ახალი ამბები
გეგა შენგელია წითლიძის ბრალდებებზე: ენმ-მ მორიგი ფარსი შემოგვთავაზა
"ვურჩევდი, სანამ მსგავსი საკითხებით დაკავდება, საკრებულოს სხდომებს დაესწროს და უფრო კომპეტენტური განცხადებები გააკეთოს", - ასე უპასუხა ზუგდიდის მერმა ენმ-ის წევრის ბრალდებებს "ვისოლ ჯგუფთან" კორუფციულ გარიგებაში მონაწილეობის შესახებ. როგორც გეგა შენგელიამ ჟურნალისტებს უთხრა მსგავს გადაწყვეტილებებს მერი ერთპიროვნულად არ იღებს და ეს საკრებულოს პრეროგატივაა.   

"ენმ-ის აქტივისტმა მორიგი ფარსი შემოგვთავაზა, სარჩელი შეიტანა პროკურატურაში, რაც ერთ კონკრეტულ საქმეს უკავშირდება. ის საკრებულოს წევრია და მინიმუმ ის მაინც უნდა იცოდეს, რომ ასეთ გადაწყვეტილებებს მერი არ იღებს ერთპიროვნულად. რაც შეეხება მშენებლობას, გადაწყვეტილება მიიღება საკრებულოს მიერ, მხოლოდ შემდეგ ხდება მერიის მხრიდან ამ გადაწყვეტილებების აღსრულება. ვურჩევდი, სანამ მსგავსი საკითხებით დაკავდება, საკრებულოს სხდომებს დაესწროს და უფრო კომპეტენტური განცხადებები გააკეთოს", - თქვა გეგა შენგელიამ.

მან "ვისოლ ჯგუფის" შვილობილ კომპანიასთან დადებული ხელშეკრულების დეტალებზეც გააკეთა განმარტება. 

"კომპანია "ვენჯორჯიას" ჰქონდა ვალდებულება, ზუგდიდის ცენტრში აეშენებინა კომერციული ფართი გარკვეულ ვადაში, რაც ამ ვერ განახორციელა და ჩვენ მიერ მოხდა ამ ვადის გაგრძელება. ამის სანაცვლოდ, კომპანიამ გადაიხადა 200 000 ლარი და წარმოადგინა საინვესტიციო ვალდებულების ანუ მილიონ-ნახევარი დოლარის 20%-ის, 300 000 დოლარის საბანკო გარანტია, რაც მუნიციპალიტეტის შემოსავალში მიემართება უმალ, იმ შემთხვევაში თუ კომპანია ვერ განახორციელებს ნაკისრ ვალდებულებებს, იმ ვადებში, რა ვადებშიც უნდა მოხდეს ამის გაკეთება. აღნიშნულით, მუნიციპალიტეტმა დამატებითი შემოსავალი მიიღო 200 ათასი ლარის სახით და გაიმყარა პოზიცია იმ შემთხვევაში თუ კომპანიას გაუჭირდება ვალდებულების შესრულება. აღნიშნულ ქმედებას ნაც მოძრაობა უწოდებს კანონდარღვევას და ხედავს კორუფციულ გარიგებას. მსგავსი კორუფციული გარიგებების შიში მათი აზრით ძალიან ბევრი იქნება, რაც უფრო ახლოვდება არჩევნების პერიოდი, მაგრამ მე დარწმუნებული ვარ, რომ ქართველი ხალხი კიდევ ერთხელ ეტყვის ამ სიცრუეს უარს და გააკეთებს ნორმალურ არჩევანს", - აღნიშნა ზუგდიდის მერმა. 

ერთიანი ნაციონალური მოძრაობის ადგილობრივი ორგანიზაციის თავმჯდომარემ გეგა შენგელიას წინააღმდეგ სარჩელი პროკურატურაში შეიტანა. ანი წითლიძე ზუგდიდის მერს "ვისოლ ჯგუფის" დამფუძნებელთან სოსო ფხაკაძესთან კორუფციულ გარიგებაში ადანაშაულებს. ის ამბობს, რომ შენგელიამ "ვისოლის" შვილობილი კომპანია ყველა ვალდებულებისგან გაათავისუფლა და ნაკვეთს, რომელზეც ხელშეკრულების ფარგლებში ნაკისრი ვალდებულებით საერთაშორისო ბრენდის რესტორანი უნდა აშენებულიყო, სტატუსი შეუცვალა.

საუბარია ზუგდიდში, კედიას ქუჩაზე, სახანძროს ყოფილი შენობის ტერიტორიაზე არსებულ ნაკვეთზე, რომელიც საჯარო რეესტრის მონაცემებით შპს ''ზუგდიდი პალასის'' მფლობელობაშია.
Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერიის ჯანდაცვის კომისიამ, 1 მცირეწლოვანს სასმენი აპარატის შეძენა 15 000 ლარით დაუფინანსა. აღნიშნული პროგრამა, მუნიციპალიტეტის მერიას წელს დაემატა.
ზუგდიდში წყალმომარაგების სამუშაოების დროს დაზიანებული ქუჩების რეაბილიტაცია აქტიურად მიმდინარეობს. ამჯერად, სარეაბილიტაციო სამუშაოები ბაკურიანის ქუჩას უტარდება.
ზუგდიდის მუნიციპალიტეტის მერი გიორგი შენგელია, მერის მოადგილე კონსტანტინე კაკავა, საგანმანათლებლო რესურსცენტრის ხელმძღვანელი კახაბერ ფარცვანია და მერიის განათლების განყოფილების წარმომადგენლები იმ პედაგოგებს შეხვდნენ,
კორონავირუსი
ზუგდიდის საზოგადოებრივი ჯანდაცვის ცენტრის ინფორმაციით, გუშინ ინფექციური საავადმყოფოს ლაბორატორიაში 255 პირის ბიოლოგიური ნიმუში გაიტესტა. მათ შორის არიან რეგიონში არსებული ცხელების კლინიკების პაციენტები, მედპერსონალი,
სამეგრელო-ზემო სვანეთის სამხარეო ადმინისტრაციის ინფორმაციით, ანაკლია-განმუხურის საკარანტინო სივრცეში ამ დროისთვის 91 პირი იმყოფება. 35 პირი კი თვითიზოლაციაშია. ამავე ცნობით, სულ ეპიდზედამხედველობა 2011 პირზე დამყარდა.
რუხის მრავალპროფილურ კლინიკაში კოვიდ-დადასტურებული ბოლო პაციენტი გამოჯამნრთელდა. სამეგრელო - ზემო სვანეთს
საზოგადოება
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
2020 წლის ერთიანი ეროვნული გამოცდები 6 ივლისს დაიწყება და 25 ივლისს დასრულდება. დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების შესაბამისად,
დღის სიახლეები
02 / ივლისი 2020
სვანეთში 25-29 ივლისს მოკლემეტრაჟიანი ფილმების საერთაშორისო ფესტივალი ჩატარდება. ინფორმაციას ამის შესახებ საკუთარ ფეისბუქ გვერდზე კინორეჟისორი და ფესტივალის დამფუძნებელი მარიამ ხაჭვანი აქვეყნებს.
02 / ივლისი 2020
ზუგდიდში, ე.წ. კომბინატის მოსახლეობის ნაწილი ცემენტის ქარხნის შესაძლო მშენებლობას ეწინააღმდეგება. ადგილობრივების თქმით,
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 24 °C
img
სოხუმი 25 °C
img
ფოთი 25 °C
img
მესტია 19 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.