რეგიონი
ზუგდიდის მერმა 6 თვიანი მუშაობის ანგარიში წარადგინა
ზუგდიდის მერმა გიორგი (გეგა) შენგელიამ საკრებულოს სხდომაზე 6 თვიანი მუშაობის ანგარიში წარადგინა. მან დეტალურად ისაუბრა იმ პროექტებზე, რომელიც მერიამ ამ პერიოდში განახორციელა. მერის თქმით, 2019 წელს ზუგდიდის მუნიციპალიტეტის ადგილობრივი თვითმმართველობის პრიორიტეტი იყო ინფრასტრუქტურის განვითარება, სოციალური პროგრამების გაფართოება, საბავშვო ბაღებში გარემოს გაუმჯობესება, კულტურის და  სპორტის განვითარება და სხვ.

ანგარიშის თანახმად,  მუნიციპალიტეტის 2019 წლის ბიუჯეტის  მოცულობამ ჯამში 68.5 მილიონი ლარი შეადგინა, მათ შორის, საკუთარი შემოსავლების მოცულობამ 41 მილიონ ლარს გადააჭარბა.



მიმდინარე წლის განვლილ პერიოდში ადგილობრივი ბიუჯეტის სახსრებით გამოყოფილი 27,3 მილიონი ლარიდან, დაახლოებით, 11, 2 მილიონი ინფრასტრუქტურული პროექტების განხორციელებას მოხმარდა. 3,3 მილიონ ლარზე მეტი - ქალაქისა და 48 ადმინისტრაციული ერთეულის დასუფთავების პროგრამას.

მუნიციპალიტეტის ერთ-ერთი მთავარი პრიორიტეტის, სოციალური და ჯანდაცვის სფეროს ღონისძიებების დაფინანსებისთვის კი 2 მილიონ 370 ათასი ლარი გამოიყო, რაც სოციალური დანიშნულების თოთხმეტი პროგრამისა და მისი შემადგენელი შვიდი ქვეპროგრამის დასაფინანსებლად მიიმართა .

წლის განვლილ პერიოდში განათლების სფეროს დაფინანსებამ შეადგინა 4, 6 მილიონი ლარი, აქედან ამ თანხის ძირითადი ნაწილი- 3, 6 მილიონ ლარზე მეტი სკოლამდელი აღზრდის ხელშეწყობის პროგრამის განხორციელებას მოხმარდა.


2019 წელს ჯანმრთელობისათვის უსაფრთხო გარემოს უზრუნველყოფის ხელშეწყობის მიზნით, საქართველოს რეგიონებში განსახორციელებელი პროექტების ფონდიდან  მუნიციპალიტეტს 1 100 648 ლარი გამოეყო. აქედან 536 500-მდე  სსიპ საგანგებო სიტუაციების კოორდინაციისა და გადაუდებელი დახმარების ცენტრის მშენებლობას  მოხმარდა.

ამავე დოკუმენტის მიხედვით, სანიაღვრე სისტემების მოწყობაზე 168 814 ლარი დაიხარჯა, ხოლო შიდა გზების რეაბილიტაციას 528 500 ლარი დასჭირდა.

რეგიონული განვითარების  ფონდიდან 2019 წელს განხორციელდება მრავალწლიანი შესყიდვის წესით შესყიდული პროექტების ჯამმა 6 900 000 ლარი შეადგინა. აქედან, 14 პროექტი გზის რეაბილიტაციას ეხებოდა, ხოლო 1 წყალმომარაგების სისტემის მშენებლობას.


მერის ანგარიშში ასევე მოხვდა მსოფლიო ბანკისა და ევროპის განვითარების ბანკის მიერ დაფინანსებული პროექტები - ზუგდიდის  წყალმომარაგების სისტემის მშენებლობა და ზუგდიდის წყალარინების ქსელების რეაბილიტაცია. აღნიშნული პროექტების ღირებულება ჯამში 180 მილიონ ლარზე მეტია. აქვე ნათქვამია  წყალარინების გამწმენდი ნაგებობების მშენებლობაზე, რომლის ღირებულება 42 369 454 ლარია.  

ამასთან, მერმა ყურადღება გაამახვილა ბოტანიკურ ბაღზე, რომლის რეაბილიტაცია რამდენიმე კვირაში დასრულდება. მისი ღირებულება 12 მილიონ ლარს შეადგენს.

რაც შეეხება განათლების სფეროს, მერის ანგარიშის თანახმად, ამ მიმართულებით საჯარო სკოლების ხელშეწყობის პროგრამისთვის  260 000 ლარი გამოიყო, განსაკუთრებული ნიჭის მქონე ახალგაზრდების ხელშეწყობისთვის -75 000 ლარი, 20 საბავშვო ბაღის რეაბილიტაციას, დაახლოებით, 200 ათასი ლარი დასჭირდა, ხოლო ათეულობით ბაღი აღიჭურვა საჭირო ტექნიკითა და ინვენტარით.


გარდა ამისა, გიორგი შენგელია შეკრებილებს ადგილობრივი თუ ცენტრალური ბიუჯეტით დაფინანსებულ სხვა პროექტებზეც ისაუბრა და აღნიშნა, რომ მომავალშიც განსაკუთრებულ ყურადღებას დაუთმობს ინფრასტრუქტურის განვითარებას და  სოციალური პროგრამების გაუმჯობესებას.

ანგარიშის მოსმენის შემდეგ შეხვედრა კითხვა-პასუხის რეჟიმში წარიმართა. შეხვედრას დეპუტატების გარდა, არასამთავრობო სექტორის წარმომადგენლები, ააიპ- ების თანამშრომლები და სხვა დაინტერესებული პირები დაესწრნენ.

ცნობისთვის, გიორგი შენგელია ზუგდიდის მერი მაისის შუალედური არჩევნების შემდეგ გახდა. მან ლაშა გოგია ჩაანაცვლა, რომელიც ამჟამად სასჯელს ქრთამის აღების საქმეზე იხდის.


Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე  14 827 ადამიანი გამოიკვლიეს და გამოვლინდა ინფიცირების 903 ახალი შემთხვევა.
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 212 ადამიანი მკურნალობს, მათგან 12 პაციენტის ჯანმრთელობის მდგომარეობა მძიმეა.
ბოლო 24 საათში სამეგრელო-ზემო სვანეთის მასშტაბით კორონავირუსით ერთი ადამიანი გარდაიცვალა. სამხარეო ადმინისტრაციის ინფორმაციით 78 წლის მამაკაცი სენაკის მკვიდრია და რუხის საავადმყოფოში გადიოდა მკურნალობის კურსს.
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
დღის სიახლეები
22 / იანვარი 2021
უწყებათაშორისი საკოორდინაციო საბჭოს გადაწყვეტილებით, ზუგდიდში, ფოთში, გორში, ბათუმსა და თელავში პირველი თებერვლიდან მუნიციპალური ტრანსპორტის,
22 / იანვარი 2021
მთავრობის დადგენილებით, 1 ტომარა ფქვილზე სახელმწიფო სუბსიდია 10 ლარის ნაცვლად 15 ლარი იქნება.
22 / იანვარი 2021
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე  14 827 ადამიანი გამოიკვლიეს და გამოვლინდა ინფიცირების 903 ახალი შემთხვევა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 6 °C
img
სოხუმი 5 °C
img
ფოთი 5 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.