რეგიონი
ანაკლიის ეკონომიკური განვითარების პროგრამის ფარგლებში 150 ადგილობრივი გადამზადდა (ფოტო, ვიდეო)
ანაკლიის სასწავლო ცენტრის კურსდამთავრებულებს ცოდნის დამადასტურებელი სერტიფიკატები ზუგდიდის ტექნოპარკში საზეიმო ვითარებაში გადასცეს. 150 ადგილობრივმა სასწავლო კურსი ანაკლიის განვითარების კონსორციუმის და USAID  "ზრდა" პროექტის დაფინანსებით, ანაკლიის ეკონომიკური განვითარების პროგრამის ფარგლებში გაიარა. 
„მიხარია, რომ ჩვენი პროექტის ფარგლებში 150-მდე ადამიანს გადავცემთ სერტიფიკატებს. კურსდამთავრებულების ნაწილმა გაიარა ე.წ სტუმარ-მასპინძლობის კურსები, რაც ძალიან მნიშვნელოვანი და საჭიროა სამეგრელოს რეგიონში ტურიზმის განვითარებისთვის. გარდა ამისა ადამიანებს ჰქონდათ საშუალება გაევლოთ ინგლისურისა და კომპიუტერის კურსები, განევითარებინათ საკუთარი უნარ-ჩვევები. გადამზადებული ადგილობრივების უმრავლესობა არიან ადამიანები, ვისაც აქვს საკუთარი საოჯახო სასტუმრო, ან არიან დაინტერესებული მსგავსი სამსახურით. დიდი იმედი გვაქვს, რომ ტურიზმის მიმართულებით ზუგდიდში განსახორციელებელ საინტერესო პროექტებს შეემატება კვალიფიციური კადრები“, - თქვა ანაკლიის ეკონომიკური განვითარების პროექტის ხელმძღვანელმა ირაკლი უჯმაჯურიძემ.
აღნიშნული პროგრამა საზოგადოებრივი კოლეჯი "ახალი ტალღის" მიერ განხორციელდა. სწავლება 3-დან 6 თვემდე ხანგრძლივობის იყო და შემდეგი კურსები მოიცვა: ინგლისური ენა, კომპიუტერული პროგრამები, სასტუმროს დასუფთავების სამსახურის სპეციალობა, ასევე სასტუმროში სტუმრების მიღება-განთავსების კურსები და მეწარმეობა-ბიზნეს ადმინისტრირება. სწავლება ანაკლიასა და ზუგდიდში გაიმართა.

„მნიშვნელოვანი დღეა „ახალი ტალღისთვის“, რადგან დღეს არის შეჯამება ჩვენი ერთობლივი პროექტის. ეს იყო ახალი გამოცდილება ჩვენთვის, გაგვეხსნა ფილიალები ანაკლიასა და ზუგდიდში. 6 სასწავლო მიმართულებით გადამზადნენ ადამიანები. მათ აიმაღლეს ცოდნა, მიიღეს გამოცდილება, რაშიც იყვნენ ჩართულები ექსპერტები და წამყვანი სპეციალისტები. ვთვლი, რომ ეს იყო წარმატებული მაგალითი, მოდელი, რომელიც აუცილებლად გაგრძელდება“, - აღნიშნა კოლეჯის დირექტორმა ლაშა ხახუტაიშვილმა.

USAID "ზრდა" პროექტის მხარდაჭერით მსგავსი ტრენინგების ჩატარება სამომავლოდ ისევ იგეგმება. მომავალი სასწავლო კურსების შესახებ დეტალური ინფორმაცია ადგილობრივი მოსახლეობისთვის უახლოეს მომავალში გახდება ცნობილი.

ანაკლიის სასწავლო ცენტრი ანაკლიის ეკონომიკური განვითარების პროგრამის ნაწილია, რომელიც ანაკლიის განვითარების კონსორციუმის (ანაკლიის პორტის) და USAID-ს „ზრდა“ პროექტის ერთობლივი ინიციატივით შეიქმნა და ანაკლიისა და მეზობელი სოფლების ეკონომიკურ განვითარებას ისახავს მიზნად. პროექტის ამოცანაა რეგიონში მიკრო, მცირე და საშუალო ბიზნესისთვის ხელის შეწყობა, რეგიონისთვის მოთხოვნადი კვალიფიციური სამუშაო ძალის შექმნა და ადგილობრივი ინფრასტრუქტურის განვითარება.
Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერის მოადგილე ბესიკ ჭეჟია, სამეგრელო-ზემო სვანეთის სახელმწიფო რწმუნებულის მოადგილე ლუდუკ ხასიასთან და მაჟორიტარ დეპუტატებთან ერთად, ალერტკარის, ჭკადუაშის, ჭაქვინჯისა და ხეცერას ადმინისტრაციულ ერთეულებში მიმდინარე ინფრასტრუქტურულ სამუშაოებს გაეცნო.
ზუგდიდის მუნიციპალიტეტის ცაცხვის ადმინისტრაციულ ერთეულში მდებარე კოლხურ სამაროვანზე (ე. წ. ,,ცაიშის სამაროვანი“) ზუგდიდის მუნიციპალიტეტის მერიის დაფინანსებით საველე არქეოლოგიური კვლევა-ძიება მიმდინარეობს (ექსპედიციის ხელმძღვანელი, ისტორიის დოქტორი რ. პაპუაშვილი).
ანაკლიასა და განმხურუში ტურისტული სეზონი აქტიურ ფაზაშია.
კორონავირუსი
ბოლო სტატისტიკის თანახმად, 7 აგვისტოდან 14 აგვისტოს ჩათვლით საქართველოში კორონავირუსი 12 338 ადამიანს დაუდასტურდა, მათგან 1 094 სამეგრელო-ზემო სვანეთში მცხოვრებია. გარდაიცვალა ვირუსით ინფიცირებული 6 პაციენტი.
დე ფაქტო აფხაზეთის ჯანდაცვის სამინისტროს პრესსამსახურის ინფორმაციით, ბოლო ორი დღის განმავლობაში კორონავირუსით ორი ადამიანი 87 და 37 წლის მამაკაცი გარდაიცვალა.
1-ელიდან 8 აგვისტოს ჩათვლით აფხაზეთის დე პარტო რესპუბლიკაში კორონავირუსით ინფიცირების 312 შემთხვევა დადასტურდა.
საზოგადოება
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
საქართველოს მთავრობის დადგენილებით პირველი აგვისტოდან ქორწინების რიტუალის საზეიმო ვითარებაში ჩატარება იუსტიციის სახლის ფილიალში ან საზოგადოებრივ ცენტრში 75 ლარი ეღირება.
ზუგდიდში გამომცემლობა "ინტელექტის" ორგანიზებით 16 და 17 ივლისს წიგნების პრეზენტაცია გაიმართება. სტუმრებს საშუალება ექნებათ ავტორებს - მარი მალაზონიასა და ნესტან ნენე კვინიკაძეს შეხვდნენ და მათ კითხვები დაუსვან.
დღის სიახლეები
19 / აგვისტო 2022
აზიური ფაროსანა, სოკოვანი დაავადებები, უამინდობა - ეს ის ბუნებრივი მოცემულობაა, რომელთანაც გამკლავება მეთხილე ფერმერებს უწევთ.
19 / აგვისტო 2022
გამოძიება იმავე ეტაპზეა, ძებნაზეა დასმული და ისევ ვეძებთ. მეტი ახალი არაფერი არ გვაქვს, სამწუხაროდ, - ასე უპასუხა შს მინისტრმა ვახტანგ გომელაურმა ჟურნალისტების კითხვას "საქართველოს ბანკზე" თავდასხმაში ბრალდებული ბადრი ესებუას შესახებ.
19 / აგვისტო 2022
ყოფილი პრემიერ-მინისტრის გიორგი გახარიას პარტია "საქართველოსთვის" სენაკის რაიონული სასამართლოს გადაწყვეტილებას, რომლის თანახმადაც, მუნიციპალიტეტის საკრებულოს თავმჯდომარე აღარ ჰყავს, გაასაჩივრებს.
დილის ჩართვა
მთავარი საინფორმაციო გამოშვება
არქივი
ამინდი
ზუგდიდი 25 °C
img
სოხუმი 26 °C
img
ფოთი 27 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.