ახალი ამბები
ზუგდიდში ივერი მელაშვილისა და ნატალია ილიჩოვას მხარდასაჭერი აქცია გაიმართა
საქართველო-აზერბაიჯანის საზღვრის საქმეზე დაკავებული ივერი მელაშვილისა და ნატალია ილიჩოვას მხარდასაჭერად ზუგდიდში აქცია გაიმართა. მისი მონაწილეები სახელმწიფო საზღვრის დელიმიტაციისა და დემარკაციის კომისიის ყოფილ წევრებს სოლიდარობას უცხადებენ და ამბობენ, რომ მათი დაკავება პოლიტიზებულია.


"ზოგადი მოთხოვნა რაც გაქვს, ეს არის სამართლიანი მართლმსაჯულება, სასამართლო და პროკურატურა, რომელიც არ უნდა იყოს პოლიტიზებული. რაც შეეხება ამ აქციის კონკრეტულ სათქმელს, ეს არის რომ სოლიდარობა გამოვუცხადოთ დაკავებულ კარტოგრაფებს, იმიტომ რომ ეს არ არის მხოლოდ ორი ადამიანის საქმე. ამ ადამიანების დაჭერით ხელისუფლება გვეუბნება, რომ ნებისმიერ დროს, როდესაც მას მოუნდება ბინძური პოლიტიკური თამაში, ნებისმიერი მოქალაქის დაკავება შეუძლია რაღაც საქმეების შეკერვით", - თქვა სამოქალაქო აქტივისტმა ცაბუნია ვართაგავამ. 

აქციის კიდევ ერთი მონაწილე, ილიას სახელმწიფო უნივერსიტეტის ლექტორი ალიკა კუპრავა კი ამბობს, რომ მსგავსი ფაქტი, იმ ფონზე როდესაც მოსაზღვრე ქვეყანა ომში არის ჩართული, არაკეთილმეზობლურია.

საქართველოს მოქალაქეებისთვის მცდარი წარმოდგენების შექმნისა და პოლიტიკური ოპონენტების დისკრედიტაციისაკენ მიმართულ ქმედებად მიიჩნევს კომისიის ყოფილი წევრების დაკავებას "საერთაშორისო გამჭვირვალობა - საქართველოს" რეგიონული წარმომადგენელი არჩილ თოდუა. 

"გამოძიების დაწყების დრო, წინასაარჩევნო კონტექსტი, გამოძიების პროცესში შერჩევითი მიდგომის ნიშნები და მმართველი პარტიის ლიდერების უდანაშაულობის პრეზუმფციის დარღვევით გაკეთებული პოპულისტური განცხადებები აჩენს ეჭვს, რომ გამოძიება პოლიტიკურ მოტივაციებს ემსახურება. მოვუწოდებთ საქართველოს ხელისუფლებას, რომ უზრუნველყოს ივერი მელაშვილისა და ნატალია ილიჩოვას სამართლიანი სასამართლო პროცესი და არ დაუშვას უდანაშაულო პირთა უფლებების დარღვევა. ასევე საქმეზე მაღალი საჯარო ინტერესის გათვალისწინებით, უზრუნველყოს საზოგადოების დროული ინფორმირება გამოძიების მსვლელობისა და შედეგების თაობაზე. გარდა ამისა, საქმეზე სასამართლოს საბოლოო გადაწყვეტილების მიღებამდე მკაცრად დაიცვას უდანაშაულობის პრეზუმფცია და აღნიშნული საკითხი პოლიტიკური მიზნებისთვის არ გამოიყენოს", - აღნიშნა არჩილ თოდუამ.

გენერალურმა პროკურატურამ სახელმწიფო უსაფრთხოების სამსახურთან თანამშრომლობით საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა 7 ოქტომბერს დააკავა. მათ ბრალი სისხლის სამართლის კოდექსის 308-ე მუხლის პირველი ნაწილით აქვთ წარდგენილი, რაც გულისხმობს საქართველოს საწინააღმდეგო მოქმედებას, რომელიც მიმართულია უცხო ქვეყნისათვის ქვეყნის მთელი ტერიტორიის ან მისი ნაწილის გადაცემისაკენ. პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემულ რუკებზე დატანილი საზღვრის ხაზებით, რაც არსებითად ეწინააღმდეგება ქვეყნის ისტორიულ საზღვარს, მათ შორის დავით გარეჯთან მიმართებაში.

Print Email
FaceBook Twitter
რ ე კ ლ ა მ ა
ჩხოროწყუს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი სოფელ თაიაში წყალმომარგების მოწყობის სამუშაოებს გაეცნენ.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
კორონავირუსი
სამეგრელოში განთავსებულ სამ კოვიდკლინიკაში 212 ინფიცირებული პაციენტი გადის მკურნალობის კურსს, მათგან რუხის კლინიკაში 142 კოვიდ პაციენტია მოთავსებული, ფოთის ჰოსპიტალში 40,
24 ნოემბრის მონაცემებით აფხაზეთში კორონავირუსზე 386 ადამიანი გამოიკვლიეს და მათგან  116-ს ინფექცია დაუდასტურდა. ინფორმაციას დე ფაქტო რესპუბლიკაში შექმნილი ოპერატიული შტაბი ავრცელებს.
ქვეყანაში არსებული ეპიდსიტუაციისა და დიდ ქალაქებში მობილობის შემცირების მიზნით,საქართველოს 10 ქალაქში, მათ შორის, ზუგდიდსა და ფოთში სასწავლო პროცესი 2020-2021
საზოგადოება
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
14-16 ნოემბერს, საქართველოს განათლების, მეცნიერების, კულტურისა და სპორტის სამინისტროს მხარდაჭერით, აქცია „ღამე მუზეუმში“ ტარდება. ამის შესახებ ინფორმაციას განათლების სამინისტრო ავრცელებს.
დღეიდან, 9 ნოემბრიდან შევა ძალაში საკოორდინაციო საბჭოს გადაწყვეტილება, რომლის მიხედვით, ზუგდიდში, ფოთში, ქუთაისში, ბათუმში, რუსთავში, გორსა და თბილისში
დღის სიახლეები
25 / ნოემბერი 2020
წალენჯიხაში, დაბა ჯვარის მიმდებარე ტყეში დაჭრილი 60 წლამდე მამაკაცი გარდაიცვალა.
25 / ნოემბერი 2020
წალენჯიხის მუნიციპალიტეტში, დაბა ჯვარის მიმდებარე ტყიდან მეხანძრე მაშველები დაჭრილი მონადირის გამოყვანას ცდილობენ.
25 / ნოემბერი 2020
29 წლის ნათია ფანცულაია, რომელიც წარმოშობით ზუგდიდის მუნიციპალიტეტის სოფელ რუხიდანაა, უეფას ქალთა ჩემპიონთა ლიგის ერთ-ერთი საუკეთესო ბომბარდირია.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 6 °C
img
სოხუმი 6 °C
img
ფოთი 10 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.