ახალი ამბები
ზუგდიდის მერი: ყინულის მოედნის პროექტირება, სავარაუდოდ, წლის ბოლომდე დასრულდება
ზუგდიდის მერია საქართველოს კულტურის, სპორტისა და ახალგაზრდობის სამინისტროსთან ერთად ბენდელიანის ქუჩაზე საერთაშორისო სტანდარტის ყინულის მოედნის პროექტირებაზე მუშაობს. ასე უპასუხა ზუგდიდის მერმა მამუკა წოწერიამ რადიო "ათინათის" კითხვას, თუ რა ეტაპზეა ქალაქში ყინულის მოედნის მოწყობის საკითხი. მერი განმარტავს, რომ აქამდე არსებული გასაბერი კონსტრუქცია ამორტიზებულია, მისი შენახვა კი დიდ დანახარჯებთანაა დაკავშირებული, რის გამოც მისი იმავე სახით გადატანა არ იგეგმება.

"გასაბერ კონსტრუქციას პირდაპირ ვერანაირად ვერ გადავიტანდით. ამასთან, ძალიან ხარჯიანია, ამიტომ გვექნება უფრო მყარი კონსტრუქცია, რომელსაც მიმდინარე ხარჯები არ დასჭირდება. ეს იყო ძირითადი შემაფერხებელი მომენტი, რის გამოც ვერ მოხერხდა აქამდე მისი გადატანა და ინსტალაცია. როგორც კი პროექტი იქნება, მერე თავისთავად დაფინანსების წყაროს მოძიებაზე გადავალთ. პროექტირების ნაწილში, ალბათ, წლის ბოლომდე ჩავეტევით, მერე ვნახოთ, რა იქნება ბიუჯეტი და სამუშაოებს როდის დავიწყებთ. პროექტი როცა გვექნება ხელში, მერე შეგვიძლია უფრო დეტალურად ვისაუბროთ და კონკრეტული ვადებიც დავთქვათ", - ამბობს მერი. 

მამუკა წოწერიას ინფორმაციით, ყინულის მოედნის მშენებლობის ლოკაციად კვლავ ბენდელიანის ქუჩა მოიაზრება, სადაც მისივე თქმით, საცურაო აუზის მოწყობაა დაგეგმილი. ის ვარაუდობს, რომ თანხების მობილიზება სხვადასხვა გზით მოუწევთ. 

"ადგილობრივი ბიუჯეტიდან ალბათ არა, დაგვჭირდება სახელმწიფო ბიუჯეტის ან მუნიციპალური განვითარების ფონდის დახმარება ამასთან დაკავშირებით. იაფი ნამდვილად არ იქნება, იმიტომ, რომ საერთაშორისო სტანდარტის მოედანი მოეწყობა, სადაც სპორტული ღონისძიებების ჩატარება იქნება შესაძლებელი. იმ პარამეტრებით, რა პარამეტრებითაც გვქონდა, სპორტული აქტივობებისთვის არ იყო საკმარისი, აქედან წამოვიდა იდეა, რომ იყოს სტანდარტის შესაბამისი", - თქვა მამუკა წოწერიამ. 

რაც შეეხება ყინულის ყოფილი მოედნის ტერიტორიას, რომელიც m²-მა შეიძინა, მერის ინფორმაციით კომპანიამ მშენებლობის ნებართვა გასული წლის ნოემბერში მიიღო და სასტუმროს ასაშენებლად 30 თვემდე ვადა აქვს.

"გვქონდა კონსულტაციები და ისინი არიან ფინანსური რესურსის მობილიზაციის ეტაპზე, აქვთ 30 თვე ამ პროექტის განსახორციელებლად. ჯერ, ყოველ შემთხვევაში, ვადა აქვთ",- გვითხრა მერმა.

სკეიტპარკში მდებარე ყინულის სასახლის ტერიტორია სამშენებლო კომპანია m²-მა 7 270 118 ლარად შეიძინა. კომპანია აქ 80 ნომრიანი, საერთაშორისო სტანდარტების ბრენდულ სასტუმროს მშენებლობას გეგმავს.

ყინულის მოედნის მშენებლობა ზუგდიდში 2012 წელს დაიწყო. ის წლების განმავლობაში სრულყოფილად ვერ ფუნქციონირებდა და პერიოდულად იხურებოდა.

საერთაშორისო გამჭვირვალობა საქართველოს მიერ ზუგდიდში ყინულის მოედნის მშენებლობისა და შენახვისთვის გაწეული ხარჯის შესახებ მომზადებული კვლევის მიხედვით, ჯამში, ის ბიუჯეტს 8 მილიონ ლარამდე დაუჯდა.


ამავე თემაზე: 

ზუგდიდის მერია ყინულის საწმენდ მანქანას აქირავებს

რატომ გადაიდო ზუგდიდში ყინულის სახლის მშენებლობა და სხვა პროექტები 2021 წლისთვის

TI: ზუგდიდში ყინულის ჯერაც დაუსრულებელი მოედნის მოწყობაზე 8 მილიონ ლარამდე დაიხარჯა

ზუგდიდში ყინულის სასახლის ტერიტორია m² - მა იყიდა

ყინულის სახლის ტერიტორიის გაყიდვა - ზუგდიდის განვითარების შესაძლებლობა თუ საზოგადოების აზრის უგულებელყოფა (ვიდეო)


Print Email
FaceBook Twitter
რ ე კ ლ ა მ ა
ზუგდიდის მერია ერთადერთი მუნიციპალიტეტია ქვეყნის მასშტაბით, რომელიც ქვეყნის ფარგლებს გარეთ სასწავლებელში ჩარიცხული სტუდენტების ფინანსურ მხარდაჭერას ახორციელებს.
საქართველოს მთავრობა სამეგრელო-ზემო სვანეთის რეგიონში მიმდინარე და განხორციელებული ინფრასტრუქტურული პროექტების შესახებ ვიდეორგოლს ავრცელებს.
საქართველოს მთავრობა სამეგრელო-ზემო სვანეთის რეგიონში მიმდინარე და განხორციელებული ინფრასტრუქტურული პროექტების შესახებ ვიდეორგოლს ავრცელებს.
საზოგადოება
საქართველოს სტატისტიკის ეროვნული სამსახურის მიერ გამოქვეყნებული წინასწარი შედეგების თანახმად, 2023 წლის იანვარ-ივლისში საქართველოდან განხორციელებული საქონლის ექსპორტის მოცულობამ (არადეკლარირებული
სტატისტიკის ეროვნულმა სამსახურმა 2023 წლის მეორე კვარტალში სამუშაო ძალის მაჩვენებლები გამოაქვეყნა.
საქართველოს კონკურენციის ეროვნულმა სააგენტომ გასული წლის მარტ-აგვისტოში საავტომობილო საწვავის საცალო ბაზარზე მაღალი ფასების შენარჩუნების მიზეზით ხუთი უმსხვილესი ეკონომიკური აგენტი დააჯარიმა. ამის შესახებ
დღის სიახლეები
29 / ნოემბერი 2023
ზუგდიდის მერია ერთადერთი მუნიციპალიტეტია ქვეყნის მასშტაბით, რომელიც ქვეყნის ფარგლებს გარეთ სასწავლებელში ჩარიცხული სტუდენტების ფინანსურ მხარდაჭერას ახორციელებს.
29 / ნოემბერი 2023
გაგრის რაიონში ძლიერი შტორმის შედეგად მიყენებული ზარალის დათვლა ჯერჯერობით არ დასრულებულა. ამის შესახებ "აფსნიპრესს" გაგრის რაიონის ე.წ. ადმინისტრაციის უფროსის მოადგილემ ადამურ ციშბამ უთხრა.
29 / ნოემბერი 2023
ელიზბარ ხვიჩიას გზა ამერიკისა და ევროპისკენ 9 წლის წინ, 2014 წელს დაიწყო. მაშინ 17 წლის მოსწავლემ მომავალ ლიდერთა გაცვლით პროგრამაში გაიმარჯვა და ორი წლით ამერიკაში წავიდა.
დილის ჩართვა
ოდაბადეშ კინოხონი
23 / ნოემბერი 2023
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 10 °C
img
სოხუმი 12 °C
img
ფოთი 12 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.