ახალი ამბები
ფაქტობრივად, რუსულ ენას აფხაზეთში აქვს მეორე სახელმწიფო ენის სტატუსი - არძინბა კალაშნიკოვს პასუხობს

აფხაზეთის დე ფაქტო რესპუბლიკის საგარეო საქმეთა მინისტრი ინალ არძინბა გამოეხმაურა რუსეთის დუმის დსთ - ს საკითხთა კომიტეტის თავმჯდომარის, ლეონიდ კალაშნიკოვის განცხადებას, რომელიც აფხაზეთში რუსული ენის

მდგომარეობას ეხება. 25 მაისს კომიტეტის სხდომაზე, რომელსაც არძინბაც ესწრებოდა, კალაშნიკოვმა განაცხადა, რომ "აფხაზეთის კანონმდებლობაში" შესატანი ცვლილებები შესაძლოა, რუსული ენის დისკრიმინაციის მიზეზი გახდეს. ცვლილებები ითვალისწინებს აფხაზური ენის სავალდებულო ცოდნას არჩევით თანამდებობებზე წარდგენილი კანდიდატებისთვის.

ინალ არძინბამ კი განაცხადა, რომ აფხაზეთის დე ფაქტო რესპუბლიკაში რუსულ ენას განსაკუთრებული სტატუსი აქვს და "მაქსიმალურად გამოიყენება რესპუბლიკის მთელ ტერიტორიაზე, იქ მცხოვრებ მრავალრიცხოვან ეთნიკურ ჯგუფებს შორის".

"რუსული ენის გამოყენების ნორმები ნაწილობრივ გამყარებულია აფხაზეთის რესპუბლიკის კონსტიტუციის მე-6 მუხლით, რომლის თანახმად, აფხაზეთის რესპუბლიკის სახელმწიფო ენაა აფხაზური, რუსული კი, აფხაზურის გვერდით აღიარებულია სახელმწიფო და სხვა დაწესებულებებში. სახელმწიფო აფხაზეთის რესპუბლიკაში მცხოვრებ ყველა ეთნიკურ ჯგუფს მშობლიური ენის თავისუფალი გამოყენების გარანტიას აძლევს", - განაცხადა არძინბამ.

მან დასძინა, რომ "აფხაზეთის რესპუბლიკის სახელმწიფო ენის შესახებ კანონის" თანახმად, "აფხაზეთის ყველა მოქალაქეს განათლების მიღების გარანტია აქვს აფხაზურ და რუსულ ენებზე."

"რუსული ენა, აფხაზურთან ერთად, ოფიციალური კომუნიკაციის საშუალებაა სახელმწიფო ხელისუფლების უმაღლეს ორგანოებში. აფხაზეთის რესპუბლიკის სახალხო კრების, პარლამენტის, აფხაზეთის რესპუბლიკის მინისტრთა კაბინეტისა და სხვა დაწესებულებების მიერ განსახილველად წარდგენილი კანონპროექტები და სხვა სამართლებრივი აქტები უნდა წარედგინოს აფხაზურ და რუსულ ენებზე. კანონმდებლობის მოქმედი ნორმები იძლევა სამეცნიერო ნაშრომების რუსულ ენაზე დაცვის საშუალებას. ფაქტობრივად, რუსულ ენას აქვს მეორე სახელმწიფო ენის სტატუსი აფხაზეთის რესპუბლიკის ტერიტორიაზე", - ნათქვამია აფხაზეთის ე.წ. საგარეო საქმეთა სამინისტროს განცხადებაში.

არძინბას თქმით, "მოქმედი კანონმდებლობის ნორმები საიმედოდ იცავს რუსული ენის სტატუსს, საშუალებას აძლევს ყველა მოქალაქეს, მაქსიმალურად და დაუბრკოლებლად გამოიყენოს რუსული ენა საქმიანობის ყველა სფეროში".

მიმდინარე წლის მარტში სოხუმში საპარლამენტო არჩევნების შედეგები განიხილეს, რის შედეგადაც რუსი ეროვნების რამდენიმე კანდიდატი დეპუტატობის მანდატისთვის ბრძოლას გამოეთიშა, წერს "ეხო კავკაზა".

ხელისუფლებისა და საერთაშორისო ორგანიზაციების განცხადებით, მშობლიური ენის გამოყენების უფლებით ვერ სარგებლობენ გალის რაიონის მცხოვრები ეთნიკური ქართველები, რადგანაც სკოლები რუსულენოვან სწავლებაზე გადავიდა.

 

Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დღის სიახლეები
23 / ივნისი 2024
ზუგდიდის მერია 2024 წლის საპარლამენტო არჩევნებში ხმის მიცემის პროცესის უზრუნველსაყოფად, მუნიციპალიტეტის მასშტაბით,
22 / ივნისი 2024
სოხუმი არ განიხილავს ტურისტული საქმიანობის შესახებ მოქმედ "კანონმდებლობაში" ცვლილების შეტანის საკითხს, - ამის შესახებ აფხაზეთის თვითგამოცხადებული რესპუბლიკის ე.წ პრემიერ-მინისტრმა ალექსანდრე ანქვაბმა "გიდების პროფესიული საზოგადოების" წარმომადგენლებთან შეხვედრაზე განაცხადა.
21 / ივნისი 2024
ძლიერი წვიმის შედეგად  წალენჯიხის რამდენიმე უბანში დაიტბორა საკარმიდამო მიწის ნაკვეთები და ჩამოირეცხა შიდა საუბნო გზები.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 24 °C
img
სოხუმი 25 °C
img
ფოთი 24 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.