ახალი ამბები
სოხუმში მოსკოვს მოუწოდეს გაიწვიოს ბიჭვინთის აგარაკის გადაცემის შეთანხმებაზე ხელმოწერა
აფხაზეთის დაახლოებით 60-მდე მცხოვრებმა რუსეთის "ელჩს" მიხაილ შურგალინს "აფხაზეთის ქალების" სახელით წერილით მიმართა. მიმართვის ავტორები ბიჭვინთის ყოფილი სახელმწიფო აგარაკის რუსეთისთვის გადაცემას ეწინააღმდეგებიან, წერს "ეხო კავკაზა".

განცხადებაში ნათქვამია, რომ ეს "აფხაზი ხალხის, აფხაზეთის, მის კანონებთან და კონსტიტუციასთან სახელმწიფოებრივ ინტერესებთან წინააღმდეგობაში მოდის". აქვე ხაზგასმულია, რომ "მთავრობის" მიერ ხელმოწერილი დოკუმენტი, რომლის რატიფიცირებაც "პარლამენტს" არ მოუხდენია "უკვე ახლა იწვევს საზოგადოებაში დაძაბულობას".

"ქალებს არ გვსურს, რომ ვითარება უკონტროლო გახდეს, რომ ჩვენს ქვეყანაში საზოგადოებასა და მთავრობას შორის ძალისმიერი დაპირისპირება წარმოიქმნას, რომ ჩვენს საზოგადოებაში ანტირუსული განწყობები გაჩნდეს",- ნათქვამია განცხადებაში.

განცხადებაზე ხელმომწერი ქალები, სისხლის სამართლებრივ პასუხისმგებლობაზე მიუთითებენ, რასაც "უცხო სახელმწიფოსთვის აფხაზეთის ტერიტორიის ნაწილის გადაცემის და ტერიტორიული მთლიანობის დარღვევის მოწოდება" ითვალისწინებს.

"აღასანიშნავია, რომ, სანამ შეთანხმება რატიფიცირებული არაა, რუსეთის ხელისუფლებას აქვს სიბრძნის გამოვლენის შანსი რათა გაიწვიოს თავისი ხელმოწერა. დარწმუნებული ვართ, აღნიშნული შეთანხმება ორ მეგობარ სახელმწიფოს რუსეთსა და აფხაზეთს შორის ურთიერთობების გართულების მიზეზად არ იქცევა" მომართვათ თქვენ, მიხაილ ალექსანდროვიჩ, მოწოდებით თქვენი უფლებამოსილება გამოიყენოთ, რათა აღნიშნული შეთანხმება გაუქმდეს უახლოეს მომავალში",- ნათქვამია განცხადებაში.

მანამდე, აფხაზური საზოგადოების წარმომადგენლები "ელჩს" შეხვდნენ. სამოქალაქო აქტივისტმა ნაირა ამალიამ განაცხადა, რომ "შეხვედრამ ნორმალურ და კეთილგანწყობილ ატმოსფეროში ჩაიარა".

უფრო ადრე, რუსი დიპლომატი აფხაზეთში მოქმედმა სამოქალაქო ორგანიზაციებმა "აიააირამ" და "აიდგილარამ" სააგენტო "რია ნოვოსტისთან" გამოთქმული პოზიციის გამო გააკრიტიკეს. შურგალინმა გამოცემასთვის მიცემულ ინტერვიუში განაცხადა, რომ "ბიჭვინთის" ობიექტის გადაცემის გარშემო არსებული ვითარება "ზედმეტად პოლიტიზებულია". მისი სიტყვებით "ამ თემაზე პოლიტიკურმა სპეკულაციამ შეიძლება ზიანი მიაყენოს რუსეთსა და აფხაზეთს შორის ურთიერთქმედების შემდგომ განვითარებას". "ელჩმა" დასძინა, რომ "ბიჭვინთის" საკითხზე შეთანხმების რატიფიცირების გაჭიანურება აისახება რუსეთის მისწრაფებაზე ინვესტიცია ჩადოს ისეთ პროექტებში როგორებიცაა "აეროპორტის მშენებლობა, ტურისტული ობიექტები, აფხაზეთის რკინიგზის რეკონსტრუქცია".

აფხაზეთის ტერიტორიაზე არსებული ობიექტის რუსეთის ფედერაციის საკუთრებაში გადაცემისა და მისი გამოყენების წესის შესახებ ე.წ. შეთანხმებას 2022 წლის 19 იანვარს მოეწერა ხელი. 

"შეთანხმების" თანახმად, ბიჭვინთის ცნობილი სახელმწიფო აგარაკი და მის გარშემო არსებული 186 ჰექტარი მიწის ნაკვეთი რუსეთის ფედერაციის მფლობელობაში 49 წლიანი იჯარით. მასთან ერთად, ხელშეკრულება ამ მიწის მიმდებარედ საზღვაო სივრცის, 115 ჰექტარი ფართობის გადაცემის საკითხსაც ითვალისწინებს.

დე ფაქტო ხელისუფლება ცდილობს დაარწმუნოს მოსახლეობა შესაბამისი "კანონპროექტის" რატიფიცირების აუცილებლობაში და რუსეთთან ურთიერთობების გაუარესებით აშინებს მას. თუმცა, მოქალაქეების დიდი ნაწილი რუსეთისთვის სანაპირო მიწების გადაცემის წინააღმდეგ გამოდის.

ფოტო: "ეხო კავკაზა"

Print Email
FaceBook Twitter
დაფინანსებული
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სტატია
დღის სიახლეები
13 / ივნისი 2025
სამეგრელოში გავრცელებული ტანსაცმლის კომპლექსების მიხედვით მეგრელები საშინაო ჩაცმულობისგან, ასხვავებდნენ სადღესასწაულო და საგარეო ჩაცმულობას, რომელსაც უწოდებდნენ ,,სადიარო"/ ,,სასუმარო"" მუკაქუნალს.საგარეო ჩაცმულობის ელემენტებზე,საუკეთესო სანაჭრე მასალა იხარჯებოდა და შესამკობადაც მრავალი საშუალება იძებნებოდა.ამიტომაც სამეგრელოში საგარეო სამოსს ,,სამედიდუროს" უწოდებდნენ.დღევანდელ გადაცემაში დეტალურადაა აღწერილი როგორი იყო ქალის სამოსი XIX საუკუნის მეორე ნახევრისა და XX საუკუნის დასაწყისში.
10 / ივნისი 2025
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
05 / ივნისი 2025
სამეგრელოში გავრცელებული ტანსაცმლის კომპლექსების მიხედვით მეგრელები საშინაო ჩაცმულობისგან ასხვავებდნენ სადღესასწაულო და საგარეო ჩაცმულობას, რომელსაც უწოდებდნენ ,,სადიარო“/ ,,სასუმარო’’ მუკაქუნალს. იცნობენ ტანზე მოსარგები სამოსელის დანაწილების პრინციპებს: შიგნითა ,,დინახალენ ბარგი“ და ,,გარეთა ,,გალენ ბარგი“. დღევანდელ გადაცემაში აღწერილია როგორი იყო შიგნითა სამოსი ,საცვლების და გრძელი პერანგების ,,ოსარეშ“ ნიმუშები და როგორ იცვლებოდა მისი ფორმები დროთა განმავლობაში.
ოდაბადეშ კინოხონი
ჩვენი თვითმმართველობა
არქივი
«« ივნისი 2025 »»
262728293031 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 123456
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.