ახალი ამბები
საქართველოში ჩარჩენილ უკრაინულ ოჯახს წალენჯიხაში შეიფარებენ
წალენჯიხის მკვიდრი ნინო მჭედლიშვილი საქართველოში ჩარჩენილ უკრაინულ ოჯახს უმასპინძლებს, ხოლო ადგილობრივი მერია მათ სხვა საჭიროებებს უზრუნველყოფს. სნეჟანა და ვლადიმერ ერემეევები თბილისიდან ცოტა ხნის წინ ჩამოვიდნენ. ზუგდიდის ცენტრალურ მოედანზე მათ მიმღები ოჯახის წევრები, წალენჯიხის მერი გია ხარჩილავა და მისი მოადგილე თამარ ბელქანია დახვდნენ. 

"ჩემი მეგობარი მუშაობს სასტუმროში, სამი დღის უკან დადო სტატუსი, რომ ჰყავდა სასტუმროში ოჯახი უკრაინიდან, რომლებიც ჩამოვიდნენ 23 თებერვალს და სასტუმროში გაჩერების ვადა ეწურებოდათ 3 მარტს. უკან ვერ ბრუნდებოდნენ, თვითონ ამ მეპატრონეს პირობები არ ჰქონდა, რომ თავისთან წაეყვანა. პირველი რაც დავწერე ეს იყო, რომ გამოეშვათ ჩემთან. მე მაქვს ერთოთახიანი ბინა, კეთილმოწყობილი. სოფელშიც მაქვს სახლი, მე გადავედი სოფელში და ბინის გასაღები მათ ჩავაბარე. უმუშევარი ვარ, ოჯახში მხოლოდ ჩემი მეუღლე მუშაობს. მხოლოდ ბინით უზრუნველყოფა არაა საკმარისი, საკვებიც სჭირდებათ, ამიტომ მივმართე წალენჯიხის მერს, გია ხარჩილავას და ჯვარის რწმუნებულს. ხედავთ, რომ უყურადღებოდ არ დატოვეს. ჯვარის რწმუნებულმა გაავრცელა ეს ინფორმაცია და უამრავი შემოწირულობები გაკეთდა გუშინ. თქვენ ნახავთ, რომ თუ როგორ დახვდებიან მათ. დიდება უკრაინას!, დიდება საქართველოს! რუსეთი ოკუპანტია!", - აღნიშნა ნინო მჭედლიშვილმა.

უკრაინული ოჯახი ხმელნიცკის ოლქის, ქალაქ სლავუტადანაა.  ისინი საომარი მოქმედებების დაწყებამდე რამდენიმე საათით ადრე ჩამოფრინდნენ საქართველოში. 

"ჩამოვედით და მალევე შვილებმა დაგვირეკეს, რომ იბომბებოდა ქალაქები. ჩვენი ქალაქი პატარაა, მოსახლეობა ბუნკერებში იმალება, გამუდმებულად ისმის გამაფრთხილებელი სირენის ხმა. ახლოს არის ქალაქი ნეტეშინი, სადაც ატომური ელექტროსადგურია, ამის გამოც განვიცდით. უკრაინაში დარჩა ჩვენი 2 შვილი და 4 შვილიშვილი...მათთან მუდმივ კონტაქტში ვართ, ჯერჯერობით, მადლობა ღმერთს, ცოცხლები არიან. სასტუმროში, სადაც ამ დრომდე ვიმყოფებოდით, დაგვეხმარნენ და გვიპოვეს ოჯახი წალენჯიხიდან. შემოგვთავაზეს ვიყოთ იქ, სანამ ყველაფერი არ მიწყნარდება, სანამ ვერ შევძლებთ დაბრუნებას", - უთხრა ჟურნალისტებს სნეჟანა ერემეევამ.

წალენჯიხის მერის ინფორმაციით, მუნიციპალიტეტი საჭიროების შემთხვევაში სხვა ოჯახებსაც გაუწევს დახმარებას. 

"ომი საშინელებაა, ადამიანი ვერ ბრუნდება საკუთარ სამშობლოში. მათ სასიცოცხლო საფრთხეები უდგათ და ამ რეალობიდან გამომდინარე პირველი ოჯახია, რომელსაც წალენჯიხა მიიღებს, შეიფარებს და იზრუნებს მათზე. ინფორმაციის მიღებიდანვე წალენჯიხელი მოქალაქე ნინო მჭედლიშვილი აქტიურად გამოეხმაურა ამ საკითხს, ჩაერთო ჩვენი თვითმმართველობაც და ეს ადამიანები იქნებიან წალენჯიხაში, როგორც სახლში. ომს აქვს საშინელებები, მაგრამ ომი მათ სამშობლოს ვერ წაართმევს, როგორც ჩვენ ვერ წაგვართმევს რუსეთი და იმპერია სამშობლოს", - აღნიშნა მერმა.

რამდენიმე დღით ადრე წალენჯიხის მერიამ 20 უკრაინელი ბავშვის მიღების მზაობა გამოთქვა.
Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერის მოადგილე ბესიკ ჭეჟია, სამეგრელო-ზემო სვანეთის სახელმწიფო რწმუნებულის მოადგილე ლუდუკ ხასიასთან და მაჟორიტარ დეპუტატებთან ერთად, ალერტკარის, ჭკადუაშის, ჭაქვინჯისა და ხეცერას ადმინისტრაციულ ერთეულებში მიმდინარე ინფრასტრუქტურულ სამუშაოებს გაეცნო.
ზუგდიდის მუნიციპალიტეტის ცაცხვის ადმინისტრაციულ ერთეულში მდებარე კოლხურ სამაროვანზე (ე. წ. ,,ცაიშის სამაროვანი“) ზუგდიდის მუნიციპალიტეტის მერიის დაფინანსებით საველე არქეოლოგიური კვლევა-ძიება მიმდინარეობს (ექსპედიციის ხელმძღვანელი, ისტორიის დოქტორი რ. პაპუაშვილი).
ანაკლიასა და განმხურუში ტურისტული სეზონი აქტიურ ფაზაშია.
კორონავირუსი
ბოლო სტატისტიკის თანახმად, 7 აგვისტოდან 14 აგვისტოს ჩათვლით საქართველოში კორონავირუსი 12 338 ადამიანს დაუდასტურდა, მათგან 1 094 სამეგრელო-ზემო სვანეთში მცხოვრებია. გარდაიცვალა ვირუსით ინფიცირებული 6 პაციენტი.
დე ფაქტო აფხაზეთის ჯანდაცვის სამინისტროს პრესსამსახურის ინფორმაციით, ბოლო ორი დღის განმავლობაში კორონავირუსით ორი ადამიანი 87 და 37 წლის მამაკაცი გარდაიცვალა.
1-ელიდან 8 აგვისტოს ჩათვლით აფხაზეთის დე პარტო რესპუბლიკაში კორონავირუსით ინფიცირების 312 შემთხვევა დადასტურდა.
საზოგადოება
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
საქართველოს მთავრობის დადგენილებით პირველი აგვისტოდან ქორწინების რიტუალის საზეიმო ვითარებაში ჩატარება იუსტიციის სახლის ფილიალში ან საზოგადოებრივ ცენტრში 75 ლარი ეღირება.
ზუგდიდში გამომცემლობა "ინტელექტის" ორგანიზებით 16 და 17 ივლისს წიგნების პრეზენტაცია გაიმართება. სტუმრებს საშუალება ექნებათ ავტორებს - მარი მალაზონიასა და ნესტან ნენე კვინიკაძეს შეხვდნენ და მათ კითხვები დაუსვან.
დღის სიახლეები
19 / აგვისტო 2022
აზიური ფაროსანა, სოკოვანი დაავადებები, უამინდობა - ეს ის ბუნებრივი მოცემულობაა, რომელთანაც გამკლავება მეთხილე ფერმერებს უწევთ.
19 / აგვისტო 2022
გამოძიება იმავე ეტაპზეა, ძებნაზეა დასმული და ისევ ვეძებთ. მეტი ახალი არაფერი არ გვაქვს, სამწუხაროდ, - ასე უპასუხა შს მინისტრმა ვახტანგ გომელაურმა ჟურნალისტების კითხვას "საქართველოს ბანკზე" თავდასხმაში ბრალდებული ბადრი ესებუას შესახებ.
19 / აგვისტო 2022
ყოფილი პრემიერ-მინისტრის გიორგი გახარიას პარტია "საქართველოსთვის" სენაკის რაიონული სასამართლოს გადაწყვეტილებას, რომლის თანახმადაც, მუნიციპალიტეტის საკრებულოს თავმჯდომარე აღარ ჰყავს, გაასაჩივრებს.
დილის ჩართვა
მთავარი საინფორმაციო გამოშვება
არქივი
ამინდი
ზუგდიდი 26 °C
img
სოხუმი 26 °C
img
ფოთი 27 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.