ახალი ამბები
უკვე მერამდენედ საქართველოს გათავისუფლება სამეგრელოდან იწყება - ზუგდიდში, ენმ-ის აქციაზე მიხეილ სააკაშვილის წერილი წაიკითხეს
ზუგდიდში, მერიის შენობასთან ერთიანი ნაციონალური მოძრაობის ორგანიზებით აქცია გაიმართა. პარტიის ლიდერებმა ამომრჩევლებს მადლობა გადაუხადეს და მეორე ტურში მხარდაჭერისკენ მოუწოდეს.

"ჩვენს უკან არის საქართველო. ადამიანი, რომელიც სამარტოო საკნიდან გვადევნებს თვალს, მინდა თავისი საყვარელი სამეგრელოდან, ზუგდიდიდან მივესალმო, ვუთხრა მადლობა ყველა სიკეთისთვის. მივცე პირობა, რომ ბატონო პრეზიდენტო, ბრძოლა იქნება ბოლომდე - თქვენს თავისუფლებამდე და საქართველოს გამარჯვებამდე", - თქვა პარლამენტის წევრმა ანა წითლიძემ.

აქციაზე გააჟღერეს მესამე პრეზიდენტის წერილი, რომელშიც ის სამეგრელოს მოსახლეობას მიმართავს.

"როდესაც დავბრუნდი საქართველოში, პირველად ჩემი დედულეთის, ჩემი სამარგალოს ჰაერი ჩავისუნთქე. ეს იყო ნისლიანი ჰაერი პალიასტომის ტბისა, ჯადოსნურად ლურჯი ტობავარჩხილის, ჰაერი მაცოცხლებელი ლუგელასი, ჰაერი ხიბულასი, რომელმაც გულში ჩაიკრა ჩვენი პირველი პრეზიდენტი. ჰაერი გოროზი ნოქალაქევის, ჰაერი დიდი კონსტანტინეს პატარა აბაშის და რა თქმა უნდა, ჰაერი ჩემი საყვარელი ანაკლიისა და ლეგენდარული რუხის ციხის. ჰაერი იმ მხარისა, სადაც ყოველი კუთხე-კუნჭული ფეხით ბევრჯერ მაქვს შემოვლილი. თავისუფლების ეს ჰაერი ჩემი ციხის დაბურულ ფანჯარაშიც აღწევს, ის მოქრის ჩემი საყვარელი ჩელას მხარიდან, ყოველთვის მაოცებდა ამ მხარის, უძველესი კოლხეთის, მისი ხალხის სილამაზე და სიმამაცე. უკვე მერამდენედ საქართველოს გათავისუფლება სამეგრელოდან იწყება. იცით, ამ ჰაერს კიდევ რა ჰქვია? ეს თავისუფლების ჰაერია. ზუსტად ვიცი, რომ თქვენ იქნებით იმ კოლონის სათავეში, რომელიც სრულიად საქართველოს გაათავისუფლებს და გამათავისუფლებს მეც. კანონზომიერია, რომ პირველებმა სწორედ თქვენ ჩაუშალეთ ამ მოძალადე მთავრობას მცდელობა, "მხედრიონის" ტიპის სადამსჯელო ოპერაცია ჩაეტარებინა სამეგრელოში. პირველებმა თქვენმა პოლიციელებმა ამოიღეს ხმა. მე ვარ პუტინის პირადი პატიმარი, ვინაიდან მინდოდა ლაზიკა, მინდოდა მდიდარი საქართველო, მინდოდა მომეცა თქვენთვის წარმატება და მომავალი. ლაზიკა აუცილებლად აშენდება. ჩემი ოცნების ქალაქი, როგორც ზუგდიდის გაგრძელება. რაც პირეოსია ათენისთვის, როგორც დუბაი და სინგაპური, საქართველოა კავკასიისა და მთელი შავიზღვისპირეთისთვის რეგიონის მთავარი ცენტრი, სადაც მინიმალური ხელფასი 1000 დოლარი იქნება. მე თქვენებური ვარ და როდესაც საკუთარი ნებით შევდიოდი პუტინისა და ივანიშვილის ციხეში, კარგად მახსოვდა, რომ ჩვენ ცოტნე დადიანის შთამომავლები ვართ და ცოტნე დადიანის სისხლი გვიდუღს ძარღვებში. გეხვევით ყველას. მიყვარხართ. ძალიან მალე შეხვედრამდე გამარჯვებული საქართველოს დედაქალაქში. აბა ულა!" - ნათქვამია ციხეში მყოფი სააკაშვილის წერილში, რომელიც აქციაზე ენმ-ის წევრმა მაია კალანდიამ წაიკითხა. 

შეკრებილებს მიმართეს სამეგრელოს მუნიციპალიტეტების მერობის კანდიდატებმა და 30 ოქტომბერს აქტიურობისკენ მოუწოდეს.

აქციის დასასრულს მომღერლებმა მერაბ სეფაშვილმა და "ლექსენმა" რამდენიმე სიმღერა შეასრულეს.


Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
23 / ივნისი 2024
აფხაზეთის დე ფაქტო რესპუბლიკის „შინაგან საქმეთა სამინისტრო" ოპერატიულ სამძებრო სამუშაოებს ახორციელებს „ფსოუს“ ე.წ. საგუშაგოს ზონაში სროლაში მონაწილე პირების დასაკავებლად.
23 / ივნისი 2024
ზუგდიდის მერია 2024 წლის საპარლამენტო არჩევნებში ხმის მიცემის პროცესის უზრუნველსაყოფად, მუნიციპალიტეტის მასშტაბით,
22 / ივნისი 2024
სოხუმი არ განიხილავს ტურისტული საქმიანობის შესახებ მოქმედ "კანონმდებლობაში" ცვლილების შეტანის საკითხს, - ამის შესახებ აფხაზეთის თვითგამოცხადებული რესპუბლიკის ე.წ პრემიერ-მინისტრმა ალექსანდრე ანქვაბმა "გიდების პროფესიული საზოგადოების" წარმომადგენლებთან შეხვედრაზე განაცხადა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 19 °C
img
სოხუმი 19 °C
img
ფოთი 21 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.