ახალი ამბები
ზუგდიდში ღვთისმშობლის ფრესკის შესაძლო აღმართვაზე შეხვედრა გაიმართა (ვიდეო)
ზუგდიდში, თავისუფლების მოედანზე ღვთისმშობლის ფრესკის აღმართვასთან დაკავშირებით შეხვედრა გაიმართა. პროექტის მიხედვით, მოზაიკური ფრესკის მთლიანი ზომა 6,7 X 3,7 მეტრია. როგორც შეხვედრაზე ითქვა, მაკეტი ქართველმა და უცხოელმა სპეციალისტებმა შეიმუშავეს და ის საპატრიარქომ მოიწონა. ამასთან, ისაუბრეს, თუ რატომ უნდა აღიმართოს ფრესკა აღნიშნულ ტერიტორიაზე და რა მნიშვნელობა აქვს მას ქალაქისთვის.

„გამომდინარე იქიდან, რომ ჩვენ ადრე თუ გვიან უნდა დავბრუნდეთ აფხაზეთში და ეს არის სოხუმისკენ მიმავალი გზა, დედა ღვთისმშობელი დალოცავს იმ ადამიანებს, რომლებიც ჩვენ მშვიდობიანად დაგვაბრუნებენ ჩვენს ძირძველ ტერიტორიებზე“, - აღნიშნა პროექტის წარდგენისას ეპარქიის მდივანმა მამა დიმიტრი ვეკუამ.

პროექტის პრეზენტაციის შემდეგ დამსწრეებმა საკუთარი მოსაზრებები დააფიქსირეს. აღსანიშნავია, რომ მათგან რადიკალურად განსხვავებული და საწინააღმდეგო მოსაზრება არავის გამოუხატავს.

მოქალაქე ხატია ჯანაშიას თქმით, მოედანზე ფრესკის განთავსების საკითხი არც კი უნდა განიხილებოდეს. მან წუხილი გამოთქვა იმასთან დაკავშირებით, რომ საზოგადოების გარკვეულმა ნაწილმა საწინააღმდეგო მოსაზრება სხვადასხვა სივრცეში გამოხატა.

„ითქვა, რომ ფრესკის აღმართვა ხელს შეუშლის სხვადასხვა ღონისძიების ჩატარებას. ვთვლი, რომ იმ ადგილას არც კი უნდა ტარდებოდეს ისეთი კონცერტი, რომელიც ეწინააღმდეგება ღვთისმშობელს. კონცერტებისთვის გვაქვს ძალიან კარგი ადგილი და ეს სკეიტ პარკია“, - აღნიშნა ჯანაშიამ.

მან სიტყვის ბოლოს დამსწრეებს მიმართა და საკუთარი მოსაზრებების დაფიქსირება ხელის აწევით სთხოვა. შეკრებილებმა პროექტს ერთხმად დაუჭირეს მხარი.

მოძრაობა „სამეგრელოს ხმის“ ლიდერმა სიტყვით გამოსვლისას თქვა, რომ ის მიესალმება მოზაიკური ფრესკის მოედანზე აღმართვას.

„მაგრამ მას შემდეგ, რაც ღვთისმშობლის ფრესკა აღიმართება, ჩემთვის მიუღებელი იქნება იმ ადგილას აქციებისა და მიტინგების ჩატარება. ვფიქრობ, რომ დროთა განმავლობაში იმ ტერიტორიიდან პოლიტიკურ-გასტრონომიული კლიმატი - მაკდონალდსი და გუბერნია უნდა გადავიდეს სხვა ადგილას“, - თქვა ჯგუშიამ.

საზოგადოება „ზუგდიდელის“ წევრი ვაჟა ფიფია თვლის, რომ მას შემდეგ, რაც იქ ფრესკა აღიმართება, თავისუფლების მოედანს სახელი უნდა გადაერქვას და მას ღვთისმშობლის მოედანი უნდა ეწოდოს.

შეხვედრის ბოლოს შეკრებილებს ზუგდიდისა და ცაიშის ეპარქიის მიტროპოლიტმა მეუფე გერასიმემ მიმართა და პროექტის მხარდაჭერისთვის მადლობა გადაუხადა. მეუფე გერასიმემ აღნიშნული იდეის განხორციელების მნიშვნელობაზე ისაუბრა და ასევე ხაზი გაუსვა რელიგიური ტურიზმის განვითარებას.
„გამომდინარე იქიდან, რომ ღვთისმშობლის წილხვედრი ქვეყანაა საქართველო, ამ ქალაქს უკავშირდება ყოვლადწმინდა ღვთისმშობელი, ამიტომაც ითქვა ასეთი მოსაზრება, რომელიც მოიწონა საპატრიარქოს ხუროთმოძღვრების სამსახურმა. აღიმართება თუ არა ქალაქის მთავარ მოედანზე ღვთისმშობლის ფრესკა, საბოლოოდ ადგილობრივმა თვითმმართველობამ უნდა გადაწყვიტოს“, - აღნიშნა მეუფემ.

თემის განხილვას სასულიერო პირები, ადგილობრივი ხელისუფლების წარმომადგენლები, საზოგადოება "ზუგდიდელის" წევრები და მრევლი ესწრებოდა.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 12 °C
img
ფოთი 14 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.