ახალი ამბები
"ყველაფერი რაც გაქვთ „ქართულმა ოცნებამ“ მოგცათ" - რა უპასუხეს მალხაზ თორიას საკრებულოს სხდომაზე
ზუგდიდის საკრებულოს წევრმა პარტია „საქართველოდან“ მალხაზ თორიამ ხელისუფლება მის მიმართ განხორციელებულ ძალადობაში კიდევ ერთხელ დაადანაშაულა. ამჯერად  შესაბამისი განცხადება მან საკრებულოს დღევანდელ სხდომაზე გააკეთა. მისი თქმით, დანაშაულის ადგილიდან კამერების ამოღება 40 წუთში იყო შესაძლებელი, თუმცა ეს არ გაკეთდა.

„40 წუთი იყო საჭირო, დადასტურებული იყო ის ინფორმაცია, რომელიც ფაქტობრივად დაზარალებულების მხრიდან იყო მიწოდებული საგამოძიებო ორგანოებისთვის. აქედან გამომდინარე, იკვეთება, ის რომ აღნიშნულთან დაკავშირებით ინფორმირებული იყო ხელისუფლებაში მყოფი დანაყოფები. შეუძლებელია 21-ე საუკუნეში ცეცხლსასროლი იარაღით შეიარაღებული ადამიანი თავისუფლად ესხმოდეს თავს არასრულწლოვანს, ეს არის ამორალური ქმედება. მე ღრმად ვარ დარწმუნებული თითოეული დეპუტატისთვის ეს არის მტკივნეული თემა. მე თავისუფლად დავდიოდი, დავდივარ და ვივლი, ვინმეს თუ ჩემი პოლიტიკური არჩევანის გამო რამის გარკვევა უნდოდა, დალაპარაკება თავისუფლად შეიძლებოდა. ჩემი სურვილია, რომ ნებისმიერ ადამიანთან, ვინც არის არჩეული ხალხის მიერ, ვაშენო თანამედროვე, დემოკრატიული საზოგადოება“, - აღნიშნა თორიამ.

მას ფრაქცია „ქართული ოცნების“ თავმჯდომარემ ირაკლი გოგოხიამ უპასუხა და თქვა, რომ ეს განცხადება მისთვის მიუღებელია, რადგან ყველა გამოძიების დასრულებას უნდა დაელოდოს.

„თქვენ თქვით კვალი „ქართულ ოცნებასთან“ მიდის, გამოძიება დაგისრულებიათ, არ შეიძლება ასეთი განცხადებების გაკეთება. ჩემი აზრით გამოძიებას უნდა დაველოდოთ“, -  მიიჩნევს გოგოხია.

გახარიას პარტიის ბრალდებებს მმართველი პარტიის კიდევ ერთმა წარმომადგენელმა უპასუხა. ჯონი ჯიქიამ  სხდომაზე თქვა, რომ ყველაფერი, რაც დღეს თორიას აქვს, „ქართული ოცნების“ დამსახურებაა.

„ის პოლიტიკური დივიდენდები, რაც გაქვთ, მოგცათ „ქართულმა ოცნებამ“. თქვენ „ქართული ოცნების“ გუბერნატორი იყავით, სუს-ის უფროსი იყავით და ეს არის ფაქტი. თქვენც, გიგა ფარულავას და გეგა შენგელიას ყველაფერი მოგცათ „ქართულმა ოცნებამ“, გამოგიყვანათ ასპარეზზე. მინდა ერთი შეკითხვა დაგისვათ, მაგრამ უკვე გადიხართ დარბაზიდან. მაინტერესებდა სუს-ში რომ იყავით რამდენ ხანში იძიებდით საქმეებს? სიმართლე მწარეა და ამის მოსმენა არავის არ უნდა“, - თქვა ჯიქიამ.

თორიას მმართველი პარტიის დეპუტატისთვის პასუხი არ გაუცია. მან, თანაგუნდელებთან ერთად სხდომა  კითხვის დასრულებამდე დატოვა.

ინფორმაციისთვის, მალხაზ თორია ამბობს, რომ უცნობმა შეიარაღებულმა პირებმა მას კოკში, მამის საფლავზე, ფიზიკური შეურაცხყოფა მიაყენეს. ინციდენტის დროს მას არასრულწლოვანი შვილი ახლდა. 

აღნიშნულ ფაქტზე გამოძიება სისხლის სამართლის კოდექსის 236-ე, 151-ე, 187-ე მუხლებით მიმდინარეობს, რაც ცეცხლსასროლი იარაღის უკანონოდ შეძენა-შენახვა-ტარებას, მუქარასა და სხვისი ნივთის დაზიანებას გულისხმობს.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 16 °C
img
ფოთი 14 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.