ახალი ამბები
ზუგდიდელმა ბიზნესმენმა ბიძინა ივანიშვილის სახლთან აქცია გამართა
ბიზნესმენმა მანანა მიქავამ "ქართული ოცნების" თავმჯდომარის სახლთან აქცია გამართა. ის ბიძინა ივანიშვილთან შეხვედრას და ზუგდიდში, ნიკოლაძის ქუჩაზე მდებარე სადაო ნაკვეთის შესახებ განმარტებების მიღებას ითხოვდა. მიქავას მტკიცებით, მას სამეგრელო-ზემო სვანეთის საოლქო პროკურორმა, ილია ჯალაღანიამ უთხრა, რომ აღნიშნული ტერიტორიით ივანიშვილია დაინტერესებული. მისივე თქმით, სწორედ ამიტომ სურდა მას მმართველი პარტიის თავმჯდომარესთან შეხვედრა და მისგან სიმართლის გაგება.

"არავინ შეგვხვედრია, ივანიშვილის სახლის წინ ვიყავით და გავაკეთეთ განცხადებები. პროკურორის, ილია ჯალაღანის ნათქვამის გარკვევა მინდოდა. მე მას მაშინაც დავპირდი, რომ ამას მოვიკითხავდი და კიდევაც იცით, რომ მოვდიოდი ფეხით, მაგრამ ვერ მოვახერხე ჯანმრთელობის გამო. ვითხოვ მოაშორონ კრიმინალები ზუგდიდს, ასევე თუ ეს ტყუილია, პასუხი მოეთხოვოს ილია ჯალაღანიას", - ამბობს მიქავა. 

მისივე ინფორმაციით, დღეს თავის იურისტთან ერთად საქართველოს გენერალურ პროკურატურაში მისვლას და გენერალური ინსპექციის წარმომადგენლებთან შეხვედრას გეგმავს. 

"გენპროკურატურაში დიდი ხანია შესულია ჩვენი საჩივარი. მე ვიკითხებოდი 4 საათის განმავლობაში. მოგეხსენებათ, მივიღეთ შეტყობინება, რომ ის 2 წლიანი გამოძიება, ილია ჯალაღანიამ, რომ ვითომ დახურა და გამოიძია, დასრულდა. ამიტომ გადავწყვიტეთ დამატებითი დეტალების შესახებ გენინსპექციას მივაწოდოთ ინფორმაცია. კიდევ ერთხელ მოვითხოვოთ სასწრაფო წესით გამოიძინონ დანაშაული", - უთხრა რადიო "ათინათს" მიქავად ადვოკატმა ნანა ფირცხელევამ. 

ბიზნესმენი ზუგდიდში დაბრუნების შემდეგ პერმანენტულ აქციებს აანონსებს.

მიქავამ რამდენიმე კვირის წინ ზუგდიდის მერიის შენობაში საპროტესტო აქცია გამართა და იმ საბუთების წარდგენა მოითხოვა, რომლის მიხედვითაც მას სადაო მიწის ნაკვეთი ჩამოერთვა. ის ამბობს, რომ დოკუმენტაცია გაყალბებულია და მერიამ აღნიშნული ტერიტორია უსამართლოდ დაიკანონა. ის ამტკიცებს, რომ მიწის ნაკვეთის ნაწილი მერიას გარიგების საფუძველზე დაუთმო, მაგრამ ის მოატყუეს და ტერიტორია სრულად მიისაკუთრეს.

მანანა მიქავა ზუგდიდის ცენტრში, მდინარე ჩხოუშის ნაპირთან მდებარე 9 ათას კვადრატულ მეტრამდე ფართობზე, წლებია დაობს. მას ტერიტორია წინა ხელისუფლების დროს იჯარით 150 000 დოლარად გადაეცა. მიქავას 4 მილიონიანი ინვესტიცია უნდა განეხორციელებინა და აკვაპარკი უნდა აეშენებინა, თუმცა ვალდებულებები გარკვეული მიზეზების გამო ვერ შეასრულა და ხელშეკრულება გაუუქმეს.

აღნიშნული გადაწყვეტილება მიქავამ გაასაჩივრა, რის შემდეგაც ორივე ინსტანციის სასამართლომ, ბიზნესმენის საჩივარი ნაწილობრივ დააკმაყოფილა და საკრებულოს დაავალა ახალი ინდივიდუალური ადმინისტრაციული სამართლებრივი აქტის გამოცემა. მოგვიანებით, მერიამ მას ორთვიანი ვადა მისცა, თუმცა ბიზნესმენმა ვალდებულებები ისევ ვერ შეასრულა. საბოლოოდ, ტერიტორია ზუგდიდის მერიის ბალანსზე რჩება, რის გამოც მანანა მიქავა აქციებს პერიოდულად მართავს.

აღნიშნულ ნაკვეთთან დაკავშირებით ედავება გამოძიება ქრთამის აღებას ზუგდიდის ყოფილ მერსა და მის მოადგილეს.

ამავე თემაზე: 

ბიძინა ივანიშვილთან შესახვედრად ზუგდიდელი ბიზნესმენი თბილისში ფეხით ჩასვლას გეგმავს

ზუგდიდელი ბიზნესმენი აქციებს აანონსებს და ბიძინა ივანიშვილთან შეხვედრას ითხოვს 



Print Email
FaceBook Twitter
რ ე კ ლ ა მ ა
გაეროს 75-ე გენერალურ ასამბლეაზე საქართველოს პრემიერ მინისტრის მიმართვას ზუგდიდის მაჟორიტარი დეპუტატობის კანდიდატი ირაკლი ჩიქოვანი
ზუგდიდში ქართული ოცნების მაჟორიტარი დეპუტატობის კანდიდატი ირაკლი ჩიქოვანი დღეს სოფელ ჭაქვინჯში ახალგაზრდა მეწარმეს შეხვდა, რომელსაც 13 ჰექტარზე თხილი მოჰყავს
ზუგდიდის სკრინინგ ცენტრს საქართველოში ისრაელის საგანგებო და სრულუფლებიანი ელჩი რან გიდორი ეწვია და "მაშავის" ცენტრის მხარდაჭერით, გინეკოლოგიური და ქირურგიული ხელსაწყოები ჩეხეთის რესპუბლიკის კარიტასის მისიის ხელმძღვანელთან,
კორონავირუსი
სამეგრელო-ზემო სვანეთის სამხარეო ადმინისტრაციის ინფორმაციით ზუგდიდში ბოლო 24 საათის განმავლობაში კორონავირუსზე 673 პირის
საქართველოში კორონავირუსის 296 ახალი შემთხვევა დადასტურდა. ინფორმაცია ამის შესახებ მთავრობის სპეციალურ ვებგვერდზე stopcov.ge ცოტა ხნის წინ გამოქვეყნდა.
აფხაზეთის დე ფაქტო რესპუბლიკაში შექმნილი ოპერატიული შტაბის ინფორმაციით, ბოლო დღე-ღამის განმავლობაში გამოკვლეული 236 ბიოლოგიური ნიმუშიდან კორონავირუსი 68 პირს დაუდასტურდა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
26 / სექტემბერი 2020
ცოფთან ბრძოლის მსოფლიო დღესთან დაკავშირებით 27 სექტემბერს მთელი ქვეყნის მასშტაბით, მათ შორის ზუგდიდში შინაური ცხოველების უფასო ვაქცინაცია ჩატარდება.
26 / სექტემბერი 2020
პარტია "თავისუფალმა საქართველომ" სამეგრელოს ორ ოლქში მაჟორიტარი დეპუტატობის კანდიდატები წარადგინა.
26 / სექტემბერი 2020
სამეგრელო-ზემო სვანეთის სამხარეო ადმინისტრაციის ინფორმაციით ზუგდიდში ბოლო 24 საათის განმავლობაში კორონავირუსზე 673 პირის
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 27 °C
img
ფოთი 26 °C
img
მესტია 17 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.