ახალი ამბები
ზუგდიდში "ოდოიას" პირველი აუდიო დისკი გამოიცა
ბოტანიკური ბაღის ადმინისტრაციის შენობაში ფოკლორულ ანსამბლ "ოდოიას" აუდიო დისკის პრეზენტაცია გაიმართა. ინფორმაციას მუნიციპალიტეტის "ხელოვნებისა და კულტურის განვითარების ცენტრი" ავრცელებს. როგორც ღონისძიებაზე ცენტრის დირექტორმა მანუჩარ სამუშიამ აღნიშნა, ანსამბლის აუდიო ჩანაწერების დისკის სახით გამოშვება პირველად მოხერხდა.

"ფოლკლორული ანსამბლი "ოდოია" 1973 წელს ჩამოყალიბდა და მას დაარსების დღიდან ხელმძღვანელობდა ღვაწლმოსილი ლოტბარი, ფოლკლორისტი, ხალხური სიმღერების უბადლო შემსრულებელი, ბატონი პოლიკარპე ხუბულავა. სწორედ მისი კლასგამოვლილი ახალგაზრდებისგან, 2009 წელს მუსიკალურ- ქორეოგრაფიულ ცენტრ "ოდიშში", შეიქმნა ვაჟთა ფოლკლორული ანსამბლ "ოდოიას" მეორე თაობა. მას სათავეში ჩაუდგა ახალგაზრდა ლოტბარი ორესტი სიჭინავა. ანსამბლს კონსულტაციას, რა თქმა უნდა, ბატონი პოლიკარპე უწევდა. "ოდოიას" 50-წლიანი წარმატებული მოღვაწეობის მანძილზე, პირველად მოხერხდა აუდიო დისკის გაკეთება, რაც მართლაც მნიშვნელოვანი ფაქტია ანსამბლისთვის. ამიტომ მინდა მადლობა გადავუხადო ყველას, ვინც კი თუნდაც უმნიშვნელო წვლილი შეიტანა ამ საქმეში", - თქვა სამუშიამ. 

მისივე ინფორმაციით, აუდიო კრებული 12 სიმღერას მოიცავს. 

ღონისძიებაზე ანსამბლის წევრებმა ფოლკლორული სიმღერები ცოცხლად შეასრულეს. 

პრეზენტაციაზე იმყოფებოდნენ ადგილობრივი ხელისუფლების წარმომადგენლები, ანზორ ერქომაიშვილის სახელობის საქართველოს სახელმწიფო ფოლკლორის ცენტრის დირექტორის მოადგილე გიორგი გაბუნია და სალოტბარო სკოლების კოორდინატორი სამეგრელოს რეგიონში ირაკლი ტკვაცარია. სტუმრებს დისკი საჩუქრად გადაეცათ.
Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
19 / მაისი 2024
სამეგრელო-ზემო სვანეთის პოლიციის დეპარტამენტის თანამშრომლებმა სენაკში მკვლელობის ბრალდებით 2003 წელს დაბადებული ლ.ს. დააკავეს.
19 / მაისი 2024
გიგა ოთხოზორიას დედა ჯულიეტა ჭანტურია შვილის მკვლელობიდან 8 წლის თავზე ამბობს, რომ მკვლელის დასჯის მოლოდინი არ აქვს.
19 / მაისი 2024
სენაკში, ქალაქის ერთ - ერთ ქუჩაზე, გუშინ ღამით მკვლელობა მოხდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 8 °C
img
სოხუმი 12 °C
img
ფოთი 13 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.