ზუგდიდში, თაბუკაშვილის ქუჩაზე არსებული ბიზნესობიექტების მფლობელებმა და  მოსახლეობამ აღნიშნულ ქუჩაზე დაწესებული ცალმხრივი მოძრაობა გააპროტესტეს. ადგილობრივების თქმით, შეზღუდვის გამო მათ სახლში მისვლა შემოვლითი გზით უწევთ. ბიზნესმენები კი ამტკიცებენ, რომ ქუჩის გადაკეტვა ერთ-ერთი მაღაზიის ინტერესებს ემსახურება, რის გამოც სხვა მარკეტებმა მომხმარებელი დაკარგეს. "მიმოსვლა არის აკრძალული, სახლში ვერ მივდივართ. რომ მივიდეთ არის 4-5- ქუჩით მეტი გასასვლელი. სადაც 100 მეტრი იყო გასასვლელი გავდივართ კილომეტრებით მეტს", - ამბობენ აქციის მონაწილეები.

ამ წუთებში ისინი სამხარეო ადმინისტრაციაში ადგილობრივი ხელისუფლების წარმომადგენლებს ხვდებიან.