ახალი ამბები
სამეგრელოში აჯიკის სახლის მოწყობა იგეგმება
ზუგდიდის ტექნოპარკში სამეგრელო-ზემო სვანეთის დანიშნულების ადგილის მართვის ორგანიზაციამ სამოქმედო გეგმის პრეზენტაცია გაიმართა. შეხვედრაზე ტურიზმის განვითარების სხვადასხვა მიმართულებებზე ისაუბრეს, მათ შორის, ერთ-ერთი კულინარია იყო. 

DMO-ს ხელმძღვანელის ლევან წულაიას თქმით, სამეგრელოში იგეგემება აჯიკის სახლის მოწყობა, სადაც ტურისტები და სხვა დაინტერესებული პირები აჯიკის მომზადებას ისწავლიან. ამასთან, ადგილზე მათ სხვადასხვა მეგრული კერძების დაგემოვნება შეეძლებათ.

„სამეგრელოში გასტროტურიზმის განვითარება ერთ- ერთი მნიშვნელოვანია. ეს შეიძლება განვავითაროთ აჯიკის სახლის მოწყობით და ასევე სხვადასხვა პროექტით, მაგალითად, "სტუმრად ბებოსთან", "თავგადასავლები მწყემსებთან"... ეს ნიშნავს იმას, რომ მიდიხარ სოფელში, რომელიმე ოჯახში და იღებ მისგან უნიკალურ სტუმარ-მასპინძლობას და განსაკუთრებულ მეგრულ კულინარიას აგემოვნებ. ასევე, მნიშვნელოვანია განხორციელდეს ადგილობრივ მწარმოებლებთან ვიზიტები“, - აღნიშა წულაიამ. 

აღნიშნულ იდეას გასტრონომიული კულტურის მკვლევარი, GIPA -ს და თსუ-ს პროფესორი დალი ცატავა გამოეხმაურა. მისი თქმით, გასტროტურიზმის განვითარება მნიშვნელოვანია და ამისთვის სამეცნიერო წრეებთან თანამშრომლობა აუცილებელია. 

„თუ ტურისტს ვასწავლით აჯიკის მომზადებას, ეს უნდა იყოს ავთენტური. ორი ტიპის გასტროტურიზმი არსებობს. ტურისტს აინტერესებს, რას ნიშნავს აჯიკა, როგორ მზადდება ის, ავთენტური გემო და თუ რა რიტუალში მონაწილეობს აჯიკა. აჯიკასთან ბმაში ათასი კერძის მომზადება შეიძლება“, - თქვა დალი ცატავამ.

DMO მომავალი წლიდან სხვადასხვა ფესტივალის ჩატარებას, მათ შორის, მარულა/ბაზიერობისა და "კუჩხას" ჩატარებას გეგმავს. შესაბამისი სტრატეგია ორგანიზაციამ საზოგადოებას დღეს წარუდგინა.

Print Email
FaceBook Twitter
რ ე კ ლ ა მ ა
26 მაისს, ზუგდიდში, საქართველოში ყველაზე დიდი აუთლეტ კონცეფციის მაღაზიათა ქსელი "ნავნეს" ახალი ფილიალი გაიხსნა.
ზუგდიდში, სოციალური სახლები ახალი დიზაინით აშენდება.
ზუგდიდში, საქართველოს დამოუკიდებლობის დღისადმი მიძღვნილი ღონისძიებები გაიმართა.
საზოგადოება
საქართველოს პატრიარქის 2023 წლის საშობაო ეპისტოლე გამოქვეყნდა, რომელსაც სრულად გთავაზობთ:
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
დღის სიახლეები
29 / მაისი 2023
აფხაზეთის დე ფაქტო რესპუბლიკის "პრეზიდენტი" ასლან ბჟანია სოხუმის აეროპორტის აღდგენის გეგმების კომენტირებისას რუსეთსა და საქართველოს შორის საჰაერო მიმოსვლის აღდგენას გამოეხმაურა. ამის შესახებ "ეხო კავკაზა" წერს.
29 / მაისი 2023
უკრაინაში რუსეთის მხარეს მებრძოლი აფხაზი მოხალისის დაურ ჭყონიას ცხედარი აფხაზეთში გადაასვენეს. ინფორმაციას დე ფაქტო რესპუბლიკის "საგანგებო სიტუაციების სამინისტრო" ავრცელებს. 35 წლის მამაკაცი
29 / მაისი 2023
26 მაისს, ზუგდიდში, საქართველოში ყველაზე დიდი აუთლეტ კონცეფციის მაღაზიათა ქსელი "ნავნეს" ახალი ფილიალი გაიხსნა.
მთავარი საინფორმაციო გამოშვება
არქივი
ამინდი
ზუგდიდი 27 °C
img
სოხუმი 23 °C
img
ფოთი 24 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.