ახალი ამბები
ალექსანდრე მოწერელიამ სამეგრელო-ზემო სვანეთის სახელმწიფო რწმუნებულის თანამდებობაზე მუშაობის ანგარიში წარადგინა
ზუგდიდის ტექნოპარკში ​სამეგრელო-ზემო სვანეთის სახელმწიფო რწმუნებულმა 2 წლიანი მუშაობის ანგარიში წარადგინა. ალექსანდრე მოწერელიამ ყურადღება გაამახვილა თანამდებობაზე მისი ყოფნის პერიოდში მიღწეულ მნიშვნელოვან საკითხებზე, მათ შორის ინფრასტრუქტურულ პროექტებზე, რომელთა განხორციელებაც ორი წლის განმავლობაში მოხდა.

ერთ-ერთ ასეთ საკითხად სახელმწიფო რწმუნებულმა სამეგრელო-ზემო სვანეთის "პერიფერიული საზღვაო რეგიონების კავშირ "CPMR"-ში (Conference of peripheral maritime regions) გაწევრიანება დაასახელა. მისი განმარტებით, "CPMR" წარმოადგენს საზღვაო რეგიონების კავშირს, რომელიც აერთიანებს 24 ქვეყნის 150 რეგიონს, როგორც ევროკავშირიდან, ასევე მის ფარგლებს გარეთ და მხარს უჭერს წევრი რეგიონების განვითარებას. 

"საფუძველი ჩავუყარეთ რეგიონში საზღვაო სასწავლებლის ჩამოყალიბების საკითხს. დღეს ინტენსიურად მიმდინარეობს სასწავლებლის რეაბილიტაციის სამუშაოები. 1000-ზე მეტ, როგორც ადგილობრივ, ასევე საერთაშორისო სტუდენტს საშუალება ექნება მიიღოს შესაბამისი განათლება და კვალიფიკაცია“, - აღნიშნა მან.

გუბერნატორის თქმით, ორი წლის განმავლობაში სამეგრელო-ზემო სვანეთში 3000-მდე ინფრასტრუქტურული პროექტი განხორციელდა. მათ შორის, სოფლის მხარდაჭერის პროგრამის ფარგლებში მოსახლეობის მიერ არჩეული 1061 პროექტი.

"რეგიონის მასშტაბით დაიგო და რეაბილიტირდა 362 კილომეტრი საავტომობილო გზა, აშენდა 12 და რეაბილიტაცია ჩაუტარდა 9 ხიდს. წყალმომარაგების, წყალარინების და გამწმენდი ნაგებობების მასშტაბური პროექტები ხორციელდება ზუგდიდში, ფოთში, მესტიაში, აბაშაში, ჯვარსა და ანაკლიაში. ნაპირსამაგრი სამუშაოები განხორციელდა 17 ობიექტზე. სამელიორაციო სამუშაოების კუთხით, მოწესრიგდა 2693 ჰექტარი მიწა. ორი წლის განმავლობაში, გაზიფიცირდა 70 სოფელი. დამატებით მიმდინარეობს სამუშაოები და სატენდერო პროცედურები 12 ობიექტზე. მრავალბინიანი საცხოვრებელი ეზოების და ფასადების კეთილმოწყობის კუთხით განხორციელდა 10 პროექტი, დასრულდა 8 სკვერისა და პარკის მოწყობა.  ჯანდაცვის და სოციალური დაცვის მიმართულებით განხორციელდა სხვადასხვა პროექტები. გაიხსნა რუხის საავადმყოფო და კლინიკა ამჟამად კორონავირუსთან ბრძოლის საქმიანობაშია ჩართული. აშენდა 26 და რეაბილიტირდა 23 ამბულატორია. ზუგდიდში მძიმე საცხოვრებელ პირობებში მყოფ 26 სოციალურად დაუცველ ოჯახს ახალი სახლი აუშენდა. აშენდა გადაუდებელი დახმარების 8 ცენტრი, დასრულების ეტაპზეა კიდევ 1 ცენტრის მშენებლობა. პროექტები განხორციელდა განათლების სფეროში: ფოთში, ბათუმის საზღვაო აკადემიის ფილიალის მშენებლობა მიმდინარეობს. რომელიც 1000 სტუდენტზე იქნება გათვლილი. დასრულდა 3 და მიმდინარეობს 11 საბავშვო ბაღის მშენებლობა. მიმდინარეობს 10 საჯარო სკოლის მშენებლობა. სხვადასხვა სარეაბილიტაციო სამუშაოები ჩაუტარდა 100-ზე მეტ სკოლას. განახლდა საზოგადოებრივი ტრანსპორტი, 2019 წელს 15 ახალი ავტობუსი შეიძინა ზუგდიდის მუნიციპალიტეტმა. მიმდინარე წელს კი 25 ახალი ავტობუსი ზუგდიდს, ხოლო 10 ავტობუსი ფოთს გადაეცემა", - თქვა სახელმწიფო რწმუნებულმა.  

მან ასევე ხაზი გაუსვა ახალგაზრდების ხელშეწყობის მნიშვნელობას და ჯანსაღი ცხოვრების წესის პოპულარიზაციას, რისთვისაც მოწერელიას თქმით ინტენსიურად მიმდინარეობს სპორტული ობიექტების მშენებლობა-რეაბილიტაცია.

ალექსანდრე მოწერელია, რომელიც სამეგრელო-ზემო სვანეთის გუბერნატორი 2018 წლის აგვისტოდანაა, 2020 წლის საპარლამენტო არჩევნებში მმართველი გუნდის მაჟორიტარი დეპუტატობის კანდიდატია მარტვილის, აბაშის, ჩხოროწყუსა და წალენჯიხის გაერთიანებულ საარჩევნო ოლქში. როგორც მან დღეს ანგარიშის წარდგენამდე განაცხადა, თანამდებობას 1 აგვისტოდან დატოვებს, მხარის ახალი რწმუნებულის დანიშვნამდე გუბერნატორის მოვალეობას კი მისი პირველი მოადგილე მალხაზ თორია შეასრულებს.
Print Email
FaceBook Twitter
რ ე კ ლ ა მ ა
განმუხურში, ჭავჭავაძის ქუჩაზე, გზის რეაბილიტაციის მეორე ეტაპი მიმდინარეობს.
ზუგდიდის მუნიციპალიტეტს, ამერიკის შეერთებული შტატების ევროპული სარდლობის ჰუმანიტარული დახმარების პროგრამის ფარგლებში, მუნიციპალიტეტში მცხოვრები შეზღუდული შესაძლებლობების მქონე პირების მხარდასაჭერად 3 ადაპტირებული მიკროავტობუსი გადაეცა.
ზუგდიდის მუნიციპალიტეტის მერიის განათლების, ძეგლთა დაცვის, კულტურის, სპორტისა და ახალგაზრდულ საქმეთა სამსახურის, განათლების განყოფილების განსაკუთრებული ნიჭის მქონე ახალგაზრდებისა და ბავშვთა ფინანსური ხელშეწყობის პროგრამის უზრუნველყოფის კომისიამ მორიგ სხდომაზე 12 ნიჭიერი ახალგაზრდის ფინანსური ხელშეწყობის გადაწყვეტილება მიიღო.
კორონავირუსი
დაავადებათა კონტროლის ეროვნული ცენტრის ცნობით, საქართველოში 1 კვირის განმავლობაში კორონავირუსის 11 802 შემთხვევა გამოვლინდა.

საზოგადოებრივ ტრანსპორტში პირბადის გამოყენება სავალდებულო აღარ იქნება. ამის შესახებ საქართველოს ჯანდაცვის მინისტრის მოადგილემ, თამარ გაბუნიამ განაცხადა. მისი თქმით, პირბადის გამოყენება კვლავ სავალდებულო

30 მაისიდან 5 ივნისის ჩათვლით საქართველოში კორონავირუსით ინფიცირების 511 ახალი შემთხვევა დაფიქსირდა, გარდაიცვალა კიდევ 7 პაციენტი, - ამის შესახებ ინფორმაციას დაავადებათა კონტროლის ეროვნული ცენტრი
საზოგადოება
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
საქართველოს მთავრობის დადგენილებით პირველი აგვისტოდან ქორწინების რიტუალის საზეიმო ვითარებაში ჩატარება იუსტიციის სახლის ფილიალში ან საზოგადოებრივ ცენტრში 75 ლარი ეღირება.
ზუგდიდში გამომცემლობა "ინტელექტის" ორგანიზებით 16 და 17 ივლისს წიგნების პრეზენტაცია გაიმართება. სტუმრებს საშუალება ექნებათ ავტორებს - მარი მალაზონიასა და ნესტან ნენე კვინიკაძეს შეხვდნენ და მათ კითხვები დაუსვან.
დღის სიახლეები
08 / აგვისტო 2022
ზუგდიდში 12 აგვისტოს ველორბოლა გაიმართება. ღონისძიება 18 საათზე დაიწყება და მასში მონაწილეობის მისაღებად მსურველებმა რეგისტრაცია ონლაინ მარათონის დღის ჩათვლით უნდა გაიარონ.
08 / აგვისტო 2022
მომდევნო რამდენიმე დღის განმავლობაში დასავლეთ საქართველოში ცხელი და უმეტესად უნალექო ამინდი იქნება.
08 / აგვისტო 2022
2008 წლის რუსეთ-საქართველოს აგვისტოს ომიდან 14 წლისთავთან დაკავშირებით სამეგრელო-ზემო სვანეთის სახელმწიფო რწმუნებულმა და ადგილობრივი ხელისუფლების წარმომადგენლებმა ზუგდიდის ცენტრალურ პარკში აგვისტოს ომში დაღუპულთა მემორიალი გვირგვინით შეამკეს.
დილის ჩართვა
მთავარი საინფორმაციო გამოშვება
არქივი
«« აგვისტო 2022 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 29 °C
img
სოხუმი 26 °C
img
ფოთი 22 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.