ახალი ამბები
ვის სურს ზუგდიდის მერობა
2021 წლის 2 ოქტომბრის არჩევნებზე ზუგდიდის მერობისთვის 4 კანდიდატი იბრძვის. ყველა მათგანი პარტიების მიერ არის წარდგენილი. ცესკოს მონაცემებით, კანდიდატი "ერთიანმა ნაციონალურმა მოძრაობამ", "საქართველოს პატრიოტთა ალიანსმა", გახარია - საქართველოსთვის" და "ქართულმა ოცნებამ" წარადგინა.

კანდიდატების ჩამონათვალს საარჩევნო ნომრის მიხედვით გთავაზობთ:

ანზორ მელია - ერთიანი ნაციონალური მოძრაობა (საარჩევნო ნომერი 5)


კარდიოლოგი, მედიცინის დოქტორი, პროფესორი ანზორ მელია 1947 წლის 5 აგვისტოს ზუგდიდში დაიბადა. სამედიცინო განათლება მოსკოვში მიიღო, 1972 წელს დაამთავრა მოსკოვის შეჩენოვის სახელობის I სამედიცინო ინსტიტუტის სამკურნალო ფაკულტეტი და იქვე დაიცვა საკანდიდატო დისერტაცია. 1986-1996 წლებში იგი ქალაქის I საავადმყოფოში ხელმძღვანელობდა კარდიოლოგიურ განყოფილებას, ხოლო 1996 წლის აპრილიდან კარდიოლოგიურ კლინიკა "გულის" დამფუძნებელი და ხელმძღვანელია. არის საქართველოს კარდიოლოგთა ასოციაციის და ევროპის კარდიოლოგთა ასოციაციის საპატიო წევრი. გამოქვეყნებული აქვს 50-მდე სამეცნიერო პუბლიკაცია. ის ენმ-ის თავმჯდომარის ნიკა მელიას მამაა.

ილია ჩაჩიბაია - " საქართველოს პატრიოტთა ალიანსი" (საარჩევნო ნომერი 8)

ილია ჩაჩიბაია მერობის ყველაზე ახალგაზრდა კანდიდატია. ის 1989 წელს ზუგდიდში დაიბადა. პროფესიით ჟურნალისტია. ბოლო ათი წელია მუშაობს ტელერადიო კომპანია "ობიექტივში".  არის გადაცემების წამყვანი და პროგრამების ხელმძღვანელი. ევროპის რამდენიმე ქვეყანაში გაიარა საგანმანათლებლო პროგრამა.

გიორგი შენგელია - "გახარია - საქართველოსთვის" (საარჩევნო ნომერი 25)

გიორგი შენგელია დაიბადა 1981 წლის 8 იანვარს, ქალაქ ზუგდიდში. 2003 წელს დაამთავრა თბილისის სახელმწიფო უნივერსიტეტი ფინანსებისა და საბანკო საქმის სპეციალობით. 2004-2018 წლებში მუშაობდა საბანკო სფეროში მაღალ პოზიციებზე. 2018 წლის 7 ნოემბრიდან 2019 წლის 19 მაისამდე იკავებდა ზუგდიდის მუნიციპალიტეტის მერის პირველი მოადგილის თანამდებობას. 2019 წლის 19 მაისიდან 2021 წლის 17 მაისამდე იყო ზუგდიდის მერი. 2021 წლის 17 მაისს შენგელიამ დატოვა მერის თანამდებობა. 9 ივლისს დაადასტურა, რომ უერთდებოდა ყოფილი პრემიერის, გიორგი გახარიას პარტიას "საქართველოსთვის".

მამუკა წოწერია - ქართული ოცნება (საარჩევნო ნომერი 41)

მამუკა წოწერია დაიბადა 1974 წლის 10 იანვარს. დაამთავრა ივანე ჯავახიშვილის სახელობის თბილისის სახელმწიფო უნივერსიტეტი. 1996-2008 წლებში საქართველოს სავაჭრო-სამრეწველო პალატაში იკავებდა სხვადასხვა მაღალ თანამდებობას.  ამასთან, მუშაობდა სხვადასხვა კერძო ორგანიზაციაში ხელმძღვანელ პოზიციებზე. 2010 - 2011 წლებში დასაქმებული იყო თბილისის მერიის ქონების მართვის სააგენტოში. 2014 წელს გახდა ზუგდიდის საკრებულო მაჟორიტარი დეპუტატი. 2016 წელს დაინიშნა ზუგდიდის  გამგებელის პირველ მოადგილედ. 2017 წლიდან  დღემდე კი არის  საკრებულოს თავმჯდომარე.

შეგახსენებთ, ქვეყანაში თვითმმართველობის არჩევნები 2 ოქტომბერს გაიმართება.




Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 18 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.