ახალი ამბები
ზუგდიდის ოთხ სკოლაში პირველკლასელთა რეგისტრაციის ლიმიტი მალევე შეივსო
პირველკლასელთა საყოველთაო რეგისტრაციის მესამე ეტაპზე ზუგდიდის პირველ, მეორე, მესამე და მეოთხე საჯარო სკოლებში დარჩენილი ადგილები მალევე შეივსო. მათ შორის ყველაზე სწრაფად ამოიწურა ლიმიტი მერაბ კოსტავას სახელობის მეორე საჯარო სკოლის 5 თავისუფალ ადგილზე. სკოლის დირექტორის, ნინო ბულიას განმარტებით არსებული 75 ადგილიდან 70 რეგისტრაციის პირველ და მეორე ეტაპებზე შეივსო.

"ძალიან დადებითია, რომ სკოლასთან რეგისტრაციის პროცესს არ აქვს შეხება - მშობლები თავად არეგისტრირებენ ბავშვს. სამი პარალელი გვქონდა, რაც 75 ადგილს გულისხმობს. პირველი ეტაპზე, რომელიც სპეციალური საგანმანათლებლო საჭიროებების მქონე მოსწავლეებისთვის ცხადდება, 2 მოსწავლე დარეგისტრირდა, მეორე ეტაპზე კი მოგეხსენებათ, რეგისტრირდებიან ის პირველკლასელები, რომელთა და-ძმა უკვე სწავლობს ამ სკოლაში ან მშობელი არის სკოლის თანამშრომელი. სწორედ ამ ეტაპზე დარეგისტრირდა ყველაზე დიდი რაოდენობა და დაგვრჩა მხოლოდ 5 ადგილი, რომელიც ამ დილით წამებში შეივსო", - ამბობს ნინო ბულია.

მისივე თქმით, ამ ეტაპზე რთული სათქმელია, მოხდება თუ არა მეორე სკოლაში კიდევ ერთი კლასის დამატება, რადგან ასეთ გადაწყვეტილებებს სამინისტრო იღებს. 

30 წამამდე დროში შეივსო აკაკი წერეთლის სახელობის პირველ საჯარო სკოლაში დარჩენილი 31 ადგილიც. მისი დირექტორი, ნინო გოგინავა მიიჩნევს, რომ ეს მაღალმა მოთხოვნამ განაპირობა.

"რეკავენ, ნერვიულობენ მშობლები, ადამიანურად ძალიან ძნელია. მით უმეტეს, როცა მშობელი შენ გირჩევს, უნდა რომ შვილი მოგაბაროს, ამის შესაძლებლობა კი ამოწურულია, რა თქმა უნდა ძალიან სამწუხაროა. თან ამას ვერაფრით ვშველით", - თქვა მან.

მისივე განმარტებით, პირველ სკოლაში კლასის დამატება არ იგეგმება, რადგან სასწავლო დაწესებულებას შესაბამისი სივრცე არ გააჩნია. 

35-40 წამში ამოიწურა მეოთხე საჯარო სკოლის ქართული სექტორზე გათვლილი 39 ადგილიც, რუსული სექტორის დაკომპლექტებამ კი 10 წუთამდე გასტანა. ამის შესახებ დირექტორმა ნათია ხუფაცარიამ რადიო "ათინათს" უთხრა.

"ფიზიკურად ვერ მოხდება კიდევ ერთი კლასის დამატება, რადგან რაოდენობა არ გვაქვს ოთახების. როგორც მე მითხრეს, რეგისტრაციის დაწყებიდან 35-ე წამზე უკვე ამოწურული იყო ჩვენი ადგილებიც", - თქვა მან. 

რაც შეეხება მესამე საჯარო სკოლას, დირექტორის ლევან ღურწკაიას ინფორმაციით, 54 ადგილიანი ლიმიტი დაახლოებით 10 წუთში ამოიწურა. 

პირველკლასელთა რეგისტრაციის IV ეტაპი 24 ივნისიდან 10 ივლისის ჩათვლით განხორციელდება. ამ ეტაპზე გამოთავისუფლებულ ვაკანტურ ან დარჩენილ თავისუფალ ადგილებზე იმ მოსწავლეების რეგისტრაცია მოხდება, რომლებიც ვერ დარეგისტრირდნენ I, II და III ეტაპებზე, ან სურთ რეგისტრაციის შეცვლა.
Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი საარჩევნო კამპანიის ფარგლებში მოსახლეობასთან შეხვედრებს განაგრძობს.
საქველმოქმედო ჰუმანიტარული ცენტრი "აფხაზეთი" (CHCA) 28 ოქტომბერს ზუგდიდში, ბოტანიკური ბაღის მიმდებარე ტერიტორიაზე დასაქმების ფესტივალს გამართავს.
ცქვიტიშვილების უბანში საავტომობილო გზის რეაბილიტაცია დაიწყო. პანდემიის მიუხედავად ჩხოროწყუს მუნიციპალიტეტში საგზაო ინფრასტრუქტურის მოწყობა არ შეჩერებულა.
კორონავირუსი
რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 358 ნიმუშიდან 69 -ზე დადებითი პასუხია.
რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 223 ნიმუშებიდან 66-ზე დადებითი პასუხია.
დღეს ქუთაისის ინფექციურ საავადმყოფოში კორონავირუსით ინფიცირებული ორი პაციენტი გარდაიცვალა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
23 / ოქტომბერი 2020
ზუგდიდში წუხელ, გვიან ღამით ბენზინგასამართი სადგური დააყაჩაღეს. არსებული ინფორმაციით, ორმა ნიღბიანმა, დაახლოებით, 2000 ლარამდე თანხა წაიღო.
23 / ოქტომბერი 2020
რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 358 ნიმუშიდან 69 -ზე დადებითი პასუხია.
23 / ოქტომბერი 2020
ზუგდიდის მაჟორიტარობის კანდიდატის „ქართული ოცნებიდან“ ირაკლი ჩიქოვანის შეფასებით, ბანკის ყაჩაღობის საქმესთან დაკავშირებული სპეცოპერაცია იყო ძალიან წარმატებული
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 21 °C
img
ფოთი 22 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.