ახალი ამბები
უსაფრთხო გადასასვლელები და გარეუბნების განვითარება - შენიშვნები ზუგდიდის გენგეგმაზე
ზუგდიდის ქალაქმშენებლობის რეგულირების გენერალური გეგმის განხილვაზე, კომპანის „არტსტუდიო პროექტის“  წარმომადგნელებმა, რომლებიც აღნიშნულ პროექტზე მუშაობენ, მოქალაქეების შენიშვნები ჩაინიშნეს. პროექტის კონცეფციის მიხედვით, ქალაქში სხვადასხვა ინფრასტრუქტურული  პრობლემები უნდა მოწესრიგდეს და განვითარდეს.

„საინტერესო მოსაზრებები მოვისმინეთ ადგილობრივებისგან, პროექტში ალბათ  ბევრ რამეს შევცვლით. ჩვენ ახლა  მხოლოდ პროექტზე მუშაობის საწყის ეტაპზე ვართ.  შევეცდებით, რომ ზუგდიდი გახდეს კეთილ მოწყობილი და ხალხზე ორიენტირებული ქალაქი. გეგმაზე მუშაობისთვის წინ კიდევ რავა თვე გვაქვს“ , - ამბობს კომპანიის ხელმძღვანელი გიორგი სულაბერიძე.

პროექტის პირველი ეტაპის კონცეფციის მიხედვით დაგეგმილია:

ველოსიპედისა და ელექტრო სკუტერების ბილიკის მოწყობა;

ზუგდიდის ცენტრალურ ნაწილში მანქანების გადაადგილების შეზღუდვა და მიწისქვეშა ავტოსადგომის მოწყობა;

ბულვარის გასწვრივ პარკინგის გაუქმება;

ფეხით მოსიარულეთათვის კომფორტული გარემოს შექმნა;

ბულვარის გაფართოება და გაგრძელება დადიანების კომპლექსამდე. მდინარე ჩხოუშიას მონიტორინგის სამსახურის ჩამოყალიბება;

მდინარე ჩხოუშიაში ჩამდინარე სანიაღვრე არხების და საკანალიზაციო ინფრასტრუქტურის მოწესრიგება;

მდინარის კალაპოტის სანიტარული წმენდა;

ერთიანი მწვანე დერაეფანი პარკებით;

გამართული სატრანსპორტო და საინჟინრო ინფრასტრუქტურის მოწყობა.

საჯარო განხილვას ზუგდიდის მუნიციპალიტეტის მერი გიორგი შენგელია, საქართველოს რეგიონული განვითარებისა და ინფრასტრუქტურის მინისტრის მოადგილე მზია გიორგობიანი და საკითხით დაინტერესებული სხვა პირები დაესწრნენ.

მზია გიორგობიანის განმარტებით, გენგემაზე მუშაობა, დაახლოებით, ერთ წელიწადში დასრულდება და ის ქალაქის განვითარებას შეუწყობს ხელს.

„ეს არის გენერალური გეგმა, რომელი,ც დაახლოებით,  ერთი წლის განმავლობაში იქნება შემუშავებული. შემდეგ ეს გეგმა ქალაქის საკრებულომ უნდა დაამტკიცოს. გეგმაში  ასახული იქნება მოკლევადიან, საშუალო ვადიან და გრძელვადიან პერსპექტივაში განსახორციელებელი პროექტები. ეს მნიშვნელოვანია ქალაქის განვითარებისთვის. მათ შორის სატრანსპორტო ქსელთან მიმართებაში, ახალი ინვესტიციების შემოდინების თვალსაზრისით, თუ როგორ მოვახდინოთ კერძიო სექტორის დაინტერესება, რაც ყველაზე მნიშვნელოვანია მიმზიდველი უნდა იყოს აქ მცხოვრები ადამიანებისათვის“,- აღნიშნა გიორგობიანმა.

მერმა გიორგი შენგელიამ მოქალქეებს განხილვაში მონაწილეობისთვის მადლობა გადაუხადა და აღნიშნა, რომ მათი ჩართულობა სრულყოფილი დოკუმენტის შემუშავებისთვის მნიშვნელოვანია.

პრეზენტაციის შემდეგ შეკრებილებმა კითხვები დასვეს და პროექტის გარშემო შენიშვნები გამოთქვეს.

„საერთაშორისო გამჭვირვალობა- საქართველოს“ ზუგდიდის ოფისის ხელმძღვანელი არჩილ თოდუა მიიჩნევს, რომ ქალაქი არასწორადაა განვითარებული და  სერვისების მიღება მხოლოდ ცენტრშია შესაძლებელი.

„მნიშვნელოვანია ტროტუარების გაფართოება ფეხით მოსიარულეებისთვის. ამასთან , მდინარეს, რომელიც ქალაქს ყოფს დაკარგული აქვს ფუნქცია.  მის გვერდებზე საავტომობილო გზებია, უფრო სასურველი იქნება რეკრეაციული ზონები იყო.  ძირითადი სერვისების მიღება  მხოლოდ ქალაქის ცენტრში არ უნდა იყოს შესაძლებელი. გარეუბნები ნაკლებად არის განვითარებული“, - ამბობს თოდუა.

მოქალაქეები ასევე დაინტერესდნენ, არის თუ არა პროექტში სკვერების  სარწყავი სისტემის  და სკოლებთან უსაფრთხო მსვლელობის მოწყობა ასახული. როგორც პირველი სკოლის დირექტორმა ნინო გოგინავამ აღნიშნა, სკოლის მიმდებარე ტერიტორია ავტომობილების მოძრაობის გამო გადატვირთულია და სკოლის მისასვლელი არ არის უსაფრთხო.

„არტსტუდიო პროექტის“  წარმომადგენლებმა ამ და სხვა შენიშვნების შესახებ თქვეს, რომ თითოეულ საკითხს გაითვალისწინებენ და პროექტის ჩაშლილ ვარიანტში  შესაძლებელია ისინი აისახოს.

"არტსტუდიო პროექტმა" რეგიონული განვითარებისა და ინფრასტრუქტურის სამინისტროს მიერ გამოცხადებულ ტენდერში გაიმარჯვა.

Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
ზუგდიდის მუნიციპალიტეტის ჯუმის ადმინისტრაციულ ერთეულში ახალი საბავშვო ბაღის მშენებლობა მიმდინარეობს.
კორონავირუსი
ზუგდიდში, ფოთსა და ქვეყნის კიდევ 6 დიდ ქალაქში ხვალიდან ყველა სახის საზოგადოებრივ ტრანსპორტს, მათ შორის, სამარშრუტო ტაქსებს მგზავრების გადაყვანა ეკრძალებათ.
საქართველოში ბოლო 24 საათის განმავლობაში გამოვლენილია ვირუსით ინფიცირების 4 780 ახალი შემთხვევა,
პრემიერ-მინისტრის განცხადებით, საქართველოს მთავრობის და ასევე ეპიდემიოლოგების მკაცრი რეკომენდაციაა, რომ „70 წელს ზემოთ ადამიანები დარჩნენ სახლში“. გიორგი გახარია ამბობს,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
დღის სიახლეები
27 / ნოემბერი 2020
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
27 / ნოემბერი 2020
„საქართველოს რკინიგზა“  მგზავრთა გადაყვანის შეჩერებასთან დაკავშირებით განცხადებას ავრცელებს. უწყების ცნობით, მოქალაქეებმა სალაროებში წინასწარ შეძენილი ბილეთები დღეს უნდა დააბრუნონ.
27 / ნოემბერი 2020
ზუგდიდში, ფოთსა და ქვეყნის კიდევ 6 დიდ ქალაქში ხვალიდან ყველა სახის საზოგადოებრივ ტრანსპორტს, მათ შორის, სამარშრუტო ტაქსებს მგზავრების გადაყვანა ეკრძალებათ.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 11 °C
img
სოხუმი 11 °C
img
ფოთი 10 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.