ახალი ამბები
დეპუტატი ბინათმესაკუთრეთა ამხანაგობებისთვის 10% თანადაფინანსების ზღვარის დაწევის ითხოვს
ზუგდიდის მუნიციპალიტეტის საკრებულოს წევრი სანდრო სორდია დეპუტატებს ბინათმესაკუთრეთა ამხანაგობებისთვის 10%-იანი თანადაფინანსების ზღვარის დაწევას სთავაზობს. დეპუტატი მიიჩნევს, რომ პროცენტის განახევრება პროგრამის განხორციელებისთვის უმჯობესი იქნება.

"სამოქალაქო ბიუჯეტირების ფარგლებში ჩატარებული საინფორმაციო კამპანიისას გამოიკვეთა ერთი საჭიროება. მრავალბინიანი საცხოვრებელი კორპუსების მოსახლეობამ ერთი მხრივ მადლიერება გამოხატა, რომ მუნიციპალიტეტი მათ მიერ წარმოდგენილ პროექტებს 90% აფინანსებს, თუმცა მეორე მხრივ, წუხილი გამოთქვეს, იმის გამო, რომ მოსახლეობის ნაწილი ადგილზე არ იმყოფება და ადგილობრივებს იმ 10%-ის გადახდაც მძიმე ტვირთად აწევთ. ვფიქრობ, რომ მუნიციპალიტეტს შეუძლია გარკვეული შეღავათი გასწიოს და ეს 10%-იანი თანადაფინანსების წილი დაიწიოს 5%-მდე. მე შემოვდივარ ამის ინიციატივით და თუ იქნება ერთიანი პოზიცია შეიძლება ამ საკითხზე ვიმსჯელოთ", - ამბობს სანდრო სორდია.

საკრებულოს თავმჯდომარის მამუკა წოწერიას თქმით, დეპუტატის ინიციატივა საინტერესოა და მას შესწავლა სჭირდება.
ზუგდიდის მერის მოადგილე კონსტანტინე კაკავამ, რომელიც დღევანდელ სხდომას ესწრებოდა, თქვა რომ ზღვარის დაწევა პროექტების ღირებულებიდან გამოდინარე შეიძლება.

"შეგვიძლია ფინანსური ღირებულებების მიხედვით დავაწესოთ პროცენტები. დავუშვათ 10 000 ლარი და მეტი ღირებულების პროექტზე შეიძლება იყოს 5%, ხოლო დაბალბიუჯეტიანი პროექტები დავტოვოთ 10%-ზე", - აღნიშნა კაკავამ.

მიმდინარე წელის ადგილობრივი ბიუჯეტიდან ბინათმესაკუთრეთა ამხანაგობების განვითარების ხელშეწყობის პროგრამისთვის 170 ათასი ლარია გამოყოფილი.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 19 °C
img
ფოთი 18 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.