ახალი ამბები
სამეგრელო-ზემო სვანეთის მუნიციპალიტეტების თანამდებობის პირთა მეხუთედმა დეკლარაციები ხარვეზებით შეავსო - საერთაშორისო გამჭვირვალობა საქართველოს კვლევა
"საერთაშორისო გამჭვირვალობა - საქართველომ" შეისწავლა სამეგრელო-ზემო სვანეთის მუნიციპალიტეტების თანამდებობის პირთა 2021 წელს შევსებული დეკლარაციები, რომელთა მეხუთედიც ხარვეზიანი აღმოჩნდა. ორგანიზაციის ვებგვერდზე გამოქვეყნებული ინფორმაციით, 250-ზე მეტი თანამდებობის პირიდან დეკლარაცია 50-მა ხარვეზებით შეავსო. ამავე ცნობით, მუნიციპალიტეტებს შორის ყველაზე მეტი დარღვევა მესტიაში გამოვლინდა, სადაც დეკლარაცია ხარვეზებით 10-მა თანამდებობის პირმა შეავსო. ყველაზე ნაკლები, მხოლოდ 1 შემთხვევა კი მარტვილში დაფიქსირდა. 

TI-ს კვლევის მიხედვით, 23 თანამდებობის პირს კომპანიაში არსებული წილი მართვის უფლებით სხვა პირისთვის არ გადაუცია, მათ შორის არიან: სენაკის მერი - ვახტან გადელია, აბაშის მერი - გიგა გაბელაია, წალენჯიხის მერი - გიორგი ხარჩილავა, ფოთის მერის მოადგილე - ლექსო თოდუა, ხობის მერის პირველი მოადგილე - რევაზ ზაქარაია, წალენჯიხის მერის მოადგილე - ივანე ბურდული და აბაშის საკრებულოს თავმჯდომარის მოადგილე - ზეზვა მაკალათია.

გამოვლინდა 14 შემთხვევა, როდესაც თანამდებობის პირი ამავდროულად საწარმოს დირექტორია, მათ შორის არიან: სენაკის მერი - ვახტანგ გადელია, აბაშის მერი - გიგა გაბელაია, ფოთის მერის მოადგილე - ლექსო თოდუა და აბაშის საკრებულოს თავმჯდომარის მოადგილე - ზეზვა მაკალათია.

18 შემთხვევაში თანამდებობის პირებმა დეკლარაციაში არ მიუთითეს მისი ან/და ოჯახის წევრის საკუთრებაში არსებული უძრავი ქონება, მათ შორის არიან სენაკის მერი - ვახტანგ გადელია და ფოთის მერის მოადგილე - ლექსო თოდუა.

"თანამდებობის ხუთ პირთან დაკავშირებული კომპანია ჩართულია სახელმწიფო შესყიდვებში. გასათვალისწინებელია, რომ კვლევა ჩატარებულია საჯარო ინფორმაციაზე დაყრდნობით, თანამდებობის პირთა მიერ შევსებული დეკლარაციების და საჯარო რეესტრში არსებული საჯარო ინფორმაციის გამოყენებით. "საერთაშორისო გამჭვირვალობა - საქართველო" მოკლებულია შესაძლებლობას, შეამოწმოს, არის თუ არა კვლევაში ნახსენები კომპანიები აქტიური, რადგან ამ მიზნისთვის საჭირო ინფორმაცია წარმოადგენს საგადასახადო საიდუმლოებას, რაზეც ჩვენ ხელი არ მიგვიწვდება", - ვკითხულობთ საერთაშორისო გამჭვირვალობის კვლევაში.

სრულად დოკუმენტი ხელმისაწვდომია ბმულზე.
Print Email
FaceBook Twitter
დაფინანსებული
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
ქალაქ ზუგდიდში, კოსტავას №58-ში პირველი, უმაღლესი სტანდარტების ყავის სახლი გაიხსნა.
დღის სიახლეები
23 / თებერვალი 2024
"ნაციონალური მოძრაობის" დეპუტატის ანა წითლიძის განცხადებით, საჭიროა შეიქმნას მეგრული, სვანური, ლაზური და წოვა-თუშური ენების გადარჩენის და პოპულარიზაციის სახელმწიფო პროგრამა.
23 / თებერვალი 2024
მომავალ ლიდერთა გაცვლითი (FLEX) პროგრამის ფარგლებში, წელს ზუგდიდიდან აშშ-ში რამდენიმე მოსწავლე გაემგზავრება.
23 / თებერვალი 2024
24-26 თებერვალს დასავლეთ საქართველოში შედარებით თბილი და უნალექო ამინდია მოსალოდნელი.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 11 °C
img
სოხუმი 11 °C
img
ფოთი 10 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.