერდა თუ არა პარტიები კანდიდატებზე,
02 / დეკემბერი 2021
სამეგრელო-ზემო სვანეთის ცნობით, რეგიონის მასშტაბით, ბოლო დღე-ღამის განმავლობაში კორონავირუსით 3 პაციენტი
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
«« დეკემბერი 2021 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 3 °C
img
სოხუმი 5 °C
img
ფოთი 8 °C
img
მესტია -4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.